اقتباس:
المشاركة الأصلية كتبت بواسطة dr.different
كان ممكن يبقى شاب عادي
شاب هادي
يطلع من الكلية
يروح النادي
يهزر مع اصحابه
...و يعمل نفسه راضي
و يمشي عادي
السنة الجاية
بالظبط زي السنادي
و لما الناس تغني
بلادي بلادي
يقول
بلادي بلادي
بس هو أصلا مش عادي
و مش هيعمل نفسه راضي
و اما حد يطلع ينادي
مين هينصر مصر انهارده؟؟؟
مين هينصر مصر الليلادي
؟؟
و اما قالوا
طب و مالو !
شعب اهبل
شعب خايف
و اديك شايف
و اديني شايف
هتبقوا قلة
فئة ضالة
خليك عارف
يومها قال
لأخلاص
ده أنا خير جنود الأرض
أعوذ بالله من الوسواس الخناس
و من كلام الناس
و إن ما كنت هثور ع الأرض
ولا ع العرض
ولا ع الكرامة
يبقى ع الحرية السلامة
يبقى ع الحياة السلامة
أبدا ...أنا مليش
في الدنيا دي عيش
و أنا ميت
يلا يا خوف بره
ع الباب اللي يفوت
يا رب
يا حق
يا معين
ع الخونة و الظالمين
و واحد ....اتنين
وسط المظاهرة طلع
حس انه مصري
حس انه جدع
اول مرة يعيش من يوم ما اتولد
أو مرة يحس
انه معدش يخاف للأبد
و فجأة سمع
صوت عربية الأمن
بتتحرك عليهم
و بتمشي وسطيهم
وبتدوسهم
و تدهس روسهم
و فضل يرجع لحد
ما لقى في وشه حيطة سد
و طبعا كان الرد
من العجلة
مفيس رحمة
مفيش قلب
موقف صعب
مات الراجل
حقيقي حكم عادل
تتكلم
تموت
أحسن لك السكوت
لكن ده ممتش
ده استشهد
ده مخفش
ده وحد
و كبر ربه
هو صحيح كان عن دنيتنا بيبعد
بس من الحياة كان قربه
|
سلمت يداك ودام قلمك
عنوان رائع وكلمات رائعه
تحياتي
06-02-2011, 07:56 PM
العرض الشجري
