اكذوبة الحرية السلام و ديموقراطية

[Mr. Ali 1]

المشاركة الأصلية كتبت بواسطة sofia adam

طب يا مستر امتى مصر تكون الى حد ما زى امريكا ..بلاش زى امريكا خالينا زى ما احنا عشان ده حلم مستحيل
ازاى نضمن اننا مش نكون فى يوم من الايام افغانستان او عراق او اليابان او فليسطين او او او
ازاى حنفضل طول حياتنا بنشحط و ناخد معونه و نسكت
ازاى حيكون عندنا سياسه زيهم نقدر يخفوا مننا اننا نكون احتياطى الاقتصادى بتاعهم
حنفضل نعمل مظاهرات و اعتصامات لحد امتى
نفسي فى مظاهره شغل يا مستر حتى لو يوم فى الاسبوع حتى نكون زيهم
قالو ان مظاهرات يوم واحد فى الاسبوع و باقى ست ايام شغل ..لقينهم بيعتصموا و يتظاهروا كل يوم و بعض قليل هو الى بيشتغل و بيشتغل بس عشان ياخد مرتب اخر الشهر او يروح يقبض و يمشى او يروح يقعد المكتب يشرب شاى و واحد تقعد تكلم حتطبخ ايه انهارده
احنا عايزين نبقى زى امريكا..احنا غيرنا نظام الفاسد لكن كل واحد فينا لسه فيه ذره فساد من صغير للكبير
الطفل الصغير الى بيكدب و طالب الى بيغش و موضف الى بياخد رشوة حتى لو 5 جنيه و الى مش بيشتغل
لازم نغير الى بانفسنا الاول ..
عايزيين نبقى دوله راس ماليه و ليست اشتراكيه
مش امريكا برده دوله راس ماليه ..نجرب طريقه الاقتصاد بتاعتها يبقى نفلح
اما احنا بنجرب الفساد الى عندهم ..يعنى بنقلد الغلط ..بنقلد الانحراف الى هناك
عمرنا ما بنقلد الصح
شكرا لمشاركتك يا مستر

- احنا نقدر نكون أحسن منهم وبكتير جداً يا صوفيا . نتبع اوامر الدين الاسلامي الحنيف ونطبقه في حياتنا , والدين الاسلامي يدعونا للعمل , بل واتقان هذا العمل .
- معظم المظاهرات يا صوفيا والاعتصامات كانت صواب وليست خطأ كما يصورها الاعلام أو النظام الحاكم الحالي .
كيف هذا ؟ النظام السابق تم خلعه عن طريق المظاهرات والاعتصامات .
* العادلي - جرانة - عز تم القاء القبض عليهم بسبب المظاهرات والاعتصامات .
* تعيين حكومة شرف بدلاً من أحمد شفيق تم بسبب المظاهرات والاعتصامات .
* القبض علي جمال وعلاء مبارك تم بسبب المظاهرات .
* احالة مبارك وزوجته إلي المحاكمة تم بسبب المظاهرات .
* القبض علي نظيف - سرور - صفوت الشريف - زكريا عزمي تم بسبب المظاهرات .
المجلس العسكري لا يستجيب لأي مطالب الا بعد قيام المظاهرات والاعتصامات , فاللوم يقع عليه هو وليس علي من يقوموا بالمظاهرات .
- حينما أضرب موظفي البنوك ( ومرتباتهم ليست منخفضة , بل علي العكس تماماً ) تم الاستجابة الفورية لمطالبهم وزادت مرتباتهم في الحال . ونفس الأمر مع موظفي البورصة , فلما نلوم علي من يقومون بالمظاهرت الفئوية وهم يتقاضون مرتبات أقل من 500 جنيه شهرياً ؟!
- كيف يصرح المجلس العسكري بأنه يعلم رموز النظام السابق والذين يحرضون علي انتشار الفوضي واستئجار البلطجية ويعلمهم بالاسم ولكن لا يستطيع القبض عليهم حالياً لكثرة عددهم ؟! هل هذا الكلام منطقي ؟! هل نترك الفساد كما هو ومن يقومون به هم من لديهم الامكانيات والقدرات علي زعزعة الأمن والاستقرار , ثم نطالب من لا يجدون ما يكفيهم من قوت يومهم بأن يلتزموا الصبر والهدوء والعمل والاجتهاد ؟
- لا أريد أن استرسل في هذا الأمر كثيراً , فالحديث عنه يحتاج إلي صفحات .
ولكن مختصر القول في هذا أننا مازلنا يتحكم فينا الفساد وان اختلف عما كان . تأخر تطبيق العدالة في حد ذاته هو استمرار في الظلم والفساد .
- لابد وأن يكون كل مسئول صالح حتي يستطيع أن يصلح ما هو مسئول عنه , ومن يحيد عن الصلاح يتم محاسبته فوراً حتي يرتدع غيره .
- وأخيراً أختم كلامي بما بدأت به . لا خير لنا ولا فلاح إلا باتباع تعاليم الدين الاسلامي وتطبيقها في كل مجالات الحياة مع الأخذ بالأسباب كما أمرنا الدين .