ثورة التحرير ما بين الرحيل والتغيير

[وائل العطار]

شكراً لك علي طرح موضوع جميل وكلام كان نفسي أقوله بس أنت سبقتني بموضوعك الرائع
أنا معاك ف كل كلمة قولتها ودي وجهة نظري ف الموقف دلوقتي
مبارك كما له عيوب كثيرة ظهرت بوضوح في آخر 10 سنين بالظبط من يوم ما دخل جمال وعز الحزب
ولكن مبارك له ايجابيات منها :
1-اشتراكه في حرب 73 وقيادته لسلاح الطيران ف أروع ما يكون " وهذا يكفي لتكريمه عند رحيله من وجهة نظري "
2- انشاء بنية تحتية في مصر في كافة المدن والمحافظات لم تشهدها البلاد من قبل .
3- مبارك من 81 حتي 2000 كان نعم القائد داخلياً وخارجياً
مع اعترافي الكامل بأن مبارك آن له الرحيل في نهاية فترة رئاسته الحالية لأنه خلاص حاجة وتمانين ومش هيقدر يدير بلد زي مصر بدليل أنه سابها لابنه وصديق ابنه في آخر عشر سنين " منتهي الفساد "

ولكن ...
مبارك ليس خائن .. مبارك ليس عميل .. مبارك ليس مجرم

ولذا فإن كنا فعلاً نحفظ الجميل ونعفو عن الغافل فلابد من تكريم مبارك في نهاية فترة رئاسته كبطل في حرب اكتوبر علي الأقل

ونفس أشوف مبارك بعد انتخابات الرئاسة وهو في القصر الرئاسي حاملاً علم مصر ويسلمه لرئيس مصر القادم بكل تحضر ووكالات العالم تنقل ذلك فإن ذلك سيرفع من هامة المصريين في العالم وستخلد ذكري ثورة 25 يناير في كتب التاريخ وسنعلن للعالم كله اننا شعب متحضر نتظاهر من أجل حقوقنا لا من أجل الانتقام فلن ننتقم من أحد أبطال نصرنا الوحيد علي اليهود في القرن الماضي

تحيه لشباب مصر الأوفياء وتحيه لمبارك بطل حرب اكتوبر

[BaNZeR]

المشاركة الأصلية كتبت بواسطة عاشقة الطفولة

اولا حمد الله لعى السلامة على طول الغياب

الله يسلمك ده بس فاصل ونواصل


وثانيا الموضوع طويل اووووووووووووي بس بجد رائع رائع

شكراً ربنا يخليكي

وهو ده المفروض اللي الناس تفهمه ان الرئيس مبارك زي ما في سلبيات في ايجابيات

بس دلوقتي الكل خلاص عايز الامر كن فيكون حتى لو كام شهر


مبارك لسه رئيس مصر واهانته اهانة لمصر فحافظ على كرامة مصر

والجملة دي عجبتني اووووي بس البعض لا يدركها ويوقولوا احنا مالنا بيه
ربنا يهدي الاحوال

لا مفيش حاجة اسمها مليش دعوة
انت رايح هناك تتكلم باسمي وعن بلدي يبقى تعبر عني مش عاللى انت عاوزه بس
انت رايح تصلح البلد ولا رايح تعزل مبارك ؟ ده الفرق

المشاركة الأصلية كتبت بواسطة وائل العطار

ولذا فإن كنا فعلاً نحفظ الجميل ونعفو عن الغافل فلابد من تكريم مبارك في نهاية فترة رئاسته كبطل في حرب اكتوبر علي الأقل

للأسف كانوا بيدرسو التاريخ عشان الامتحان مش عشان بلدهم
يمكن الجيل القديم اللى شهده هو بس اللى حاسس بالنقطة دي مش احنا

ونفس أشوف مبارك بعد انتخابات الرئاسة وهو في القصر الرئاسي حاملاً علم مصر ويسلمه لرئيس مصر القادم بكل تحضر ووكالات العالم تنقل ذلك فإن ذلك سيرفع من هامة المصريين في العالم وستخلد ذكري ثورة 25 يناير في كتب التاريخ وسنعلن للعالم كله اننا شعب متحضر نتظاهر من أجل حقوقنا لا من أجل الانتقام فلن ننتقم من أحد أبطال نصرنا الوحيد علي اليهود في القرن الماضي

يااه لو حصل
حيكون مبارك اول رئيس سابق في الوطن العربي
وحتكون مصر اول دولة عربية تسلم السلطة لغير الوريث وبشكل سلمي خلال الفترة الاخيرة كلها

يعني حتى لو كل اللى اتقال مش عاجبهم يسيبونا نخلد الميزة دي في التاريخ قبل ما حد يسبقنا

شكراً لإضافتك العطرة