"التعليم" تعلن انتهاء أزمة درجات وترقيات معلمى الكادر

[emaad_1185]

مبروك على إيه ؟ ايه علاقة اختبارات الكادر بالدرجات المالية ؟ بمعني الناس اللي قضت على الدرجات الفترات البينية المنصوص عليها في القانون 47 اللي هما ال 8 سنوات من الثالثة للثانية والست سنوات من الثانية للأولي والست سنوات من الأولى لدرجة كبير وبعدها الفئة الممتازة الكلام ده بح خلص من التربية والتعليم ، انما اقتراح انه يحسب المدد البنية اللي بينها خمس سنوات ويرقي المعلمين على أساسها بشرط اجتيازها الامتحان من معلم لمعلم أول لمعلم أول أ لمعلم خبير ، يبقى الموضوع معرض للتلاعب بالنتائج وفرص الترقي وبرضو دخلنا في الشروط اللي تعجز كثير من المعلمين على دخول الاختبارات مثل الدبلومة التربوي ، الرخصة الدولية للحاسب الآلي و اللغة الانجليزية ، وامتحان بدون تدريب ولا محتوى ولا مادة علمية دقيقة ومحددة وامتحان بيعتمد على الحظ وطريقة تصحيح غامضة واعلان نتائج بصورة مهدرة لكرامة المعلمين بالاعلان عن رسوب المعلمين وسط أبنائهم وزملائهم دي طبعاً تبقى قلة قيمة وسخرية بجميع المعلمين ، وعندى فكرة لمعالي الوزير ومستشاريه ايه رأي جنابكم تسبقونا في الخضوع لاختبارات الكادر دي على مستوى مناصبكم ( مع كل احترامي للشهادات والاجازات العلمية اللي مليانة بها صفحة مؤهلات معالي الوزير على موقع الوزارة ) إلا إننا نحب نشوفه قدوة لنا هو وكبار رجال الوزارة في امتحانات الكادر ، احنا نمتحن في مواد التخصص واللغة والتربوي ونقدم شهادات الرخصة الدولية والتربوي والدراسات العليا والماجيسترات والدكتوراهات بتاعتنا ومعاليكم تمتحنوا في التخطيط والادارة والقيادة والمتابعة التربوية ونتفرج كده على مستويات قيادتنا اللي بيقودوا حركة تطوير التعليم في مصر خصوصاً واحنا في عصر الشفافية والموضوعية والمكاشفة والمصارحة بعد ثورة 25 يناير ، وطبعاً هذه الاختبارات لمعالي الوزير وكبار مستشاريه ورجاله وكبار رجال ديوان الوزارة ا تققل من مكانة معليهم في شيء وإنما بتظهر مدى تقدهم في قيادة التعليم في مصر بعد الثورة مش كده ولا إيه ؟