القلب بدا ينبض............

[اميمة طه]

اظن
ان اصعب حاجة على اى واحد انه فجاة يحس بانعدام الامان!
امبارح كان فى بيته وسط اهله واصحابه وحبايبه والنهارده لوحده فى مكان تانى خايف من المجهول وخايف من كل حاجة وعلى كل حاجة وكل واحد من المكنونين فى قلبه !هيعيش ازاى وهيرجعله الامان تانى ازاى ؟؟؟؟؟؟؟
لاول مرة فى حياتنا نحس باحساس كان الناس بيكلمونا عنه ونشوفه فى كلامهم واجاباتهم ودعواتهم ........ انك تصحى من النوم تلاقى حياتك اتغيرت فجاة باى طريقة بقا برسالة تهز كيانك وتقولك لا كفايه كفايه حظ وفرحة لحد كده دوق بقا اللى غيرك شافه قبلك ...................................
مافتكرش ان فى حد فى مصر مش خايف ..... كلنا كل دقيقة وثانية بتمر علينا بتقتلنا قبل ما تحيينا ايه اللى هيجرى والوضع هيبقى ايه واهلنا وحبايبنا وحياتنا وشغلنا وازاى وازاى وازاى ........................كنا فين ؟ وبقينا فين؟ وهنبقى فين؟ كله فى علم الله .
كل دعواتنا دلوقتى ان ربنا يستر !!!!