لو بطلنا نحلم نموت .. أين أنت يا يمنى؟!

[Observer]

المشاركة الأصلية كتبت بواسطة أ/ سعيد موسى

المشكلة ياصديقى ان هناك خيط رفيع بين الفوضى والحرية
والمشكله الاكبر ان معظم الشباب يتمسك برايه وهذا بعيد عن الديمقراطيه
والمشكلة الاكبر واكبر ان هناك طلبات استفزازية
وعلى سبيل المثال ماحدث من بعض الطلاب فى القاهره فى التعليم الفنى من مظاهرة
فارسلت الادارة التعليمية احدى المسئولين والاستماع للشباب
كانت الطلبات تخرجك عن شعورك مثل المساواة بينهم وبين الثانوية العامه فى التقدم للكليات
وصرف حافز شهرى للتلاميذ حاولت المسئولة النقاش معهم وتوضيح صعوبة ذلك اعترضوا بصورة
غير لائقة دون مراعاة لفرق السن
ماعلينا شباب ويريد ان يعبر عن رايه حاضر نبلغ طلباتكم للمسئولين ثم قالت هل هناك طلبات اخرى ياابنائى
نعم ماهى ان تقوم وزارة التربية والتعليم بمساعدتهم فى حالة الزواج
تركتهم وانصرفت وابلغت الادارة انها سوف تاخذ اسبوع اجازة اعتيادية
والله هذا ماحدث
واترك لك التعليق فى الحرية والاستماع للشباب .....الخ
كما اترك لك التعليق بين والدى رحمه الله عندما كنت اتحدث باسلوب شبه عالى واجد نفسى فى علقة ساخنه
جعلتنى حتى اليوم ان اتحدث مع من هم اكبر سنى بمنتهى الاحترام حتى لو اختلفت معهم كليا
اللهم الطف بنا وارحمنا يالله

طبعاً متفق مع حضرتك استاذ سعيد
الحرية والمطالبة بالحقوق ملهاش أى علاقة بالتجاوز وقلة الأدب
انا عايز اقول بس ان الشباب الصغير ده هو اصل البلد ومستقبله
ولو اتعلم السكوت والخنوع واقتنع انه مبيفهمش لأنه مش كبير تبقى كارثة !
لازم الطلبة تفكر وتاخد مساحة من الحرية وتاخد قرار
واللى يتجاوز نعلمه ونفهمه بالراحة مبادئ الحوار والكلام
برضه كتر خيرهم وخيرنا يا استاذ سعيد
ده احنا 60 سنة منعرفش يعنى ايه حوار وديمقراطية غير فى الكتب
والعلاقة بين الرئيس والمرؤوس كانت علاقة تحكم وسخرة فى كل المجالات
والله كلامى ده لا ابتغى به سوى وجه الله ومصلحة البلد والشباب
والطفل لما بيتعلم المشى مش بيجرى مرة واحدة
عمركشى شفت طفل وقع وهو بيتعلم المشى قامت امه ضرباه ومهزئاه
وقالتله انت مش نافع اياكش اشوفك بتمشى تانى ؟!

والله الهادى إلى سواء السبيل