استطلاع الجزيرة محايدة ام مغرضه + اراء

[mr_ehab4m]

المشاركة الأصلية كتبت بواسطة اسد السنه

قناه الجزيره قناه صادقه حره تنقل الحقائق ولاتكذب على الناس لايكرهها الا اعضاء الحزب الوطنى والمنتمين الى قوات الامن الذين لايحترمون من لديه رأى حر لانهم دأبوا على خداع الرأى العام وتضليله وربنا كشفهم باعلامين زيهم ادخل شوف كلام عمار الشريعى على كذب القنوات المصريه وشوف دلوقتى غيروا لهجتهم لما حسوا ان النظام خلاص وطبعا الاعضاء الجدد معظمهم مجند فى المنتديات كلها لتشويه المتظاهرين والقنوات الحره التى تنقل الحقيقه وطبعا الحقيقه دى بتغيظ المفسدين ومن والاهم
استطلاع هيصوت فيه 20 عضو جديد من الحزب الوطنى الذى سيختفى باذن الله والمجندين اياهم اللى مهمتهم مكشوفه لاى شخص بيفهم باقولهم حسبى الله ونعم الوكيل فى كل شخص يعاون على الظلم
اللهم اهلك الظالمين بالظالمين واخرجنا من بينهم سالمين ((قولوا آمين))

الحمد لله انا مش حزب وطني ولا ليا دعوة بالشرطة ولا بحب الريس بالعكس كاره للنظام السابق وخاصتا ان لي اسباب خاصة لا يمكن سردها هنا
فحضرتك ( شوفت الاحترام ) للأسف متعصب جدا وردودك في مواضيع كثيرة اخري تدل علي ذالك
وشبهت كل الي شيفها انها مثيرة زيادة عن اللزومة انه اما خائن او شرطة او حزب وطني او جاهل وده رئ المتعصبين الي ما بيشوفوش اي شئ تاني غيرهم والي كانوا زيهم من رجال النظام الفاسد السابق بيعملوا زيهم
كانوا رجال النظام الفاسد بيقولوا نفس كلامك علي الي مش متفق معاهم بس بأسلوب تاني بيقولي علي الي ضدهم انه عميل او تابع لأجنته او جاهل وعبيط
ويااخي في الله سبق وانا قلت بس شكلك ما فهمتش كويس الكلام ان اهم حاجه هو الاداب في الحوار واظن لو كنت قرئت كويس كنت خدت بالك اني قلت ان التلفزيون المصري كان ضعيف وسئ وايضا مضلل وانا سمعت عمار الشريعي وكلامه ورئية اغلبه صح وانا متفق معاه في رئيه علي التلفزيون المصري
اما الاعلام المصري الخاص فامكانياته ضعيفه وخاصتا انه ما اتجمعش مع بعضه في ارسال واحد زي ايام كنيسة القدسيين فالساحة كانت اماما الجزيرة فقط بأمكانيتها العالية وتقنيتها واسلوبها الي بيلعب ع المشاعر
انا لا انكر صدق كتير من المواقف ولكن ليس كلها وليس تعمد الاثارة والشحن ونشر بعض الاخبار الكاذبة وعدم تقبلها للأخر
واخيرا
اختلف الاشخاص والكلام واحد فربنا ينجينا من المفسدين ( امثال النظام السابق) والمتعصبين الذين يروا كل ما هو غيرهم عدو وخائن