يا من تشوه البرادعي ربما تكون أداة في يد الولايات المتحدة الامريكية!

[ايمان اون لاين]

سورى انا مش مع حضرتك صحيح احنا مش المفروض نتهم حد بدون ادله بس هوه عمل ايه لمصر ولا حاجه ولو حضرتك سمعت احد تصريحاته ان هو سافر علشان يحسس الشعب ان هو الى عمل الثورة فى رايك دي معناه ايه وثانيا مشكله العراق هو السبب فيها ولو هوه مصرى بجد كان نزل علشان الثورة من اولها مش لما بدات تنجح

[محمد.فوكس]

المشاركة الأصلية كتبت بواسطة ايمان اون لاين

سورى انا مش مع حضرتك صحيح احنا مش المفروض نتهم حد بدون ادله بس هوه عمل ايه لمصر ولا حاجه ولو حضرتك سمعت احد تصريحاته ان هو سافر علشان يحسس الشعب ان هو الى عمل الثورة فى رايك دي معناه ايه وثانيا مشكله العراق هو السبب فيها ولو هوه مصرى بجد كان نزل علشان الثورة من اولها مش لما بدات تنجح

اولا احترم طريقة ردك اللي باين فيها ان حضرتك عايزة الحقيقة مش هجوم عمال على بطال.
موضوع عمل ايه لمصر ده ممكن نتكلم فيه في سياق اخر لان ده في موضوع هو ليه يصلح او ميصلحش و زي ما انا كاتب في الموضوع ان من حق اي حد يشوف ان ينفع رئيس او لا لاسباب موضوعية مش الاختراعات بتاعت مبارك.
بالنسبة لموضوع العراق اللينك اللي انا حطيته هو واحد من سلسلة فيديوهات بتكذب مزاعم نظام مبارك او انصار المرشحين المنافسين للدكتور البرادعي اللي كانو ممكن يلاقوا اي انتقاد موضوعي احسن من كده.
موضوع نزوله الثورة .. اولا الراجل ده مش معنى انه طلع من الوكالة انه بقى فاضي و معندهوش حاجة معروف بره ان اي واحد في منصب زي ده بعد ما بيخلص وظيفته بيتطلب في مؤتمرات و منظمات و جامعات كتير ده غير انه كان بيعمل مذكراته اللي نزلت مؤخرا وب يفضح فيها ادارة جورج بوش.
لا يخفى عن حضرتك ان الدكتور البرادعي نزل في وقفات خالد سعيد في اسكندرية مع الشباب اكتر
من مرة يعني هو مش بيجي على الجاهز.
هو قال بس انا مش هنزل في مظاهرات 50 فرد و ان مفيش مخلص لازم الشعب ينزل.
مش معقول الراجل اللي قبل الثورة كان بيتكلم بكل ثقة ان التغيير جاي جاي و مكانش ناقص الا يقول تاريخ تنحي مبارك انه يتخاذل عن المشاركة في الثورة و حتى منتقديه المحترمين لا ينكر احدهم دوره التغيير.
انا كنت قاعد مع شخص اول ما جبتله سيرة البرادعي شتمه بالام و الاب و في الاخر راح قايل هو الحاجة الوحيدة الي عملها انه رمى حجر في المياه الراكدة .. قولتله هي دي شوية؟