لقاء أحمد شفيق وعلاء الأسوانى - فى برنامج بلدنا بالمصرى

[zero_m]

المشاركة الأصلية كتبت بواسطة ~: Zac :~

ياريت لو كان فيه ناس مرتاحين ف عصر مبارك دول مش عاوزين نعرف رايهم لانه بيجرح ناس كتير جدا ... واكيد كان معظم الشعب تعبان منه وعاوز يخلص منه ودي حاجة مفهاش نقاش ....

وبالنسبة لاحمد شفيق فهو راجل مهذب ومحترم وعلاء الاسواني راجل محترم جدا بردو واللي مايعرفش يقول عدس ... مايطلعش حد مايعرفش حد مين هو علاء الاسواني يغلط فيه وياريته يبقى بنص عقله وثقافته ... وف نفس الوقت بردو ماينفعش حد يطلع مايعرفش مين هو احمد شفيق يشتمه ويتهمه او يقول دا راجل كويس وحلو وامور !!!

يا جماعة ياريت نتكلم بادلة وبراهين وموضوعية ... احنا مالنا باسلوب الكلام ؟؟؟ في الحوار دا انا شايف ان كل كلام علاء الاسواني صحيح جدا بس كان باسلوب شديد واحمد شفيق كان كلامه غلط جدا بس باسلوب هادي مع انه اكتر من مرة قال كلام ماينفعش يقوله بردو !!!

وقولت كتير ان الفريق احمد شفيق مهما كان مهذب ومحترم بس هو في المكان الغير مناسب والزمن الغير مناسب كمان ومش عشان محترم يبقى نسيبه !!!!

احنا ف مرحلة حساسة جدا يا جماعة محتاجين نحكم فيها صوت العقل مش العاطفة ..

ياريت نبطل سطحية بقى ومش كل كلمة حلوة نصدقها او كلمة شديدة نكدبها ..!! بجد هوا دا اللي هايضيعنا بعد كل اللي عملناه لسه مش عارفين ازاي نحكم على اي حاجة كويس ... وبنحكم بالعاطفة مش بالعقل ... وبنحكم من غير معلومات وتفكير كفاية ... اتقوا الله بقى ماينفعش نغير بلدنا من غير مانتغير احنا !!!

وياريت محدش يتدايق من كلامي لاني شوفت من دا كتير مش هنا بس فانا بتكلم بصفة عامة مش لشخص معين ...


وربنا يهدينا كلنا ان شاء الله !!

كيف نحكم صوت العقل زميلنا الكريم ؟
مثلا :
1- مش رئيس الوزراء الجديد عصام شرف دا برضه اللى حصل فى عهدة اصطدام قطارا بنها ؟ ولا انا ناسى

2- فلنحاول المقارنه بين ازدهار السكك الحديدية او وزارة النقل والمواصلات ووزارة الطيران المدنى فى عهد كلا الوزيرين .. لنكون منطقيين وحياديين

3- هل تهمة الفريق شفيق هو انه كان وزيرا فى حكومة مبارك وهو من اتى به رئيس للوزراء ولكن ليس هذا ان يكون الرجل شخص سىء فلنتعود ان نحكم على الناس من افعالهم والرجل لم يبقى سوى 33 يوم وغير وزراء وحاول ان يتحاور ويسمع للناس وهو اول رئيس وزراء يقوم بهذا بل هو اول رئيس وزراء يقوم بالاعتذار للناس .
بل ان حلقة بلدنا بالمصرى فى قناة otv كان الهدف منها اصلا او موضوع الحلقة هو ( الاصلاح المطلوب ) ولكى سى علاء الاسوانى حول الموضوع الى هجوم على الفريق شفيق


4- هل المنادين بسقوط وزارة الفريق شفيق والمنادين بالديمقراطية والحرية قد استمعوا الى اراء باقى الشعب ، اليس بالاحرى ان يكون هناك استفتاء على اقالة الفريق شفيق ام ان رأى الكام الف اللى فى التحرير بل قل مليون بل 2 مليون هو ده صوت مصر

كيف نحكم بطريقة موضوعية اليس عن طريق الانجاز وتحقيق الامانى على ارض الواقع ، لن يكون هناك مسئول او وزير بعد الان يقوم بعمل اى شىء غير مرغوب فيه من الشعب ولن يكون هناك مسئول فاسد الا ويكشف ويفضح ولكننا فى فترة عصيبة بالفعل نحن بحاجة الى الاستقرار قبل اى شىء اخر

هذه قناعتى ولا حجر على قناعة احد اخر ، قناعتى اننا خسرنا رجلا بصدق لا يعيبه انه ليس سياسى لاننا نحتاج الى شخص يبنى مصر مرة اخرى وليس شخصا يسعى بكل جد الى السياسة والعلاقات الخارجية .