|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
26-05-2011, 10:21 AM
|
|||
|
|||
الحب الاخرس !!
السلام عليكم ورحمة الله وبركاته
قال رسول الله صلى الله عليه وسلم : " إِذَا أَحَبَّ أَحَدُكُمْ أَخَاهُ فَلْيُخْبِرْهُ أَنَّهُ يُحِبُّهُ " كلنا بنحب بابا ، وماما ، اخويا ، واختي وصحبي / صحبتي بس امتى اخر مرة قولت لهم انا بحبكم ؟! او قولتلهم اساسا فمرة بابا انا بحبك ؟ او ماما انا بحبك ؟ او قولت لصاحبك / صاحبتك انا بحبك فالله مثلا ؟ ممكن يكون جوانا مشاعر كتير تجاه شخص معين بس بتفضل محبوسة جوانا رغم ان اثر التعبير البسيط دا له اثر كبير فتوثيق العلاقات وتقريبنا من بعضينا وانا مش بتكلم عن حب بين ولد وبنت لكن عن حب اب لاولاده ، ام لاولادها ، واحد لصاحبه ، اخ لاخوه ياترى هل انت بتشوف التعبير عن حبنا للاشخاص بالطريقة دي شيء معيب ومش مناسب لطبيعتنا الشرقية ؟ وانت بتفضل ايه التعبير المباشر ولا تلجأ لاساليب غير مباشرة توصل بيها شعورك ؟ ومع التعليل فكلا الحالتين ،  ... موضوعي يمكن غريب ومش كنت حابة انزله حاليا عالاقل لكن شجعني موقف حصلي من يومين واتمنى اشوف رأيكم ^^ |
|
#2
26-05-2011, 10:36 AM
|
||||
|
||||
حب من ولد لولد لا اجد ما يمنعني من الاعتراف بيه
و فعلتها كثيراً لان الرسول صلي الله عليه و سلم قد امر بذلك لسيدنا معاذ علي ما اتذكر فذهب لمن يحب و قال له اني احبك فالله فرد عليه : احبك الذي احببتني فيه لكن إذا اختلفت المواقع تختلف الاحكام يعني من الاخر مع الجنس الاخر يختلف الوضع تماااااااااااااااااااماً عذراً للطالة عليا درس بقي ابقي اكمل بعدين تقبلي مروري
__________________
[CENTER] رُوِيَ عن معاذ بن جبل رضي الله عنه أنه قال : تعلموا العلم فان تعـلُمه لله خشية ، وطلبه عبادة ، ومُدارسته تسبيح ، والبحث عنه جهاد ، وتعليمه من لا يعلم صدقة وبذله لاهله قُـربى ، وهو الانيس فى الوحدة ، والصاحب فى الخلوة ، والدليل على الدين ، والمُصبر على السراء والضراء ، والوزير عند الاخلاء ، والقريب عند الغرباء ، ومنار سبيل الجنة |
|
#3
26-05-2011, 10:43 AM
|
|||
|
|||
|
اقتباس:
اقتباس:
جميل انك بتعبر لاصحابك عن ودك وحبك ليهم والجملة ال بالاحمر ردها فوق  اطالة ايه دا انت ماجابوبتش عالاسئلة حتى  بس طالما فيه درس براءة وبانتظار عودتك مرة تانية و مافيش مجال للهروب شكرا لمرورك الجميل نورت |
|
#4
26-05-2011, 10:41 AM
|
||||
|
||||
|
شكرا على الموضوع الرائع
__________________
كانت الدنيا حكمها عربى **** بكتاب الله اصدق الكتب
إن للحق رجال **** صدقوا الله تعالى |
|
#5
26-05-2011, 10:46 AM
|
|||
|
|||
|
اقتباس:
الاروع مرور حضرتك
بس اتمنى نسمع رأيك  ونورت |
|
#6
26-05-2011, 11:03 AM
|
|||
|
|||
|
اقتباس:
