استفسار علي طريقة التحليل بدون مقص ضروري

[el_kashef]

المشاركة الأصلية كتبت بواسطة nourhan_nono

اوكى هوضح لكم الحل من خلال تطبيقى على مسألة
تحليل المقدار الثلاثى الغير بسيط بدون مقص
و اهى المسألة

3 س2 + 13 س + 12

الحل

اول خطوة هنشوف اذا كان المسئلة فيها عامل مشترك ولالا
( و الخطوة دى لازم نأخد بالنا منهم كويس فى جميع انواع التحليل ) و المسألة دى مفيهاش عامل مشترك
تانى خطوة هنفتح قوسين زى كدة ( ) ( )
بعد كدة نحلل 3س2 كدة ( 3 س ) ( س )
و بعد كدة هنحلل الحد الاخير اللى هو ال 12 ( هندور على رقمين لو ضربناهم يدونا 12
هنلقى ارقام كثير زى مثلا 1 ×12 او 2×6 او 3×4
بعد كدة هنجرب و علشان نتأكد انى المسألة صح
هنتبع القانون دة اللى هو الحد الاوسط = مجموع حاصل ضرب الطرفين + مجموع حاصل ضرب الوسطين
يعنى فى المسألة هنجرب مثلا الرقامين اللى هما ال 3 × 4 يعنى ال3 و ال4
هنجرب و نحطهم فى القوسين كدة ( 3س + 4) (س + 3)
بعد كدة هنشتغل على القانون هنقول مجموع حاصل ضرب الطرفين يعنى ال 3س ×3 = 9
بعد كدة هنقول + مجموع حاصل ضرب الوسطين اللى هما 4× س = 4
بعد كدة هنقول 9 + 4 = 13
ال 13 دى اللى هى الحد الاوسط
و المسأله دى ملهاش حل تانى حتى لو حطينا ال 3 مكان ال 4 و ال4 مكان ال 3 هتكون غلللللط
اهم حاجة انى لو ضربنا الطرفين + الوسطين يدونا العدد بتاع الحد الاوسط اللى فى المسألة
و اتمنى يكون الشرح عجبكم وواضح

قانون المسألة
الحد الاوسط = مجموع حاصل ضرب الطرفين + مجموع حاصل ضرب الوسطين

أختى الفاضلة
انتى كده تقريبا حليتى بالمقصات
فكرة المسالة دى انك تضربى فى معامل الـ س2 اللى هو الـ 3
ونضرب الحد الاول والثالث
اشمعن الاول والثالث ؟؟
واشمعن معامل الـ س2 ؟؟
وايه الاساس الرياضى
هو ده السؤال
ياريت الاجابة

اما التحليل بالمقصات زى مانتى قولتى
انا عارفه كويس