نحن بحاجة الى ثورة اخلاقيه

[basmet el rabi3]

المشاركة الأصلية كتبت بواسطة huda mohammed 2010

الأم والأب القدوة

الجو الأسرى الجميل الممتلئ بالعطف والحب والتفانى والإثار والاحترام قادر على خلق بشر سوى
البيت هو الأساس

هنا مربط الفرس " البيت هو الأساس "
كتبت الكلام ده كتير فى مشاركات سابقة ..
الطفل بيقعد مع أمه حوالى أربع سنين أو ستة ( على حسب ظروف كل أسرة ) قبل ما يروح المدرسة , لازم الأم تهتم بغرس السلوكيات الصحيحة فى الطفل من صغره , دى مسئوليتها هى و الأب اللى حيسألهم عنها رب العباد يوم الحساب . حتى لو كانت بتشتغل و غير متفرغة للبيت .. ده لا يعفيها من مسئوليتها تجاه أطفالها . و بعدين ييجى دور المُدَرسة فى الفصل و إذا سمحت الظروف بوجود أخصائية إجتماعية فى المدرسة يبقى شئ عظيم . بعض الأمهات يظنوا إن التربية تبتدى بعد الطفل ما يكبر ( شوية ) و الله أعلم كم سنة تساوى هذه الـ ( شوية ) عندها , ده خطأ كبير , التربية تبدأ من الصغر مع استخدام الحب و الرفق فى وقتهم , و الشدة فى وقتها .
و على فكرة الجرائد كثيرا ما يكون فيها نصائح عن كيفية التعامل مع الأبناء فى مختلف مراحل عمرهم , و بتكون مفيدة جدا لمن لا تملك جهاز كمبيوتر و لا تستطيع الإستفادة من الإنترنت فى المجال ده .
جزاكِ الله خيرا يا أستاذة على الموضوع السوبر حيوى ده .