- علي العكس تماماً . التعبير عن هذا الأمر بين الأهل والأصدقاء حث عليه الاسلام , وكنا نسير علي هذا النهج لسنوات طويلة , ولكننا فجأة توقف معظمنا عن التصريح به ! - فيه حالات بيكون فيها التصريح هو الأصلح , وفيه حالات الأساليب الغير مباشرة لا بأس بها . وفي كلا الحالتين لابد للفعل أن يؤكد المشاعر . يعني مثلاً الأطفال تحتاج لأن تستمع إلي هذه المقولة دائماً من الأب والأم ولا يكتفي بالفعل الدال عليها فقط . كذلك الأبناء عليهم التصريح بهذه المقولة للأباء والأمهات عند الكبر ولا يكتفي بالفعل الدال عليها فقط . أما بالنسبة للأخوة والأخوات , فأعتقد بأن الأساليب الغير مباشرة مجدية ونافعة ( ولا بأس من التصريح ) فيجب المحافظة علي روابط الدم وصلة الرحم والسؤال الدائم عنهم وزيارتهم ومودتهم وعدم أكل الحقوق فيما بينهم . اما عن الأصدقاء , فقد قلوا ولذا فمن يجد صديقاً وفياً ومخلصاً له , لابد من المحافظة عليه بالتصريح والتلميح والفعل . - ايه بقي الموقف اللي حصل معاكي من يومين ؟ شكراً علي هذا الموضوع . تقبلي مروري . |
|
#7
26-05-2011, 11:43 AM
|
|||
|
|||
|
اقتباس:
ايوة ليه التوقف ال حصل دا ؟ لأني شايفة انه اثر على جوانب تانية كتير وادى لمشاكل كمان ظهرت معانا اكيد الطريقتين مطلوبة لكن اعتقد الطريقة المباشرة بيبقى ليها الاثر الاكبر ، وبتكون اجدى لكن اعتقد ان احنا مش بنعمل بيها ونادر لما نلاقي تعبير مباشر يمكن عشان بنخجل من الموضوع دا ، الموقف ، هما اكتر من موقف مع بعض واحد حصل مع وحدة صحبتي فالكلية كنا خارجين من امتحان وهي غلطت فكانت زعلانة وواحنا ماشيين بتقول ارميش نفسي تحت عربية ؟! فرديت عليها بهزار افرفشها : لالالا ماتتهوريش انابحبك وممكن ارمي نفسي وراكي هتاخدي ذنبي وذنبك فلقيتها وقفت وسكتت شوية وبتقولي انتي بتحبيني فعلا ؟! فانا استغربت فقولتلها اه طبعا بحبك و اوي كمان فحسيت انها استغربت او ماكنتش متوقعة ، فقولت ياه للدرجة دي وفضلنا طول الطريق كل وحدة تعبر للتانية عن مشاعرها ( كنا كم بنت مع بعض يعني ) فكان موقف جميل واثر فيا ، والتاني مع اختي فمرة لقيتها بتقولي : نقاء انتي بتحبيني ؟! انا اتخضيت مالها اختي جرالها ايه ؟ قولتلها طبعا ياحبيبتي اكيد بحبك مانتي اختي فردت : بس انتي مش قولتيلي قبل كدا !! من ساعتها وانا كل ماشوفها اهزر معاها وقولها اي لاف يو بس بكون قصداها مش تريقة بس باسلوب فكاهي يعني  وبس ! طولت عليكو معلش و شكرا لمرور حضرتك يامستر
نورت |
|
#8
26-05-2011, 04:27 PM
|
|||
|
|||
|
اقتباس:
التوقف حصل ليه ؟ مش هقدر أجزم باجابة محددة . لكن أعتقد أن انتشار هذه الكلمة بين الفتيات والشباب في الحياة وفي كل وسائل الاعلام ( التي تتزايد يوماً بعد الأخر ) قد أفقد الكلمة معناها وأصبح قولها لا يعطي المفعول كما كان في السابق . والدليل علي اعتقادي هذا هو اندهاش صديقتك حينما قلتي لها هذه الكلمة ! أيضاً تركيز وسائل الاعلام علي أن هذه الكلمة تكون بين الشاب والفتاة , ولا يلقي لها بالاً بين الأهل أو بين الأصدقاء . |
