كيف استخدم اله حاسبة fx-991

[abdelRhman772007]

أنا مش فاكر كرامر لأن احنا بناخد طرق حل معادلات غير كرامل زى جاوس جوردان
فكرامر بالنسبة ليا حاجة عتيقة جدًا
لكن هشرح ازاى نحسب محدد

ندخل MODE ----- ,MATRIX
نختار MatA
3*3
نملى المصفوفة ( على فكرة ده مصفوفة مش محدد مش عارف حضرتك درستى المصفوفات تبع المنهج الجديد و لا لأ )
و بعدين AC
ندخل العمليات الخاصة بالمصفوفات و ده اللى بتلاقيها فوق كل رقم من الأرقام من 1 لـ 5
احنا هندخل الماتريكس
شيفت 4
هنختار det و ده اختصار determinant بمعنى محدد
و ندخل تانى شيفت 4 للعمليات
نختار المرة ده MatA
هيظهر عندنا فى النهاية
det (MatA
بس كده يساوى

هيطلع قيمة المحدد
كده بس
طب هل ده ليها فايدة
أكيد ليا ناس أصحابى و يقولك حليت كرامر فى الامتحان مطلعتش فجيت أراجع معرفتش أطلع الغلطة
و ده طبيعى خصوصًا توتر الامتحان و الوقت على القد
فاحنا بنحل أول تلات محددات عادى جدًا
و بنتأكد من كل محدد بالآلة و لو فيه غلطة
بدل ما أدور فى أربع محددات هدور فى محدد واحد أكيد الفرق واضح

لو حضرتك حبيتى تحطى محدد كمان على نفس العمليات
شيفت 4
Data
MatB
و كملى حضرتك نفس الخطوات

كفاية كده
=============================
بالنسبة للمتجهات
Mode
vector
VctA
3
و نحط المتجه
بعدين ندخل العمليات عشان ندخل المتجه التانى
شيفت 5
Data
VctB
3
و نحط الفيكتر و هكذا فى التالت
و لاحظى احنا آخرنا تلات متجهات بالإضاف MatAns
و ده موجود فى العمليات و فكرته زى Ans فى الحسابات العادى

العمليات المتاحة هنا الضرب الاتجاهى ( بعلامة الضرب العادية خالص )
الجمع الطرح
الضرب القياسى لازم من جوة العمليات Dot

المعيار من علامة المقياس العادى
كمثال مثلاً احنا معانا فيكترA

علامة المقياس فى الآلة الجديدة اسمها Abs و ده اختصار Absolote أو المطلق (القيمة المطلقة)
و ده فوق hyp

يبقى شيفت hyp
و بيعدين شيفت 5 لدخول العمليات
و نختار VctA
و ال يساوى
بس كده
بيتهيألى ده آخر امكانياتها فى المتجهات

================================
بالنسبة للمشتقة
للأمانة أنا ما بحبذهاش و أعتقد مش هتفيدك قد اللى هقوله إن شاء الله
و اللى هو الإطراد ، التعويض ، المجهول الواحد
هشرحهم فى وقت آخر لو سمحت على الفجر تقريبًا إن شاء الله
================================
أنا ممكن أقولك التحويلات بس لاحظى إن التحويلات ده دقيقة لدرجة أنها هتغلطك فى الحلول
فصراحة أنا أفضل حضرتك تتعلمى الطريقة العادية المشروحة فى كتاب الامتحان

الرقم فى ( نسبة بوحدة معينة للمميز المطلوب على نسبة مميز الرقم بنفس الوحدة )
ممكن أشرح بدلًا عنها التسييف
بس لو حضرتك مصرّة مفيش مشاكل
================================

و ربى يوفقك ،،،،،،،