هااااااااااااااام قناه الجزيره الصهيونيه

[سويتى سوسو]

والله الجزيره مش بتكدب ولا بتقول حاجه غلط
هى بتنقل اللى موجود

وبتجيب الصوره
وبنشوفها بعيننا

لكن الاعلام المصرى
هو اللى كداب
مافيش غير مصر فى حالة استقرار !!!!!

وعلى فكره لو الجزيره وحشه

فى العربيه والمستقله وcnn و........الخ

وكلهم بيظهروا الحقيقه
مش اكتر

لكن الاعلام المصرى
مع الحكومه الفاسده

هما فهلا اللى بيغسلوا عقول الناس

[bebo_93]

المشاركة الأصلية كتبت بواسطة طائر الغربة

عفوا يا اخ بيبو ... لكن اتهامك باطل ....
الجزيرة قالت اليوم ان صفحة الاعلانات على موقعها الاليكتروني قد تعرض لهجوم من جانب قراصنة تهدف لتشويه تغطيتها لثورة شباب مصر على الظلم و العدوان والقهر و تم وضع اعلان بعنوان (( معا لإسقاط مصر ))...... والخبر موجود على صفحتها على الانترنت ...

اولا الجزيره بعد ان علمت بانتشار الخبر حذفت الصوره وبررت الموقف بأنه قرصنه

** الكل يعلم علم اليقين ان الجزيرة هي صوت الشباب و المهمشين و المظلومين في العالم العربي .. ومن ينتقدها ويتهمها بالعمالة هم فقط الحكام و منتفعيهم و من يواليهم .........

انا ولا مع الحكام ولا مواليهم ولا من اى حزب ومن كارهى الحزب الوطنى اصلا

المشكله ان كتير مش فاهمين انا مش عايز الريس يرحل وفى نفس الوقت مش عايزه يقعد فتره تانيه لكن عايز الريس يكمل المده دى لانه لو رحل دلوقتى هيبقى فى فراغ سياسى لمده 6 شهور واكيد عارفين يعنى ايه فاغ سياسى
وده اللى امريكا واسرائيل بيسعوا اليه ومنتظرينه عشان نكون لقمه سهله ليهم

*** يبقى سؤال يا اخ بيبو ويحتاج الى اجابة منك :
أنت الوحيد الذي استطاع تصوير الاعلان ولا يوجد على الانترنت حتى ما يشير الى حادثة الاختراق التي تمت فجر اليوم ولكن تم بسرعة البرق السطرة عليها من جانب تقنيي الجزيرة ... فكيف استطعت اللحاق و التصوير وبث الخبر .. الا ان تكون انت على خلفية مسبقة و معرفة بعملية القرصنة قبل حدوثها

مين قال لحضرتك انى انا لوحدى انا شوفت الصوره دى بالصدفه ونقلته وحضرتك تصفح فى المواقع اكيد هتلاقيه

انا وضحت لحضرتك ولك الحق فى التشكيك وفى الاخر اقول لحضرتك مش كل واحد هيقول حاجه مش عاجبه حد يقول عليه من الحزب الوطنى وقابض والكلام ده

طب ماهو من السهل ان الناس تقول على المتظاهرين اللى فى التحرير عملاء لامريكا عايزين يخربوا مصر

وهو ده اللى عايزين يوصلوله عايزين يقسموا مصر ويعملوا فتنه فيها فشلوا يعملوا فتنه بين المسلمين والمسيحين فى رأس السنه عايزين يعملوها فى مظاهرات الشباب اللى كانت واعيه جدا شباب 25 يناير

[bebo_93]

المشاركة الأصلية كتبت بواسطة amira elnaggar

الجزيرة بتصور الواقع من الشارع يعنى مش بتجيب حرب فلسطين وتزعها على انها مصر ولو القنوات المصرية بتصور الواقع كنا اتفرجنا عليها

وانا معاك فى ان الجزيرة بتكرة مصر

وبزيادة فى قناة اسمها الراى جايبة اغانى مصرية وبتشتم فى مصر واحوالها

المشاركة الأصلية كتبت بواسطة سويتى سوسو

والله الجزيره مش بتكدب ولا بتقول حاجه غلط
هى بتنقل اللى موجود

وبتجيب الصوره
وبنشوفها بعيننا

لكن الاعلام المصرى
هو اللى كداب
مافيش غير مصر فى حالة استقرار !!!!!

وعلى فكره لو الجزيره وحشه

فى العربيه والمستقله وcnn و........الخ

وكلهم بيظهروا الحقيقه
مش اكتر

لكن الاعلام المصرى
مع الحكومه الفاسده

هما فهلا اللى بيغسلوا عقول الناس

انا معاكوا الجزيره بتنقل الصوره زى ما هى بس بتهولها وبتحول المشكله الصغيره الى كارثه
يوم الاربعاء اللى فات وخاصه من الساعه 1 بليل لحد الفجر كاتبه خبر ان فى مخطط مصرى بأطلاق النار واباده الشباب المعتصمين فى الفجر
وجابت اتصالات تدعى انها من ميدان التحرير ويقولوا احنا بنضرب بالرصاص الحى من على كوبرى اكتوبر والجيش واقف وفضلوا كده

وتانى يوم يوم الخميس الشباب عادى واقف وموجود زى ما هو وحتى الانباء عن وجود القتلى اللى هما 5 لا بيزيدوا ولا يقلوا دول ماتوا الصبح فى الاشتباك بين المؤيدين والمعارضين
طب راح فين الرصاص ده وفين اللى اتصابوا بالرصاص ؟؟؟

ومش بطلب منكوا تتفرجوا على التلفزيون المصرى انا اصلا مش بتفرج عليه هو انا بشوف القنوات التانيه لانه اصلا مش حاسس باللى بيحصل ناقص يجيب طريقه عمل المكرونه بالبشاميل والفنان ...... فى برنامج وخلاص

[bebo_93]

متهيألى يا طائر الغربة

مش انا لوحدى اللى شوفت الخبر ده

اتفضل حضرتك
http://www.youm7.com/News.asp?NewsID=346124&SecID=97

وده من هنا من موقع ثانويه اللى بثق فيه جدا وده التوبيك اهو

http://www.thanwya.com/vb/showthread...04#post3068604