افرحوا يا معلمين اصبحتم مزبلة التاريخ

[heshamarabe]

معلهش تعيش وتاخد غيرها تاني مرة لا تصدق كل ما يقال لك حتي لا تصبح العوبة في يد الاخرين يا راجل متزعلش نفسك ده احنا الاداريين من 2007 كل شوية يقولوا اضراب اعتصام وييجي يوم الاضراب ولا من شاف ولا من دري ولا حد بيسمع عنه حاجة يا اخي البلد مش حينصلح حالها الا اذا سادت العدالة في الاجور يعني لما حظك يبقي وحش وتتعين في المحليات تعيش طول عمرك مديون ومفلس وغيرك اقل منك كفائة ومؤهل اتعيين في وزارة كهربا والا عدل والا بترول يعيش مبسوط واخر نغنغة حتي مكافأة نهاية الخدمة بتبقي ملاليم يعني مش كفاية انك تعيش فقير لا وتورث الفقر لاولادك حسبنا الله ونعم الوكيل في كل ظالم لا يشعر بمعاناة الناس المهم انت اوعي تزعل نفسك تمن ادوية الضغط غالية علينا يا عم ان شاء الله حتتعدل سمعت عن اللي بيقرا البخت لواحد موظف قال له حتعيش عشر سنين في فقر فرح الموظف وقال بسيطة عشر سنين قال للمنجم وبعد العشر سنين حيحصل ايه قال له مش حيحصل حاجة حتتعود علي الفقر اللهم احشرنا في زمرة الفقراء والمساكين قول امين