هل يعقل:رئيس مصر القادم فتي عنده 18 سنة فقط!!!

[mido1939]

بسم الله الرحمن الرحيم

قام شاب مصري بانشاء جروب علي الفيس بوك اسمه
"انا محمد دسوقي سالم18 سنة رشحت نفسي لرئاسة مصر"
http://www.facebook.com/home.php?sk=...89393954427189

ووصل اعضاء الجروب منذ يوم من انشاءوه الي 671 عضو
وعندما قرات افكار ذلك الفتي توسمت فيه انه بجد يستحق ان يصل لهذا المنصب وما يمنعه ماهو الا عمره فقط
وهذه هي افكاره::
ياجماعة انا كنت عامل الجروب ده بجد مش هزار وانا عارف انه مستحيل اني اترشح بس نفسي اي حد يترشح يقرأ كلامي
لتنظيم مصر عليك بشيئين
اولا:تنظيم امور مصر الداخلية عن طريق
1:الغاء كلمة واسطة يعني مش ابن المستشار يبقي مستشار وكليات الشرطة وغيرها متبقاش بالواسطة
2:تحقيق العدالة الاجتماعية واعطاء الموظفين مرتبات تناسب معيشتهم
3:ان تكون الشرطة لحفظ الامان وخدمة الشعب وليس لقتله وتعذيبه
4:الاهتمام بالتعليم لانه اهم شيء عن طريق تعديل المناهج بحيث تكون المناهج سلسله متواصله يدرسها الطالب عبر السنين وان تكون مفيدة حتي يستطيع الطالب الاستفاده منها واعطاء المعلمين رواتب عاليه جدا حتي يتقنوا عملهم
5:توظيف الشباب عن طريق اعطاءهم القروض وعدم الاستعجال في ردها
6:استصلاح الصحراء واقامة المشروعات فيها
7:الاهتمام باكتشاف اثار بلدنا
8:زيادة الوعي الديني لدي الناس
9:اي فيلم او مسلسل يكون فيه منظر خليع سيسجن كل من قاموا بتمثيله
10:اقامة جمعية كبيرة يقودها الرئيس يكون لها فروع في كل شبر بمصر وهدفها توفير الاحتياجات اللازمة للمواطنين يعني لو واحد عايز يجوز بنته ومش قادر تقوم الجمعية باعطاءه المال او لو واحد جعان ومعهوش فلوس تجبله اكل
11:تشكيل وزارة من مجموعة هدفهم خدمة مصر فقط واي خطا يقوم به اي وزير سيقصي فورا من منصبه ويتعرض لمسالة قانونية
12:ان تتم انتخابات مجلسي الشعب والشوري بنزاهه كاملة وتحت اشراف الرئيس
13:الا يصطحب الوزير معه 5 عربيات خلفه بل هي عربيه واحدة بسائق لان الوزير لو محترم الناس هي اللي هتشله من علي الارض شيل
14:كلمة مصري ودي اهم حاجة عندي لا يدنسها احد وللمصريين كرامة اي حد يدوس عليها سيكون هو المسئول عما سيحدث له
15:اجمتع مع الاحزاب المعارضة وعلي راسهم الاخوان المسلمين واشوف مطاالبهم وخير الامور الوسط يعني مش هنفذ ليهم كل حاجة الا يزيدوا فيها
وبكده انا شايف اني اكون نظمت بلدي من الداخل
ثانيا: تنظيم امور مصر الخارجية عن طريق
1:منع تصدير الغاز لاسرائيل او التعامل معها باي وسيلة لاني لا اريد ان اشارك في قتل اخواني الفلسطنين
2:الاعتماد علي الاكتفاء الذاتي وتقليل الواردات وزياده الصادرات
3:التعاون مع الدول العربية لكي نصبح يد واحدة ونكون قوي عظمي
.................................................. .......... ..................................
انا ده اللي جه في بالي لحد دلوقتي

اظن بعدما قراتوها اصبحتوا علي يقين ان مصر لسه بخير
وده رابط الجروب لو احد حابب الانضمام

http://www.facebook.com/home.php?sk=...89393954427189

[إلهام صلاح لاشين]

ابن مصر بصحيح عقبال مانشوف ولادنا كلهم همة كدة ياريت كل اللى عنده فكرة حلوة يقدمها ويا ريت المتدى يخصص باب

