مفاجأة : عودة صفحة معلمون معتصمون بعد غلقها للعمل من جديد .. موعدنا 16 فبراير

[mostafa2222]

وياريت كمان المعلمين بالاجر
يعتصموا كمان احنا بناخد 144 جنيه
حسبنا الله ونعم الوكيل

[الأمير محمد السيد حمودة]

يعنى بتوع الكهرباء والبنوك يعملوا اعتصاماتا واحنا المعلمين الغلابة مش سألين عليها وااله حرام مفيش عدالة

[r2007k]

ان شأ اللة هنكون معكم يوم الأ ربعاء 16/2/2011 في اسيوط ياريت كل المعلمين فى اسيوط يخرجوا معنا خاصا" المدرسات لأن عددهم كبير

[r2007k]

يااخوتا لابد أن نأخذ حقنا لازم نتفق الناس بتأخذ 2000 و4000 وبتتظاهر واحنا ساكتين (الساكت عن الحق شيطان أخرص) كفايه كدة وجه بحري كتب على القطار احنا نسوان لو ما خرجناش يبقى الكلام صح

[سيد الأكرت]

كفاناسلبية وتخاذل فلا بد لنا من وقفة فقد تجاوزتالخامسة والثلاثين فمتى أعين ؟ وإلى متى نرضى ب369 جنيه لا تكفي ليوم 5 فيالشهر ؟ يجب تعيين كل المتعاقدين بلا شروط فهذه الشروط الموضوعة سابقا هيمن وضع زبانية النظام الراحل فالدستور الذي حكمنا سنينا سوف يتغير فماالداعي لهذه العراقيل لقد اضطررت لبيع شبكة زوجتي لأعمل الدبلومة التربويةالتي لم نستفيد منها شيئا مجرد كلام نحفظه ونخش نرصه في الامتحان أرجوكم لاتضيعواالفرصة

[بدري55]

حد يرد عليا الي امضي ثلاث سنوات ولكن عنده انجليزي ارجو الاهتمام بهذ ا الموضوع في الاعتصام يوم 16 فبراير والله الموفق

[Mr.Shaaban]

لا تنازل عن 16 / 2 / 2011 , لاستعادة الحق الضائع .....................................,,,,,,,,,,,,, ,,,,,,,,,,,,,,,,,,,,,,,,

[ايادممدوح]

احنا يا جماعة حنطالب بس بحقوقنا علشان نحط ايد الحكومة وامجتمع علي مشاكل المعلمين
واء حتحلها الحكومة دي او غيرها

ودي مش مزايدة ولا حاجة

وانا معلم في الازهر وتنطبق عليا كل شروط التثبيت

لكن حنطالب فس اسوان بالتثبيت لكل المعمين الحاليين الذين علي قوة المدارس بدون شروط
ومن هنا ورايح التعيين يبقيتثبيت وبشروط

[مروة شحاتة]

هلال يعلن بدء تثبيت 1900 موظف بـ"التعليم خبر النهاردة فى اليوم السابع

[الدكتور ابراهيم]

انا بضم صوتى لكل المعلمين المساعدين ياريت كلنا نقف وقفه واحده ونطالب بحقوقنا احنا مش اقل من الوزرات الا طالبت بحقها زى الاتصالات وجهاز الشرطه .... وغيرهم وكمان قطاع البترول .... على الرغم من مرتبات الناس ديه اسمه مرتبات مش زى المعلمين المساعدين الا بياخدوا ملاليم .... ياريت نطالب ان الكل يتثبت جمبع العقود المؤقته بدون استثناء والحصه ...

وانا لى اقتراح بسيط اننا لو احنا فعلا مرتبطين بشروط فرضها عليها قانون الكادر علشان التثبيت ... مفيش مشاكل نتثيت اولا زينا زى غيرنا وناخد حقنا وبعد كده نطبق كل الشروط ديه ... لكن ننتظر حتى يعقد امتحان ( لما هما يحددوا بقى )ونلاقى شروط تانى وثالث ورابع ..... الخ لا لا لا كفانا ويجب ان نتساوى مع غيرنا .....

