لو ناوي تاخد حقك متقعدش تتفرج 10فبراير

[محمدجيرال]

انشاء الله معاكم يوم الخميس الساعة 10 امام وزارة الربية والتعليم وكمان انا هأرفع قضية اطلب فيها بشطب عضوية احمد ذكى بدر من نقابة المعلمين بس ياريت حد يجبلى الائحة الداخلية للنقابة

[إيهاب توفيق عبد اللطيف]

ان شاء الله انا معاكم وهجيب ناس معايا من القليوبية
واحنا عاملنا اتصالات بالتلفيزيون والصحافة

ان شاء الله يوم الخميس الساعة 10 صباحا

اصحوا بقى الناس كلها صحيت وانتوا لسه نايمين
فين المعلمين المساعدين

[alaa alam]

معاااااااااااااااااااااااااااااااااااااااك

[a7madxxx]

أصحوا قبل فوات الأوان هو ده وقته
لو خلصت الثورة من غير ما يتم تسجيل مواقفنا وإثبات حقنا فكل واحد مايلمش إلا نفسه أنا نازل بكرة ميدان التحرير وهتلقونى عامل عليها معلم مساعد وزهقت أرحل يمكن أتعين
فى حد هيجى معايا والله بتكلم جد

ومعاك يوم الخميس أمام وزارة التربية والتعليم العاشرة صباحا

[محمد أسامه الحديدى]

لازم نتعين ذي غيرنا إن شاء الله

[ابن الأكرمين]

بارك الله فيك ياغالي

ان شاء الله خير

[ABDOURAGAB]

فعلا حان الوقت ادخل ع الجروب وسجل مشاركتك

[monamode]

حاجه مهمه قوي كلكم ناسينها
المدرس ف الوزارة القديمه بتاعه احمد نظيف كان في نظر الدوله غير منتج
وكانت الاموال الي موجهه للوزارة اصلا قليله بعكس وزارة البترول والسياحه وخلافه
فاحنا عاوزين نلفت نظرهم ان مزانيه التربيه والتعليم لازم تكافئ مزاينه باقي الوزارات
وان احنا بننتج عقول بشريه
ازاي مدرس يطفح الدم طول الشهر وف الاخر 300 ج ليه يعني حرام وربنا
قبل التعين لازم يكبروا الميزانيه ويهتموا بالمدارس الحكوميه الي منظرها بقي بشع
ومفيهاش مقاعد حتي اضعف الايمان

[حازم دهب]

نطلب التثبيت اولا وكفايه عذاب لحد كده كفاااااااااايه

[مريمار]

ارجو المطالبة لتعين جميع العقود بالتربية و التعليم المعلم المساعد وغيره ربنا يكرمنا كلنا ان شاء الله العاملين بالعقود المؤقتة فى الاتصالات عملت وقفة احتجاجية والحمد لله وافقوا على تثبيتهم يا رب عقبالنا

[المليح]

معكم و معي الكثير من زملائي

[وليد العيسوى]

الناس فى كل الوزارات نزلت وعايزة تاخد حقها الظاهر اننا زى كل مرة متأخرين او بنتفق من خلال الشاشات بس خلينا قاعدين كده نتفرج كل واحد فينا ملهى بشوية دروس خصوصية

[mhashem79]

افق مجلس إدارة الشركة المصرية للاتصالات اليوم على منح العاملين بالشركة علاوة استثائية قدرها 15%، اعتبارا من أول أبريل، بحد أدنى 200 جنيه وحد أقصى 500 جنيه، والموافقة كذلك على تعيين جميع العمالة المؤقتة بالشركة خلال 10 أيام على الأكثر.
كما وافق مجلس الإدارة على زيادة نصيب أبناء العاملين فى التعيينات الجديدة من 10% حاليا إلى 20% من إجمالى التعيينات الجديدة والموافقة على مستوى الحاصلين على مؤهلات أعلى قبل دخولهم الخدمة، وإعادة العمل بنظام منح علاوة للحاصلين على شهادة دبلوم عالى وماجستير ودكتوراة، والتوصية للجمعية العامة للشركة لزيادة أرباح العاملين، والموافقة على إعداد ترقيات دورية من أول أبريل فى 2011 والموافقة على صرف مصاريف الجنازة من الشئون العامة.
كما طلب مجلس إدارة المصرية للاتصالات بتشكيل لجنة فورا من الإدارة والعاملين وشركة التأمين لدراسة كيفية تطوير نظام الرعاية الصحية، ليشمل أسر العاملين أيضا.
وقد ناشد المجلس جميع العاملين بضرورة وقف التظاهرات والاعتصامات، التى قام بها العاملون اليوم مراعاة لمصلحتهم ومصلحة الشركة والوطن.
كان آلاف العمال بالشركة المصرية للاتصالات بدأوا صباح اليوم اعتصام مفتوحا الثلاثاء، مطالبين بزيادة رواتبهم وبعدالة توزيع المخصصات والبدلات والمكافآت بين العاملين وإلغاء مجلس التأديب، طبقاً لحكم المحكمة، وإعادة العلاوة الدورية 10% بدلاً من 7% كحد أدنى.

[mhashem79]

دة علشان وقفة احتجاجية

[هاجر موسى]

تظاهر 500 مدرس وإداري بمشيخة الأزهر

الأربعاء, 09 فبراير 2011 14:07


أحمد الطيب شيخ الأزهر
كتب - إبراهيم قراعة:



تظاهر ما يقرب من 500، المدرسين والإداريين أمام مشيخة الأزهر بالدراسة مطالبين بزيادة المرتبات وتثبيت العمالة المتعاقدة بعقود ثانوية. وطالب المتظاهرون مقابلة شيخ الأزهر لحل مشكلاتهم، مشيرين إلى أن مرتباتهم لا تتعدى 300 جنيه ويجب زيادتها.