للأفكار دى وتبقى دعو عامة للشعب عشان يغير بنفسه وبأفكاره البلد ويقسم هذا الباب إلى أقسام (تعليم -سياسة-اقتصاد----)

وهكذا ثم تجمع الأفكار وترسل إلى الجهات المعنية بعد صقلها وتنظيمها والاتفاق عليها لعل وعسى حد يستجيب ويسمع

وأنا واثقة إن البلد مليانة مفكرين يستحقون التقدير خصوصا فى صفوف الشباب وحتى الأطفال

[mido1939]

والله انا موافقك في كل كلمه ولو عايزة نعمل جروب انا وانتي علي الفيس ونخصصه لكده يبقي تمام قولتي ايه؟

[إليزابيث]

يا ريت بواحد زي ده بس فين نلاقيه؟؟؟؟؟؟؟؟؟

[aymaan noor]

ماشاء الله على شباب مصر ، كل ما أتمناه أن يزداد وعى الشباب المصرى أكثر وأكثر مثل هذا الشاب ، و ان شاء الله فى هذه الحالة سنكون ستون مصر فى المكانة اللائقة بها

[mido1939]

الشباب ده موجود منه كثير بس اللي يهتم بيهم

[rmanxmhmod]

كل هذه الافكار سليمه ولاكن كل واحد بيفكر فى ظواهر الامور حتى ثورة الشباب لم تحقق الا الشيىء الظاهر فقط اما الامور التى يعانى منها القطاع الاكبر من المواطنين فهى لم تتحقق بعد وانا اقولها بصراحه لن تتحقق احلام الضعفاء من الناس الذين يعانون من اشياء كثيره قد اهملها النظام الثابق وايضا اهملها النظام الجديد فالكل لايرون الا المناصب والترشيح للمناصب والسعى وراء المنصب اما البسطاء من الناس سيظل حقهم فى هذه البلد مسلوب واليكم بعض المطالب للقطاع الاكبر من الشعب واذا تكلم احد يقول الشعب يريد وهو لايعرف ماذا يريد الشعب
1- لابد من ايقاف التجاره بمستقبل الاسر التى لاتملك مسكن واصحاب العقارات يتاجرون بمستقبلهم ويجبروهم على الدفع لهم بمبالغ كثيره والا يكونون فى الشارع والمصيبه بالقانون هذا القانون الذى جعل امثال احمد عز لمص دم الشعب بالقانون من يدفع يسكن ومن لا يدفع كل سنه اجار اكبر من المتفق عليه يطرد ويشرد ولايجد الامان له ولاسرته من وضع هذا القانون الظالم هم اصحاب النفوز والمال رجال الاعمال كانت العقود قبل سنة 96 مستقره ويشعر المواطن الضعيف بالامان وجائت ثورة رجال الاعمال فى مصر بطرد المواطنين من مسكنهم بالقانون وتغير عقود الايجار بعقد يسمح لصاحب العقار برفع الايجار وقت ما يشاء ويرتفع البنيان على حساب السكان والا طردو فى الشارع والذى اعرفه ان القوانين توضع لحماية الضعفاء وليس لحماية الاقوياء لم نشعر حتى الان بتغير والظلم والقهر والعبوديه تسود مصر كلها
2- جهاز الشرطه حتى الان لم يشعر المواطن الضعيف انه جاء لحمايته عادة الشرطه للاقسام بستعلاء وكبرياء على المواطن الضعيف وتقف احتراما لاصحاب المال والاعمال والمناصب ولا يجد المواطن تعامل برفق ولاكن تجاهل وكبرياء فاين التغيير والوقائع كثيره المخدرات تباع فى وضح النهار حاملى السيوف والسنج يقفون فى الشارع لارهاب المواطن الضعيف وايقافه وتفتيشه واحيانا ضربه واخذ كل ما معه ضابط الشرطه والامين حتى العسكرى افكاره ماتزال قديمه يتعامل بها مع المواطن حتى الان
3- اين حق المواطن الذى اخذ منه قهرا يبيعون المصانع المملوكه للدوله للقطاع الخاص ليطرد العمال ويتوقف الانتاج ويصبح العامل لاحول له ولاقوه ولا يملك المال الذى يوفرله معاش معقول له ولاولاده اراضى ومصانع ملك الدوله وهل الدوله هم اصحاب المناصب ورجال المال ام ما ينص عليه الدسطور من ان الملكيه العامه هى ملك الشعب يريدون تغيير الدستور فهل الملكيه العامه ستكون ملك الطبقه الرئس ماليه واصحاب المناصب فاين حق المواطن الضعيف الذى لا يملك قوت يومه لم يتغير شيىء حتى الان
4-حق التعليم دون دروس ترهق المواطن الضعيف ودخول المدارس بالوسطه من يدفع ابنه يتعلم ومن لا يملك ابنه يحرم من التعليم فاين مجانية التعليم لا تغيير حتى الان
5- حق المواطن الضعيف فى العلاج على نفقة الدوله وهذا العلاج من ناتج الدخل القومى وهو حق ينص عليه الدستور تريدون تغييره فاين هذا الحق وما الجديد فى الدستور الذى يكفل علاج الضعفاء لم يتم شيىء حتى الان
6- حق المواطن الضعيف للتعبير عن رأيه دون اهانه واهدار لكرامته وسلب لحريته واين القانون الذى سيحمى المواطن من رجال المال واصحاب المناصب
الكل يفكر فى المنصب فقط ومن ينفز اوامر اصحاب المناصب بما يحلو لهم لا احد يفكر فى حسابهم فهم المفسدون الحقيقين
كل وزاره اصبح فيها فساد بين افراد ها وحق المواطن الذى لايجد المال ويعمل باجر يومى ليس له الا الطرد والاهانه والسؤال فين التغيير الذى قامت من اجله هذه الثوره فهل قامت لتغير رئيس ووزير ودستور فقط ام قامت لحماية الضعيف ونصرته على القوى

