ماحدث اليوم فى مدرسة النيل التجريبية بمنطقة المنيل

محمود طارق عبد اللطيف · #1 10-03-2011, 05:26 PM

اقسم بالله الموضوع دة حقيقى 100% وحدث اليوم فى تمام التاسعة صباحا بمنطقة المنيل وتحديدا مدرسة النيل التجريبية وعلى الفكرة المنطقة دى كلها مدارس كمال سليمان الاعدادية والثانوية بنين وبنات واحمد ماهر ومدارس اخرى...وممكن التاكد من اى شخص من المنيل..

الموضوع بدا الساعة 9 صباحا عندما دخلت سيارة ميكروباص الى هذة المنطقة وكان بها 7 بلطجية ومعهم اسلحة بيضاء واسلحة نارية...

فى واحد من البلطجية نزل وسرق شنطة من واحدة ست فصوتت والدنيا اتقلبت فلما جم يهربوا دخلوا مدرسة النيل التجريبية وحدث هرج ومرج ةكانوا بيهددوا الطلبة والمدرسين باسلحة نارية واتصل اداريى ومدرسى المدرسة باولياء الامور عشان ييجو يخدو اولادهم وعموما البلطجية قعدوا يضربوا نار بشكل عشوائى فى الهواء...وشباب المنيل ربنا يخليهم كلو نزل من البيوت وجة ناس كتير معاها سكاكين ومطاوى والجايب شومة...الخ..

المهم اتصل بعض الاهالى بالقوات المسلحة وجت فعلا مدرعة من منطقة الزهراء وتلاها بعض الدوريات من الشرطة والامن المركزى... وتم القبض على اربعة من البلطجية وتلاتة هربو..

ورياريت لو اى حد من منطقة المنيل ممكن يأكد الكلام دة لو نتو مش مصدقين وعلى فكرة انا طالب الصف الثانى الثانوى بمدرسة كمال سليمان وكنت بقلب الحدث...

وعموما اليوم الدراسى مكملش واغلقت المدرسة باكرا..وبعض اولياء الامور جائوا لياخدوا ابنائهم من المدارس المجاورة

maestro98 · #2 10-03-2011, 06:41 PM

اللهم انتقم منهمشر انتقام
وعايزين الجيش يعدمهم في ميدان عام عشان يبقو عبرة لأمثالهم

أ/رضا عطيه · #3 10-03-2011, 06:42 PM

ربنا يستر على البلد كلها

لكن الخوف كله من الاسلحة النارية والتى انتشرت بطريقة مرعبة فى كل مكان

شكرا على الموضوع

احمد حمد 22 · #4 10-03-2011, 06:46 PM

ياريت اعرف الفائدة من نشر هذا الكلام
وياريت الكل يراعي ربنا في اللي بيكتبو
عايزين مصر ترجع تاني امنة مطمئنة
وشكرا

إلهام صلاح لاشين · #5 10-03-2011, 06:59 PM

سبق وطالبت مع كثير من الناس بإعدام البلطجية فى الميادين العامة حتى يكونوا عبرة خصوصا فى ظل الأوضاع التى تسود

البلاد ولكن لاحياة لمن تنادى وكأن المقصود من ذلك إخافة الناس ليفقدوا الثقة فى الثورة وجدواها وكثير من الناس بدءوا

ينخدعوا بذلك وبيطالبوا بعودة الأيام الزائفة السابقة

محمد نصر احمد · #6 10-03-2011, 08:12 PM

ربنا يستر على البلد كلها

Mr. Ali 1 · #7 10-03-2011, 08:14 PM

هو فيه ايه ؟!!!
هما البلطجية في البلد عددهم كتير اوي كده ؟!
تعدي علي البيوت , المحلات , الهيئات , الطرق , المدارس , الجامعات , دور العبادة , ..... مش عارف ازاي وزير داخلية مش قادر ينزل قوات الشرطة كلها أو يفصل أي واحد يرفض العمل علي حفظ الأمن الأن .
وزي ما قال بلال فضل ( لو ضابط الشرطة خايف ينزل شغله ويحفظ الأمن , تبقي كارثة ومصيبة اننا نطلب الأمن من واحد خايف )
شكراً علي الخبر .

عاشقة الموج · #8 10-03-2011, 08:58 PM

ما يحدث هو بث الخوف فى نفوس الناس
و هدفهم معروف
و لكن ربنا سينتقم من البلطجية و المحرضين لهم
اللهم اهلك الظالمين بالظالمين

روكا دودو · #9 10-03-2011, 09:04 PM

ربنا يستر على مصر

صوت العقل · #10 10-03-2011, 09:10 PM

شكراً علي الخبر