استفسارات بسيطة كده ^^

[ArabianPDA]

المشاركة الأصلية كتبت بواسطة كونان العرب

السلام عليكم

انا كان عندي كام استفسار كده و طمعان انكم تدلوني عليهم
بس اعذروني لان ممكن تكون استفسارات هايفة شويتين


هيا المسائل اللي هستفسر عنها موجودة في كتاب الامتحان




صـ 273 س 28
بصراحة كده انا معترض علي اجابة كتاب الامتحان
المسألة بتقول
سلك معزول قطره 0.2 سم لف حول ساق حديد نفاذيتها 2ط * 10 اس -3
بحيث تكون اللفات متماسة معا علي طول الساق فاذا امر بها تيار شدته 5 امبير
احسب كثافة الفيض المغناطيسي ؟

دلوقت القانون
MnI = B
2ط * 10 اس -3 = M
I = 5A
بالنسبة لـ N
كتاب الامتحان كاتب ان طول السلك كله هيساوي محيط لفة واحدة في عدد اللفات
وعوض عن L بكده بس هوا كده عوض بطول سلك الملف وليس يطول الملف !!
وطبعا فيه فرق بينهم .. يعني انا بقول ممكن نقول ان طول الملف هيساوي عدد اللفات في قطر السلك
علي اساس انه في المسألة قال ان اللفات متماسة معا علي طول الساق
فتبقي 0.2 في 10 اس -2 في N
والفيض ساعتها هيكون 5 ط ؟؟؟
صح و لا انا بدأت اخرف !!

-------------------


صـ 275 رقم 41

مربع abcd طول ضلعه 30 سم موضوع امام سلك يمر به تيار شدته 4 امبير احسب القوة التي يتأثر بها المربع و اتجاهها



هنجيب الفيض عند الضلعين bc و ad تمام ؟
ثم نعوض في قانون القوة المؤثرة علي سلك و نجمعهم
بس بصراحة في حتة مش فاهمها ليه تيار bc يساوي 1 امبير ؟؟؟


---------------------


صـ 277 رقم 52

سلك طوله 10 سم يمر به تيار شدته 10 امبير وضع عموديا علي فيض مغناطيسي كثافته 10 تسلا
احسب القوة الموثرة عليه وكيف تشكل هذا السلك لتحصل علي اكبر عزم ازدواج
احسب قيمته وما هو وضعه بالنسبة للمجال في هذه الحالة ؟

هو انا عرفت حل السؤال بس عندي استفسار صغير كده
هوا دايما اكبر عزم ازدواج بيجي من تشكيل السلك علي شكل دائرة ؟؟
و لا حسب الارقام يعني في كل مسألة اقعد اجرب المستطيل و الدائرة ؟!
وافضل حاجة تكون عدد اللفات تساوي واحد فقط ؟؟؟!
وكمان احنا مش اخدنا يكون الملف دائري و نطبق علي قانون عزم الازدواج و لا ده لكله و لا ايه ؟؟
ياريت حد يفيدني


-----------------


معلش طولت عليكم بس بجد محتاج حد يجاوبني ^^

وعليكم السلام

اول واحده انت الصح الكتاب مهيس اصلاً

الثانيه

بص
الفكره ان كل سلك من الاسلاك المكونه للمربع تعتبر مقاومه في حد ذاتها

عند النقطهa
هتلاقي التيار اتفرع ورح جاي لافف لفه في التلت اضلاع والتقي
في النقطهd
مع تيار ad
فكأنك موصل 3مقاومات ع التوالي مع واحده ع التوازي
ومن العلاقه بتاعت R1/R2=I2/I1
هتلاقي ان التيار الي مار في كل ضلع من اضلاع المربع الي هيا
ab،bc،cd
هو واحد امبير بس
وهتعوض بقي وتحلها عادي


السؤال الثالث

بص
التاو=BIANsin(theta) تمام

مساحه الدائره طبعا هتكون اكبر مساحه
لان النق متربع ومضروب كمان في ال ط

عايز تتأكد قعد جرب براحتك
بس هي معروفه ان الدائره اكبر مساحه علي الاطلاق


بالتوفيق،،