|
#9
26-05-2011, 05:02 PM
|
|||
|
|||
|
اقتباس:
تعليل مقنع جدا ،
وانا كنت برجح التاني اكتر لأني كتير بلاحظ ربط كلمة بحبك بوجود علاقة بين ولد وبنت وكمان علاقة في غير اطارها الشرعي او الاجتماعي وبقت مرتبطة فذهن كتير منا كدا ، وعشان كدا يمكن اقتصرناها فالمجال دا بس بالرغم من ان مكانها الاساسي هو بين الاهل والاصدقاء ، شكرا لمرور حضرتك الرائع التاني يامستر نوورت |
|
#10
26-05-2011, 11:04 AM
|
||||
|
||||
|
عنوان الموضوع فوق الرائع فعلا هذا هو الحب الأخرس
جزاك الله كل خير يانقاء ومتغبيش عن القسم العام
__________________
معلم اللغة العربية بمدارس المنصورة كولدج الدولية  |
|
#11
26-05-2011, 11:52 AM
|
|||
|
|||
|
اقتباس:
الاروع مرورك استاذي
واتمنى ان نسمع رأي حضرتك جزانا وايااكم استاذي ان شاء الله ، نورت |
|
#12
26-05-2011, 12:27 PM
|
||||
|
||||
|
تعرفى ان الموضوع ده كان شغلنى لانى لااعرف اعبر عن مشاعرى لمن احبهم يعنى مفتكرش ان قولتها ولو مرة لصديقتى الوحيدة احنا الاتنين ملناش غير بعض وكل واحدة واثقة من كده احنا بنكتفى فقط بالهدايا يعنى بيظهر حبنا لبعض من خوفنا على بعض تقديم النصائح فدائما ما نقدم لبعض النصائح اعتقد انه شئ مهم لكنى مش بعرف حتى مع ماما وبابا مفتكرش انى قولتها ليهم قبل كده بس اكيد بيبان من تصرفاتى حبى ليهم يعنى مثلا احنا فى البيت مقضينها احضان لو نزلت او رجعت من البيت او بابا رجع من الشغل لازم نسلم على بعض ممكن تكون مش مهمة بالنسبة للوالدين لانها بتبقى شئ محسوس عارفه موقفك التانى ده حصل معايا بالظبط اختى الصغيرة لقيتها بتقولى هو انتى بتحبينى؟؟ رغم انى على طول منشغلة بيها ومتابعاها وبحسسها بحبى ممكن يكون الكلمة دى ليها اثر كبير وخصوصا عند الاطفال تقبلى مرورى
__________________
بوابة الثانوية
يعنى أحلى ذكريات وأحلى أيام وسط احلى واكبر عيلة عرفتها وحشنى المنتدى رغم غيااب تقريبا كل الناس اللى عرفتهم هنا !( |
|
#13
26-05-2011, 04:06 PM
|
|||
|
|||
|
اقتباس:
فعلا انا نفس مشكلتك ياحبيبة
بس مع اصحابي بتوع ابتدائي واعدادي لاء واخدين راحتنا خالص وجميل اسلوب الهدايا والنصائح دا بس ممكن تتشجعي مرة كدا وتقوليها بهزار يعني هههه ضحكتني جملة مقضنها احضان دي ربنا يخليكو لبعض ، بس للوالدين مهمة كمان يعني لما ام او اب يقولوا لاولادهم انهم بيحبوهم دا بيدي شعور جميل عند الابناء اكيد والعكس كمان ههههه خلاص اعملي زي مانا بعمل قوليلها اي لاف يو كل شوية مرسي لمرورك الجميل ياحبيبة نورتِ |
|
#15
26-05-2011, 04:38 PM
|
|||
|
|||
|
اقتباس:
الاروع مرور حضرتك
وكنت اتمنى نسمع رأي حضرتك شكرا للمرور الجميل نورتِ |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 01:26 AM.
