|
||||||
 |
|
|
أدوات الموضوع | انواع عرض الموضوع |
|
|
|
#1
08-05-2011, 04:58 PM
|
|||
|
|||
[quote=Sally82;3391613]اكيد حضرتك بتهزر
 دا على كدة كلية التربية بحالها اكبر اهانة للمعلم..يا داهية دقي  هو عيب لما يتم تأهيل غير المؤهلين تربويا و الا عيب لما يكون معلم و له 10 او 15 سنة في مهنة التدريس و يروح يتعلم التقنيات و الاساليب الجديدة في المجال الرتبوي؟! يا استاذ..اطلبوا العلم من المهد الى اللحد الامم المتقدمة متقدمة لان الناس فيها لا تستنكف انها تتعلم باستمرار عشان تكتسب خبرة و معارف جديدة و ده بيحصل مع اكبر مدير لاصغر عامل و اى مؤسسة محترمة بتعمل دورات تدريبية لموظفيها و عمالها و ده اللي بيسموه "تنمية بشرية" اعتبر الدبلومة التربوية دورة تنمية بشرية و خلاص  انا شخصيا استفدت جدا جدا جدا جدا من الدبلومة التربوية و كان اعتراضي على سوء التنظيم فقط و دا سبب لنا مشقة و لكن ربنا عوضنا خير الحمد لله بالنجاح و الدبلومة الشرعية كمان انا استفدت منها جدا جدا و الكتب و المناهج رائعة الحمد لله و كلها حاجات سهله اعرف عنها نبذة مختصرة من خلال اطلاعي على النت بس اهي الدبلومة زيادة الخير خيرين.. انتوا بس ياريت تبطلوا الكسل و الاستهتار ده اخى فى الله انا لا اتكلم عن نفسى انا والحمد لله انا حاصل على ماجستيروفى فرق بين دورة تدريبية وبي انك تذاكر ويكون هنالك امتحان المدرسين الى علمونا وعلموك وتخررج من تحت ايديهم احسن اطباء فى العالم واحسن مهندسين وعلماء مكنش معه تربوى او امتحنوا كادر التربوى والكادر من اسباب فشل التعليم وحديث اطلبوا العلم مقصود به العلم الشرعى مش الدبلومة التربوية او الكادر بطل انت كسل واطلب العلم الشرعى 
|
|
#2
08-05-2011, 07:57 PM
|
|||
|
|||
|
اقتباس:
زمان كان المعلمين من خريجين معاهد اعداد المعلم ثم انشئت كليات التربية و لكن مع زيادة عدد الطلاب لجأوا الى تعيين غير التربويين و كانت اعدادهم قليلة حتى ايامنا هذه.. و التعليم لم يكن بتلك الجودة التي تتصورها...كان قائم على التلقين و التحفيظ و ده بيقتل المواهب و الابداع عند التلاميذ.. عشان كدة احنا دولة متخلفة لان مواهب و ابداعات اطفالنا تقتل من الصغر بفعل النظام التعليمي الفاشل و بمناسبة الأطباء مرة دكتور كان بيقول قصة "نجاحه" على التلفزيون و كان بيتباهي انه حفيظ يعني بيحفظ حتى رقم الصفحة اللي فيها الشرح.....و نعم التعليم.. بس نفس الدكتور ده حتى بعدما اخد ماجستير و دكتوراه لازم حيفضل يحضر مؤتمرات و دورات تدريبيه للاطلاع على التقنيات الطبية الجديدة في تخصصه...يعني هو استمر في طلب العلم و اعلى شهادة لا تكفيه.... و اذا كان ده فيما يخص الطبيب و مثله المهندس فالاولى ان يكون لمن يعدهما و هو المعلم...هو ده اللي بنتكلم عليه و بالمناسبة اى دورة تدريبية في الدنيا لازم في نهايتها امتحان امال حيدوا المتدرب الشهادة ازاى و ازاى سيتم تقييم ما اذا كان اجتاز فترة التدريب بنجاح ام لا!! غريب جدا لما حددت العلم المقصود في الحديث هو العلم الشرعي فقط... يعني الاسلام يحث على طلب العلم الشرعي فقط و العلوم الاخرى لأ.. دا كلام خطير جدا و الله و انصحك تتراجع عنه  طيب و القول المأثور "اطلبوا العلم و لو في الصين" دا كمان علم شرعي فقط!! و القول المأثور : لا يزال المرء عالما ما طلب العلم فإذا ظن انه علم فقد جهل.." هل هذا ايضا العلم الشرعي فقط!! طيب قولي هل لو تم اكتشاف تقنيات جديدة في الحاسب مثلا و وجدت نفسك ستحتاجها في عملك ..او تغير شكل الانترنت و طريقة استخدامه مثلا فهل انت مش هتتعلم القنيات الجديدة دي و تظل بالقديم..!! لو كان كده عمر ما كان حد تطور و تقدم و تحسنت احواله.. انا دلوقتي فهمت ليه التعليم فاشل عندنا..بسب التفكير دا من المعلمين.. ...و هذا يذكرني بموضوع كتبته منذ ايام عن اهمية استخدام الحاسب الآلي كوسيلة فعالة في التعليم و كانت الردود فعلا محبطة..مش عارفة ليه زملائي الافاضل همهم فقط زيادة الرواتب و المكآفات و مش همهم تحسين مستوى ادائهم في العمل ..مش عايزين دبلومة مش عايزين شرعي مش عايزين كادر عايزين تثبيت و زيادة مرتبات فقط..  ...و بالمناسبة انا عن نفسي خريجة كلية هندسة و اخدت الدبلومة التربوية و انا راضية بل وجدتها فرصة جيدة لتطوير ادائي في عملي الى جانب دراسة علم آخر بل قل علوم اخرى لم ادرسها من قبل لاننا في الدبلومة التربوية درسنا مواد تتعلق بـ علم النفس و علم اجتماع و تاريخ...الخ فما بالك بقى خريج آداب - مثلا - مش من مقامه يعني انه يدرس تربوي..
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 01:50 PM.