[mido1939]

كلامك صح مليون في المية

[عباس رجب]

بالزمة موش الشاب ده أحسن من عائشة عبد الهادي اللي كان معاها الشهادة الابتدائية وكانت عايزة تشغل بناتنا خادمات في الخليج
الله يفحمها مطرح مراحت
حكومة كانت فاسدة فاسدة فااااااااااااااااااااااااااااااااااااااااااااسدة

[medo khalid]

الاعضاء دلوقتي في الصفحة 927 عضو
شكلها هتضرب معاك زي ظاظا يامعلم

[Hopeful Girl]

بسم الله ما شاء الله

ربنا يخلى شباب مصر كده كلهم

وان شاء الله مصر دايما بخير

[el jeneral]

المشاركة الأصلية كتبت بواسطة hopeful girl

بسم الله ما شاء الله

ربنا يخلى شباب مصر كده كلهم

وان شاء الله مصر دايما بخير

بندعيلك من قلبنا
ربنا يوفقك

[**تسابيح**]

كلام جميل ...بس ع واحده عمره كداا ..مش هينفع إلي جانب الذكاء والمهارة والأفكار الجيدة
لازم يكون فيه غبره وتعامل أكبر مع الحياة
غير ان لسه تصرفاته بردو مش سليمة أوووي ...
يعني مستحيل
أفكاره تحفه مفروض تتعرض علي المسؤوليين ويأخذوها بعين الاعتبار ....
حتي الرئيس مفروض يبقي عمره من 40 وانت طالع لحد كدا 60 ولا حاجة
مش عايزيين عواجيز بئا
عايزيين حد شباب يقودنا ..ويكون فيه روح الشباب وعقلية الكبار

[scream angle]

جميل بس اهم حاجة رقم 9‎ ‎ علشان يربي الممثلين

[Mr. Ali 1]

المشاركة الأصلية كتبت بواسطة mido1939

ياجماعة انا كنت عامل الجروب ده بجد مش هزار وانا عارف انه مستحيل اني اترشح بس نفسي اي حد يترشح يقرأ كلامي

أفكار جيدة وجديرة ببحث كيفية تنفيذها , ولكنها تظل أفكار ويستطيع الكثير جداً من افراد الشعب المصري أن يأتي بمثلها أو بأفضل منها أو بإضافة أفكار أخري إليها .
وكل هذا لا يعني أن يكون رئيس الجمهورية هو فتي في سن 18 سنة ولا حتي شاب في سن 28 !!
ولا احنا لازم يكون الرئيس عندنا اما عجوز كُهنة أو صغير السن جداً ؟!
طرح الأفكار شيء , ومواصفات رئيس الجمهورية شيء أخر .