اوصف شعورك وانت معلم جديد

[tatateto]

من كتر غل الناس اللي في المدرسة ومن كتر ما المعاملة اتغيرت 100% من جميع الناس ولو في حاجة جت لينا يخبوها زي ما يكون هتاخد قوتهم انا زعلانة جدا وماليش نفس اشتغل بس هعمل اية ؟؟؟؟؟
انا بشتغل وبنفض للحاقدين لان ربنا لو عايز حاجة هتحصل رغم حقد الناس

فانا سيباهم يموتوا بغيظهم!!!!!!

[اييمى]

انا حزينه جدا من يوم التعيين والمشاكل كترت والورق واقف ومش عايز يكمل

بجد ادعولى الورق بتاعى يخلص لانى بجد مش عارفة فيه ايه لدرجة ان فى ورق اتعاد 4 مرات وبرده غلط

وطبعا بحاول اشتغل وانسى المشاكل وردود الفعل الغريبة الى انا شفتها

ربنا يوفقنا للخير

[aleman]

المشاركة الأصلية كتبت بواسطة اييمى

واحنا كلنا هنا فى المنتدى بتاعنا منتدى المعلمين الجدد اكيد بعد التعيين الكل حاسس بشعور مختلف

عايزة اعرف شعور كل واحد ايه

وايه اكتر حاجة خلت كل واحد فينا فرحان

ومين فرح ليك من المدرسه

ومين كان حاسس انك هتقبض من جيبه

وايه اكتر ميزة حاسس بيها وانت متعين

ايه احلام كل واحد فينا للى جاى

نفسك فى ايه بعد التعيين

عايزين نبقى اسرة واحدة وايد واحدة ونتناقش فى كل حاجة تخصنا وناخد راى بعض

دلوقتى اقدر ارد عليكى يا ايمى
بعد ما الحمد لله اتعينت رسمى

عايزة اعرف شعور كل واحد ايه
شعورى فرحانة جدا جدا بالتعيين

وايه اكتر حاجة خلت كل واحد فينا فرحان

انى كنت بشتغل من2007 للان تعاقد مميز معلم مساعد عشان اتعين واتثبت كمدرسة رغم انى ايام الكلية كنت بكره التدريس جدا جدا
ومين فرح ليك من المدرسه
كلهم والله

ومين كان حاسس انك هتقبض من جيبه
موظفة القبض
لانها بصراحة اما كنا معلم مساعد ومثلا الشيك بتاعنا بيطلع كانت بتكسل تجيبه لوحده وتقولينا استنوا مع قبض الاساسى

وايه اكتر ميزة حاسس بيها وانت متعين
انى اتعينت خلاص

ايه احلام كل واحد فينا للى جاى
ان ربنا يكرمنى فى حياتى

نفسك فى ايه بعد التعيين
ربنا يكرمنى فى حياتى

عايزين نبقى اسرة واحدة وايد واحدة ونتناقش فى كل حاجة تخصنا وناخد راى بعض
اكيد يا ايمى نكون يد واحدة ونتناقش فى كل حاجة تخص اى واحد فينا

بس ليا عندك طلب
ياريت كل يوم او كل مده كده تكتبى موضوع جميل زى ده
كلنا نشارك فيه باذن الله

[semary8]

هو بس ادبسنا فى عزومة كبير بس احساسى بان الناس كلها فرحانة لينا قوى ومن قلبهم كان جميل قوى

[عاشقه الجنه 29]

المشاركة الأصلية كتبت بواسطة زياد الشلقامى

صح الاحساس عندنا عادى ملهوش طعم لان الفرحة اتاخرت كتيير فلما جات كانت عادية
تصوروا عندنا فى المدرسة زملاؤنا الاساسييين (قبلنا عنى) بهنوننا على اننا كسبنا التعيين فى جايزة او طلعت لينا فى لعبة حظ كان الحكاية دى مش من حقنا من زمان
يلا بس الحمد لله ان البلد اتعدل لاحالها اهووربنا يكرمنا كلنا

كلام حضرتك استاذ زياد مظبوط 100%100 هو ده نفس الاحساس عندنا فى المدرسه وطبعا غتاته الادارة اللى كانوا حسين اننا هنبض من جبهم وعوزين يضعوا الفرحه مننا باى شكل وبقوا يالفوا حجات نعملها مفيش اى ادارة على مستوى المحافظات كلها عملتها ومعى ذلك عملناها علشان نخلص ولما نفذنا كل الطلبات المستحيله دى فى وقت قياسى قعدوا يدعبسوا ازاى يعكروا صفو الموضوع فاخترعوا موضوع التوزيع من الاول ولكن بفضل ربنا سبحانه وتعالى انه ميرضاش بظلمنا اكتر من كده نصرنا عليهم ومنفذوش مخططهم بس طبعا طلعوه على عنين من اهانه بكل المقاييس بس نقول ايه مفيش غير حسبى الله ونعم الوكيل ومن الاخر وبعد العناء ده بفكر اجيب طفل كمان واخد بقى اجازة رعايه طفل من حقى مرة بعد 11سنه عناء