((((برنامج " هاتتحل المشكلة عالهوا " الموسم الاول))))

love ur life · #11 23-02-2011, 01:50 PM

ايه اكتر مادة بتحبها و ليه ؟

انا اكتر حاجه بعشقها هي الانجليزي ...بحسها ماده لذيذه كدا ومخلصه روحها ..
يعني انا بذاكر الانجليزي دا ك فاكهه لما بزهق من باقي المواد ..وحبتها اكتر من المستر اللي بيديني الماده دي بجد ربنا يوفقه ويبقا مشهور اكتر واكتر باذن الله..بس اليومين اللي فاتوا دول حصل معايا موقف ياااه كان وحش بجد ف درس الانجليزي ..هكيهلكم عليه اولا انا بصراحه لما الناس بتقول حسد وكدا وان مثلا حاجه تتكسر او تقع ويقولوا دا عين انا مش بقتنع اوي بالكلام دا ..بس بعد كدا اقتنعت جدا.كنت بمتحن عام انجليزي وانا بحب امتحن امتحانات عامه انجليزي بدري بعد المنهج ع طول ولما بنكون ف المراجعه الجزئيه وكدا انا بفضل امتحن جزئي وعام عكس اصحابي ...المهم روحت للمستر وبقله يا مستر بعد اذنك عايززه امتحان عام قالي رقم كام ...قلته قالي طيب يا سمر انا لسه مصورتش ..خدي الكتاب اللي بصور منه حلي فيه واصححهولك قلته ماشي يا مستر المهم اخدت الكتاب .هو المستر بصراحه مش متعود يدي الكتب الخارجيه الخاصه بيه لاي حد ..المهم كتبت بسم الله الرحمن الرحيم in the name of allah
وقعدت احل ..شويه كدا لقيت اصحابي جيين بس هما زمايل مش لدرجه اصحاب يعني قعدو جبني و كانوا 2 وانا ف النص وماسكه الكتاب وبحل ..واحده منهم قالت ايه دا يا سمر الكتب دي اشطه يا عم قلتها اشطه ع ايه بس دي امتحانات قالتلي دا العام قلتلها اه وقعدت تسال دا الكام وكدا واستجوبتني ..ف الاسئله

بعد كدا المجموعه اللي قبلنا خلصت وجه دورنا وانا جايه اقوم الكتاب وقع مني غصب عني ميلت علشان انزل اجيبه وانا بمسكه وخلاص هخده راح اتقطع مني بس بصراحه اتقطع بطريقه رهيبه جامد....بجد من من منظر القطع تعرف ان فيه حاجه ...والكتاب دا شكله عزيز ع المستر جامد..ساعتها معرفتش اعمل ايه كنت بتمني حاجه تحصلي علشان متحطش ف موقف محرج ذي دا اول مره يحصلي بالمنظر دا..ونزلت ع المكتبه القريبه من المستر ولزقته ..بعد كدا خلصت وادينا الكتاب للمستر وانا مقلتلوش ع اللي حصل وقلت اقله الحصه الجايه مكنتش عارفه اعمل ايه ...عشت يوم عصيب بجد..بس بجد ياريت انتم كمان تاخدو بالكم من الاستجوبات بتاعت الصحاب دي

ايه اكتر مادة بتكرهها و ليه ؟

بصراحه مش لدرجه كره هي ممكن الرياضه علشان نقصتني جامد ..ف 2 مع ان مدرس الرياضه كان يقلي هخليكي بشمهندسه ذي اخوكي..بس معرفش كان بيقول كدا ازاي

وانا اساسا مش مقبله عليها جامد..ممكن يكون دا سبب

نفسك تطلع ايه و ليه ؟

اه السؤال اللي بيحير كتير ...انا بصراحه علشان مضحكش عليكم وع نفسي انا ليا اهداف كتير ..مش مركزه ع حاجه معينه ..يعني
تقدري تقولي ان انا بحب مجال الميديا يعني ان شاء الله لو لحقت اعلام القاهره يبقا تمام بس ينزل المجموع... لان المس عندنا بتخترني للمناقشات والحوار وكدا وبندخل مسابقات فحببتني ف الشغل دا فهي شجعتني بصراحه ربنا يحميها..وبحب السن علشان اللغات..يعني بحسهم بيكملوا بعض ..وبحب كتابه الخواطر جدا ونفسي اكتب ف اي جريده عمود صحفي ع قدي ..ونفسي اتمرن اكترواكتر ع الكتابه ..وف الاخر محدش بيحدد مصيره

..يعني ممكن ادخل اي كليه والسلام ..هههههههههههههههههههههههههه

بس طبعا نثبت روحنا فيها اين كانت اكيد انتم عارفين كدا

بتأيد موضوع السهر ؟

بصراحه السهر جزء لا يتجزا من شخصيتي انا بعشق السهر والليل والقمر ..وبحس ان دماغي بتبقا رايقه والدنيا بتبقا جميله وانا لوحدي ..وساعات بنام بدري واقوم بدري بس جربتها فتره وفشلت

...بس بستريح ف السهر

بتذاكر على حوالى كام ساعة " ماتخايش احنا هنا اخواتك مش هانحسدك " ؟

حسد تاني

...بصراحه
اول ما بشوف كلمه الصراحه دي بتبقا فيه حاجه ف الموضوع ..

لا بجد مش بحسب والله يعني مليش حاجه محدده ..بس يعني حوالي قولي 4 او 3 او ساعات بيبقوا مقطعين علشان كدا مش بعرف انا بذاكر حوالي قد ايه..وساعات اليوم بيضيع ومش بذاكر اصلا

ايه اكتر وقت بتحب تذاكر فيه ؟

اكتر وقت الصبح الساعه 7 والليل 3او 4 مش حاجه محدده والله ع حسب الطروف

ايه اكتر مشكلة بتواجهك اثناء المذاكرة ؟
اكتر مشكله هي ..الخوف
انا خوافه جدا خصوصا ف الامتحانات..وحاجات تاني واجهتني السنه دي

مكان الامذاكرة عندك مناسب ؟

لو ع المكان اي حته وادي يا باشا ..مش بتفرق معايا حكايه المكان دي اوى بس بحب الهدوء ..

ايه اخبار اصحابك بيشجعوك و لا ايه ؟

اصحاب ..اه بصراحه فيه بيشجعني وخصوصا السنه دي
يعني افتكر ان زملتي اتصلت بيا ايام الثوره وكدا وقلتلها انا مش بذاكر ومش بفتح كتاب خالص ...قلتلي لا يا سمر كدا مينفعش ..مفيش حاجه هتنفعنا وذاكر وقعدت تتصل بيا وتبعني ربنا يكرمها يارب اسمها ساره ..

وم ناحيه الصحاب عموما يعني انا مش من النوع اللي يصاحب بسرعه ..نقدر بالنسبه ف السؤال نغير ويبقا زمايل..بالنسبه ليا يعني

خلاص كفاية كدة عشان مانعطلكش

لا ....يا نور يا قلبي عطليني برحتك ووحشاني جدا جدا ...ربنا يوفقك واشوفك حاجه كبيره اوي اوي

و اختار بقى العضوة او العضو اللى جاى
لولا التركاويه ..حبيبت قلبي طبعا

[/quote]

مشاهدة نتائج الإستطلاع: امتى عايكون الربنامج
الصبح الساعة 11 او 10	4	10.26%
العصر عالساعة 5	1	2.56%
بالليل عالساعة 8	7	17.95%
بالليل خااالص الساعة 11 او 10	27	69.23%
المصوتون: 39. أنت لم تصوت في هذا الإستطلاع