ايه اخبار تعيين أوائل الكليات ياجماعة؟

[د.عبدالرحمن المنياوي]

المشاركة الأصلية كتبت بواسطة شريف الصعيدى 22

السلام عيكم منوره المنتدى والموضوع يادكتوره

المهم حضرتك بتقولى ان فى حد طالع من الاوائل على اداب كفرالشيخ دفعة 2003 والكليه بعتت اسمه
واللى اعرفه ان كفرالشيخ بعتت فعلا اسماء الاوائل من 2006 ل 2010
ياريت بجد عاوز حد يوضحلى النقطة ديه
لو سمحت يادكتور عبد الرحمن لو عند حضرتك خلفية عن الموضوع ده اولى عليها
انا لما رحت اداره جامعة كفرالشيخ قالى انهم بعتوا من 2006 ل 2010
تانى يوك طلعت على ادارة جامعة طنطا ملقتش اسمى هناك لان اقل حد فى العشرين كان جايب جيد جدا
وياريت اعرف يعنى ايه انبعت فى الرصد الاخير ده يعنى فى دفعة تانيه انبعتت ولا ايه
وانا ان شاء الله عقدت العزم انى ابعت فاكس لسيادة وزير التعليم العالى
بس مع انى واثق ان الفاكس مش هايزود ولا هاينقص لو اتقرى اساسا
بس يلا باه الواحد بيسعى وخلاص
الف الف شكر بجد مره تانيه على تعب حضرتك معانا يادكتور عبدالرحمن

انت تاني يا شريف ؟!!!! ههههه

بص ياعم أنا قلت لك إنهم هيضحكوا عليك ولا طنطا هتبعت ولا كفر الشيخ هتبعت .. وقلتلك روح لرئيس جامعتك وفهمه الموضوع .....

يا بني لازم يكون فيه كشفين أوائل واحد خاص بكفر الشيخ والتاني خاص بطنطا ...

طيب ركز معايا :

هو كام كش اتبعت لغاية دلوقت للكليتين ؟!!!!

أقولك أنا :

طنطا بعتت واحد لكليتها فيه 20 اسم من 2003-2010 صح؟ .... صح!

كفر الشيخ بعتت واحد لكليتها فيه 20 اسم من 2006-2010 صح؟ .... صح!

يبقى في أوائل كليتك اللي اتحولت لكفر الشيخ الأوائل من 2003-2005 ؟!!

اتضحك عليكوا يا باشا وانا قلت لك إن ده هيحصل وانت مسمعتش الكلااااااااام ...

طيب أنا أعمل إيه دلوقت ياعم ؟!!

أقولك ... روح لرئيس الجامعة بتاعتك وقوله اللي حصل وقولله نسق مع رئيس جامعة طنطا وحل لي موضوعي ده !!!!! ولو حضرتك معملتليش حاجة هروح للوزير ... وحاول تاخد حد معاك .. يعني دكتور ليه خاطر كده عندهم ..

طيب منفعش ؟!!!! اطلع ياعم وروح للوزير مباشرة وقدم شكوى باليد وخد رقم واسأل عليها خلال أسبوع وإوعى تنام لاحسن يعينوا الناس منغيرك!!!!!!