نداء الى اخصائى تكنولوجيا التعليم

[ayman esmail]

مشكلة أخصائي تكنولوجيا التعليم من زمان يجماعة أنا خريج 96 وعايز أقولكم اني حسيت في كل وقت وحتى الآن ان هذا التخصص سبه على جبيني فمسماي الوظيفي"أخصائي وسائل تعليمية إعدادي" ده طبعا قبل امتحان الكادر مش عارف بعد الامتحان بيبقى ايه لأني لم اختبر حتى الآن نظراً لظروف سفري .
تعروفوا اني تسجيل الماجستير الخاص بي اتوقف بسبب هذا المسمى والله هذا حدث واضطريت ساعتها للسفر . المهم معلم الحاسب الآلي الآن في المدارس لا يتفوق على أخصائي تكنولالوجيا التعليم في أي شيئ لذلك حقنا اننا احنا نبقى معلمين الحاسب وده بيخلينا نتفادى الدخول في مهاترات الكادر واي حاجة ممكن تجد على الساحة.
سمعت أن أخصائيي تكنولوجيا التعليم بمديرية التعليم بالممنصورة موقعين على مذكرة لتغيير المسمى إلى معلم حاسب وبالتالي ندرس حاسب آلي بدل ماحنا في المدارس مش عارفين لنا شغلانه.
إيه تشغيل اسطوانة وتسجيل شريط فيديو وشوية كتابة أوراق هل دي وظيفة دي وظيفة واحد إداري حاصل على إعدادية مع احترامي لكل الإداررين.
لازم كلنا نتحد لتغيير المسمى وكمان العمل يعني نغير المسمى لمعلم حاسب ونشتغل معلمين حاسب آلي معلمين الحاسب اللي معينين من خرجي كلية التجارة لا يتفوقون علينا بشئ بل على العكس لما بتحصل أي مشكلة في جهاز أو صعوبة في شيئ بيطلبونا.
حتى منظرنا قدام الطلية عفوا في الفظ "زبالة" خاصة المرحلة الثانوية ، فالطالب مش عارف انت ايه "انت الأستاذ بتاع المناهل"
أرجو أخذ الموضوع على محمل الجد فعلاً ، ولنتواصل ونشوف ايه اللي ممكن نعمله.
وشكراً