فوقوا بقى البلد هتضيع

[reem_a]

وردا على احد الافاضل اللي قالوا ان البلد بتضيع واحنا بناكل في بعض
مين بياكل في مين؟
الناس اللي في التحرير بتطالب بطريقة سلمية بحقوقها المشروعة يعني مش بياكلوا في اي حد وعمرهم ما اعتدوا ولا حيعتدوا على حد
يبقى اللي عايز ياكلهم هو نفسه اللي عايز ياكل حققك في انك تعيش حياة كريمة بدون ذل ولا اهانة وتلاقي وظيفة محترمة بمرتب محترم ومعاملة ادمية وتسكن في شقة زي بني ادمين ربنا لان باختصار البلد منهوبة وفيه ناس مرتبها ملايين وناس مرتبها ملاليم وانت واحد منهم
هما بقى عايزين يجيبوا الملايين منهم ويدوك منها عشان ميبقاش مرتبك ملاليم
وبرضه بطريقة سلمية بدون اعتداء على حد
يبقى بلاش تساعدهم بس على الاقل بلاش تقول كلام ضدهم لانهم عايزين مصلحتك
بالمناسبة افتح جوجل واكتب متلازمة استوكهولم وانت حتعرف انا بتكلم عن ايه
ملخص الموضوع ان ده مرض نفسي بيصيب الناس لما بتتعرض للذل والظلم والمهانة فترة كبيرة من الزمن لغاية ما بياخدوا على كده ويبقى بالنسبة لهم شئ طبيعي
ولو حد حاول انه يجيب لهم حقهم بدل ما يفرحوا بيبقوا ضده ومصممين يعيشوا تحت الظلم