[M:Sayed Moftah]

لقد حان الوقت للإستقرار والابتعاد عن الاضرابات والاعتصامات فقد تغير النظام وحدث لكم ما كنتم ترجوه .
فنرجو الصبر حتى يتم العمل وتستقر الامور وتهدأ ثم يأتى التعيين دون مناهدات وإرهاصات وإحتكاكات من شأنها الاضرار بالمصلحة العليا للوطن فنحن نريد التقدم .
فأنا اعتقد أن الذى سوف يأتى بعد ذلك سيكون خير وشكرأ لكم

[محمدmd]

امال انا مش شايف اى حركه فى محافظة قنا
هى رجالتها راحت فين
مش عايشيييين ولا ايه
ولا الحال عاجبهم
الناس اللى ليها ست اشهر فى مصالح كتير هتتثبت
واحنا اللى مؤهلات عليا لسه بنفكر فى التلتمية ملطوش
اصحووووووووووووووووووو يياعالم
ما ضاع حق وراءه مطالب
انا معاكو ان شاء الله
16/2
ده اللى بيتثبتو معظمهم دبلومات واقل واحد فيهم بياخد 800جنيه ومش عاجبه

[أحمد هاشم الزيدي]

[IMG]file:///C:/DOCUME%7E1/ADMINI%7E1/LOCALS%7E1/Temp/moz-screenshot.png[/IMG][IMG]file:///C:/DOCUME%7E1/ADMINI%7E1/LOCALS%7E1/Temp/moz-screenshot-1.png[/IMG] بالنسبه للمدرسين المتعاقدين لمده تقل عن 3 سنوات
فهناك بمشيئه الله تعالى وقفه احتجاجيه يوم الاربعاء 16-2 الساعه 12 ظهرا
امام مبنى وزاره التربيه والتعليم وذلك للمطالبه بتثبيت المتعاقدين
الرجاء نشرها ليحصل كل ذى حق حقه ونتواجد بقوه وباكبر عد ممكن

[malkhamza]

ياجماعه البلد مليانه فلوس انا معاكم وفى ناس كتير بتاخذ مرتبات عاليه واتظاهروا وطالبوا بالزيادة

وناس كتير غلابه زينا بعقد ب 100 جنيه وناس من غير عقد اصلا ومرميه فى الشارع من غير شغل

لو انت مكان وزير الماليه تعمل ايه وانت ماسك بقالك اسبوعين ومصر كلها طلعالك هتيدى لكله

ولا هدور الاول وتشوف الناس دى عندها حق ولا لا واى واحد اولى اللى مرمى فى الشارع ولا

اللى بعقد ب 100 ولا اللى عقدة ب 300 ارجو من الاساتذة المحترمين رفقا بوزير الماليه

شهر او شهرين وبعدين نحكم حرام الراجل مش ملاحق انا عارف احنا اتظلمنا كتيييييييير

جدا ومتنساش ان فى زميلك ونفس دفعتك ويمكن اخوك وماخدش اى حاجه ارجو اعمال

الجانب العقلى والانسانى

تعالوا نعمل حمله مثلا لجعل التعليم افضل كلا فى مدرسته نحرك مصر نحو الافضل

نعمل حملات ثقافيه فى المدارس نعمل شىء جديد ابتكارر احنا شباب ومصر مش هتتقدم

فعلا الا بينا ودى فرصتنا ان احنا نفكر ونبدع متتصورش مقدار السعادة الهائل لما نعمل حمله

فى شىء معين وتنجح هنحس فعلا اننا لنا قيمه

وانا سمعت وزير الماليه دة راجل محترم نصبر بس عليه شويه ما احنا صابرين بقالنا سنين

ارجو المساعدة فى مصر افضل

ودورنا احنا اهم دور

وهو جعل التعليم افضل

تعالوا نبتدى بحمله وعايز اعرف اراء وافكار وابداع الشباب اللى بيحب مصر

وانا اعرف ان كل اللى فى هذا المنتدى بيحب مصر

عاشت مصر جميله متقدمه

[darsh1]

وكيل الوزارة المحترم بيشتمنا و احنا بنتظاهر بشكل سلمي و محترم و بيقولنا انتو بهايم
اعتصام يوم 16\2 للمطالبة باتعيين و حوافز 100%