طيب انا بشتغل في مدرسة تم فيها تطبيق مشروع فاشل يسى ( تايلو ) و المشروع ده جاي من عند أمريكا بجلالة قدرها و اللي شغالين في المشروع ده بيقبضوا يجي خمس تلاف جنيه شهريا و كل شغلهم انهم يخلونا نحضر بطريقة تايلو يعني انا مدرس لغة عربية أمريكا هتعلمني أحضر ازاي اللغة بتاعتنا ، يا سادة كل التحضير و القرف ده صور من صور الفساد و الأسلوب اللي كان سائد في الهاء المعلم عن وظيفته الأساسية اللي هي توصيل المعلومة للتلميذ ، علشان يسود الجهل المقنع بشهادة جامعية بس دماغ صاحبها فارغة ،
لو الوزارة مصرة على التحضير ليه ما تبعتش دفاتر تحضير جاهزة للمعلمين و يكون دور المعلم اه يسجل التاريخ و الحصة و الفصل بس ؟؟؟؟؟؟؟ و بكده يوفروا وقت و جهد المعلم للتلميذ اللي بجد المسافة زادت بينه و بين تلميذه بكثرة الأعباء و المسئوليات و الأعمال الروتينية الملقاه على كاهل المعلم ما بين مشروع النصب العالمي اللي ابتكره اللص أحمد نظيف علشان ينهب منه هو و أذياله من المنتفعين و اللصوص ( اعتماد مدرسة واحدة بيكلف الوزارة خمسين ألف جنيه لكل مرحلة - ده غير التكاليف اللي بتتحملها المدرسة من ساعات عمل و أوراق و غيره و غيره ) يا ريت نشوف ماليزيا عملت ايه علشان تتطور و تركيا و غيرهم من النمور اللي اتحولت من دول فقيرة لقوى مؤثرة في العالم كله
|
18-03-2011, 03:31 PM
العرض الشجري
