|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
24-02-2011, 02:54 AM
|
||||
|
||||
اقتباس:
اعتقد أن زميلي الفاضل لايقصد التقليل منهم لانهم اهالينا ولكن ... هل تقصدين أن أهالينا هم من يمثلونا فعليا في مجلس الشعب ؟؟؟ الغلابة اللي بنحبهم اللي هم اهالينا دول ماشيين جنب الحيط ومايملكوش تمن يافطة يعملوها بمية جنية دعاية ليهم ..دول بيقضوا عشاهم نوم .. ولنكن اكثر وضوحا وصراحة ...هل أهالينا يمثلونا فعلا في مجلس الشعب ويشعرون بنبضنا وهمومنا ويسعون في حل مشاكلنا والتخفيف من معاناتنا اليومية ؟ أم أن من يمتلك المال منهم الاثرياء من تجارة الاراضي والسمسرة او التجارة الغير مشروعة وأرادوا أن يجعلو لهم شرعية فانضموا للحزب الوطني وحدث تزاوج بين المال والسلطة وده اللي افسد الحياة السياسية .. تنكري ان فيه كتير منهم افاقين بيقفوا ببلطجيتهم عند اللجان والصوت بمية جنيه ؟؟؟؟؟ وطبعا هيمصوا دمنا علشان يرجعوا فلوسهم .. تنكري انهم مابينزلوش الشارع الا ايام الانتخابات ويدوا وعود فالصو ويتجملون وهم أقبح خلق الله وينتظرون الفرصة حتي يتحصنوا بالبرلمان وبعدها تلاقي نواب مخدرات ونواب قروض ونواب كيف ونواب قمار ونواب بتنام في الجلسات وغيره وغيره .. اتحداكي لو جبتي لي واحد معروف كان من العمال والفلاحيين وكان برلماني رائع زي مصطفي بكري مثلا يحارب الفاسدين ويكشف عوارتهم ..جتهم القرف ملوا البلد اختي الكريمة... احنا عاوزيين رابسو واريال وبرسيل علشان ننضف الحياة البرلمانية في مصر وكفانا فساد وبلطجة بقي ...
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال آخر تعديل بواسطة مسيو وليد عسكر ، 24-02-2011 الساعة 02:57 AM |
|
#2
24-02-2011, 03:37 AM
|
|||
|
|||
|
اقتباس:
راجع مشاركتى يامستر ستجد نى قلت وعلينا أن نحسن الإختيار فى الإنتخابات ولكن ألا نعيد بالحياة إلى زمن مجلس أكاديمى ورجال الدين والعلم و70% منهم يمشون بجانب الحيط أتظن أن أحد بعد 25يناير سيمشى جانب الحيط هناك عمال فى السياسة أفضل من أساتذة ودكاترة جامعه بالكامل مع أحترامى لعلمهم ألست مدرس يامستر ؟ أليس لديك القدرة على قيادة نقابة المعلمين بمصر ؟ أم نطالب الوزير الجديد بأن يأتى بدكتور جامعى ليقودها ويهملنا ؟---- ليست بالشهادات وحدها تقام الحقوق شكرا يامستر وجزاك الله خيرا |
|
#3
24-02-2011, 10:26 AM
|
||||
|
||||
|
اقتباس:
فانا لم اطالب بالغاء الجامعيين والخريجيين فمنهم الاف أفضل مليون مرة من وزراء سابقيين معاهم أعلي الشهادات..ولكن بشرط يكون لديهم كفاءة و وطهارة في اليد وحب للبلد والشعب وده الاهم وثانيا :متفق علي كلامك كله ولا يختلف عليه اثنان ولكني لم اتحدث عن قيادة الجامعيين واصحاب الشهادات العليا بقيادة النقابات وماشابه ...فأنا أؤمن جدا بالتخصص والقيادى تكون للكفاءة والفهم وليس لعوامل أخري شخصية ... ولكن كلامي كله ينصب في اطار واحد .. الغاء كارثة نسبة الخمسين في الميه عمال وفلاحيين اللي ضيعت الحياة التشريعية في مصر مافيش دولة في العالم كله بتعمل كده الا احنا.. ازاي اللي يقر نصوص تشريع او اقرار قانون جديد يكون واحد غير متعلم وربما لايقرأولايكتب ؟؟ هديكي مثال ..قانون الضرائب العقارية اللي اتطبخ علي نار هادية بمعرفة وزير المالية وكان كله سوء واتفق دستوريين كثيرون علي عدم مشروعيته ...تم الاقرار عليه في مجلس الشعب عارفة ليه ؟ علشان ترزية القوانيين الي في المجلس القديم لما يقولوا موافقون المطبلتية اللي وراهم بيقولوا اأأأأأأأأأأأأأأأمين وبعدها خخخخخخخخخخخواديها نوم !!!!! الثورة اتعملت علشان تسقط نظام فاشل مش اشخاص وكل دول جزء من النظام الفاسد ده بالله عليكي تخيلي الصورة لو مجلس الشعب يضم كل المثقفين والمفكرين من صفوة طوائف الشعب من كل المهن حتي نضمن حياة تشريعية علي وعي بالمتغيرات السياسية والاقتصادية العالمية والمرشح اللي يثبت انه بيدفع رشاوي علشان يشتري صوت يعاقب بحرمانه من الترشيح وبكده نقطع رقبة كل هؤلاء الافاقيين والمنافقين للأبد ..نتمني ان نري اعضاء لمجلس الشعب من الشعب حتي ولو يكونوا فقراء او متوسطي الحال ولكن يملكون عقلا يفكر للصالح العام وقلب يحب ...نتمني ان نري اعضاء خادميين وليس مصاصيين دماء يعشقون مصالحهم ويستفيدون بالحصانةلأقصي درجة ...ولا نسيتي مافعله نواب سابقيين في مجلس الشعب واستئجارهم للبلطجية لاجهاض الثورة ...تفتكري اللي يأجر بلطجي علشان يفض مظاهرة بالقوة وبالسلاح الابيض وربما بالرصاص الحي ايضا ويروع الامنيين بالجمال والبغال يبقي بيحب مصر وعاوز يخدم الشعب ولا خايف علي الفلوس اللي صرفها في الانتخابات بالرشاوي علشان ياخد الحصانة ؟؟؟!!!!!!!!!!! من الاخر ....العمل العام تكليف وليس تشريف لصاحبه وخير الناس انفعهم للناس واشكرك علي سعة صدرك وسعيد جداا بحوارك ..مصر هتفضل والله بخير طول ماشبابنا فيهم نفس حميتك وغيرتك علي البلد..
__________________
اللهم أني اعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال آخر تعديل بواسطة مسيو وليد عسكر ، 24-02-2011 الساعة 10:43 AM |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 02:37 AM.
