لو كنت مكانه هتعمل ايه ؟

[Siamese Twins]

المشاركة الأصلية كتبت بواسطة كيميائي طبي2011

لا طبعا هكرمك هزود الفلوس بس هههههه
انتي طبعا تنوري

........................
لا انا قلت سرطان دم وحدتها لانه اخطرهم ويختلف عن باقي انواع السرطانات كتير ويعتبر بنسبه كبيره هيموت هتكملي معاه بردو ؟؟؟ وطبعا بياخد كيماوي وده هياثر عليه وممكن يسقط شعره وهيخلي شكله وحش بردو هتكملي معاه وياتري لو مات وانتي متجوزاه هتتجوزي تاني ؟؟

كل دى اسئله ؟
واحده واحده بس عليا !

هجاوب حضرتك

اولا انا عارفه انه اخطر الانواع فعشان كده صاحب المرض هيحتاج حد يكون جنبه و لو انا قولت لا و غيرى قال لا يبقى احنا اصلا معندناش احساس و كلنا معرضين للامراض فى اى وقت و مفيش حد بعيد عن ايد ربنا

و طبعا عارفه انه هيموت و طبعا لازم اكون جنبه لاخر لحظه كمان

و بالنسبه لشكله فانا عرفته و حبيته قبل المرض و الى بيحب انسان بجد اكيد بيحبه فى كل حالاته فى مرضه قبل صحته كمان بس طبعا هكون تعبانه على تعبه و على الى بيحصله قدام عينيا ده و انا مش قادره اساعده

و طبعا بالنسبه لو انا متجوزاه و مات فانا طبعا مستحيل اتجوز تانى و ده لاسباب كتيره جدا على سبيل المثال مش الحصر : -

1 - انى مقرره انى هتجوز مره واحد فى حياتى و هرضى بنصيبى حتى لو عشت مع جوزى يوم واحد بس ما بالك لما اعيش معاه عمر بحاله .

2 - لان الى بيحب انسان بجد مستحيل يحب غيره لان قلبى مش مفتوح لاى حد يدخل فيه و خلاص و لازم اكون مخلصه ليه فى مماته قبل حياته ما بالك بقى لما تكون مخلص للانسان ده و بتحبه قبل ما تعرفه .

3 - اهم حاجه بقى انى مقدرش اتجوز انسان و احس معاه احساس معين و اقدر انفذ نفس الاحساس ده مع حد تانى غيره لانى بجد هكون معاه و فاكره احساسى مع الى قبله و ده بجد احساس صعب اوى و مستحيل انفذه لانى احساس لازم يكون مره واحده و مع انسان واحد بس و لو قررته هحس بجد كانى خاينه .


معلش بقى طولت عليك اوى .