~~خاطب العالم بقد عقالها~~

[zozza love]

المشاركة الأصلية كتبت بواسطة ostazmath4m

1/مين اللي هيشجع الطفل انه يبحث ويسال في امور زي دي؟
2/طيب واللي شجعه ان يعمل كده ايه الغرض بقي من ده كله؟
3/وايه اللي هيستفيده الطفل من معرفه هذه الامور في ذلك الوقت من سنه
وايه اللي المطلوب من الطفل لما يعرف بقي الحجات دي ؟
4/وتفتكري الطفل لما يعرف الحجات دي تفتكري مش هيحاول يجربها ومين
اللي يأكدلك انه مش هيحاول يجربها خصوصا لو انك تعرفي ان الطفل دايما بيحب
يجرب بنفسه عشان يتعلم ده لو عندك ثقافه باحتياجات الطفل في مرحله الطفوله
ياريت تعرفي ان كل مرحله عمريه ليها احتياجاتها يا عزة مش كل حاجه عايزة الطفل يعرفها
وهو صغير في تدرج في الامور مش تبقي عايمه كل حاجه نقولها للطفل بحجه انه عقله كبير
5/تفتكري ان مفيش دول بتعمل زي مانتي بتقولي كده لا طبعا ده تقريبا معظم الدول الغربيه
والاوروربية بتعمل زي مانتي عايزانا نعمل كده وايه النتيجه بقي يا انسه عزة
في دراسة لاحدي المؤسسات في بريطانيا علي ما اعتقد او دولة زيها مش فاكر مين هي
المهم الاحصائيه كانت انهم عايزين يعرفوا كام بنت بكر في سن ال 14 سنه؟؟

انا حرد على اسئله حضرتك
1-محدش حيشجعه هو عنده حب استطلاع وعلشان كده حيبجث ويدور
2-تقريبا نفس الاجابه لانه مافيش حد شجعه واعتقد ان مافيش حد حيشجع طفل على كده لكن الطفل عنده حب استطلاع لماعرفت الاشياء
3-هو عايز يعرف ايه الحاجه دى اللى لما بيسأل اهله عليها مش بيجوبه
وغريزه حب الاستطلاع اللى عنده بتزيد اكتر واكتر
ولو الاهل من الاول قالوا له الحرام والحلال والصح والغط اعتقد حب الاستطلاع عنده كان حيقل او حيروح اصلا فى الموضوع ده
4-مع حضرتك طبعا
وعارفه ان الطفل بيحب يجرب كل حاجه بنفسه
بس هو لو عرف الحلال والحرام اكيد مش حيعمل الحرام علشان الحرام بيودى للنار وربنا حيزعل منه واكيد الاهل حيقولوا كلام زى ك\ده لو كانوا متفتحين
5-فى دول بتعمل كده؟
لا مش بتعمل زى ما انا اقصد
دول بيعموا غلط
دول مش عندهم حلال وحرام ولا صح ولاغلط
دول عندهم حريه وقله ادب

انا كده رديت على اسئله حضرتك
،،،،،،،،،،،،،

[ostazmath4m]

المشاركة الأصلية كتبت بواسطة zozza love

انا حرد على اسئله حضرتك

1-محدش حيشجعه هو عنده حب استطلاع وعلشان كده حيبجث ويدور

طيب محدش يا عزة:وهو عرف فين ان في حجات زي دي ؟؟؟
انتي كأم ايه المكان اللي هتروحيه او هتسيبي ابنك فيه وتأتمني عليه في هذا المكان المحترم اللي هيمسع فيه حاجات زي دي عشان هو يتشجع ويعرفها لأ وكمان توصل لدرجه انه يبحث معني كده ان تم حديث باستفاضه امام الطفل وباعتبار ان الطفل كان مركز كمان عن هذه الامور فياريت اعرف هذه الاماكن وهل تتركين طفلك عرضه لمثل هذه الامور؟؟؟؟؟؟؟؟؟لو حصل كده والطفل سمع حجات زي دي سيكون هذا تقصير منك لانك تركتي ابنك في مكان يسمع اشياء اكبر من سنه لن تقدم معه ولن تؤخر بل سيبحث عنها كما قلتي ولن يقتنع باي اجابات الا ان يري بنفسه؟؟؟ وساعتها لا تلومن الا نفسك فيما سيحدث من تطورات وما العادات السيئه عنا ببعيده والكل يعملها فلن تراقبي طفلك ال 24 ساعه؟؟؟

2-تقريبا نفس الاجابه لانه مافيش حد شجعه واعتقد ان مافيش حد حيشجع طفل على كده لكن الطفل عنده حب استطلاع لماعرفت الاشياء

الطفل هيكون عنده حب استطلاع علي حاجه مايعرفهاش يا عزة ولا هيكون عنده حب استطلاع لحاجه سمعها من حد كان بيحكيها قدامه وعجبته؟؟؟

3-هو عايز يعرف ايه الحاجه دى اللى لما بيسأل اهله عليها مش بيجوبه
وغريزه حب الاستطلاع اللى عنده بتزيد اكتر واكتر
ولو الاهل من الاول قالوا له الحرام والحلال والصح والغط اعتقد حب الاستطلاع عنده كان حيقل او حيروح اصلا فى الموضوع ده

قصدك لو الاهل من الاول اهتموا بطفلهم وماسبوش الطفل في اماكن يسمع فيها حجات زي دي ماكانش حصل اي حاجه من الاول ويا سلام بقي الطفل من صغره بدأ يعرف حاجات بالنوع ده شوفي بقي لما يروح اعدادي ويشوف اللي يشوفه هيعمل ايه وهتزادا هذه الغريزة ازاي ولما يروح ثانوية مع هذا الكبت لما يعرفه ولا يطبقه ولم يجربه فماذا نتوقع منه اذا دخل الجامعه ثم نتساءل ونقول ما اسباب الجواز العرفي في الجامعات وكأننا نضع الاسباب امام الطفل منذ الوهله الاولي حتي الجامعه ثم نتساءل هو ليه الشباب والبنات بيعملوا كده؟؟؟؟دول هيعملوا اكتر من كده

4-مع حضرتك طبعا
وعارفه ان الطفل بيحب يجرب كل حاجه بنفسه
بس هو لو عرف الحلال والحرام اكيد مش حيعمل الحرام علشان الحرام بيودى للنار وربنا حيزعل منه واكيد الاهل حيقولوا كلام زى ك\ده لو كانوا متفتحين

هو كل حاجه هتتقال للطفل هيقتنع بيها ومش هيعملها وهيسكت احنا كمدرسين بنشوف الطفل بيتصرف ازاي في حجات بنقولها للطفل اكتر من مرة وبرضو بيقع فيها وفيه حجات كتير اووووي بنقولها للطفل ومستحيل يفهمها غير لما يشوفها بنفسه اوعي تفتكري انك لما تقولي للطفل حلال وحرام انه خلاص اقتنع دي تبقي سذاجه تمام الاقتناع للاطفال وبحكم مرحلتهم العمريه هو المشاهده فاذا اردتي ان يقتنع الطفل تماما فلابد له ان يشاهد بنفسه ثم يجرب الذي شاهده حتي يقتنع بما نقول ،، شئ اخر بنجربه في حياتنا ساعات كتير نقول للطفل ماتعملش كده عشان حرام ودي اعملها عشان حلال وبرضو مش واصله عنده يعني ايه حلال ويعني ايه حرام ومش هيقتنع بحته هيدخل النار ازاي هيقتنع ان فيه عذاب للنار في سنه الصغير ازاي هنوصله ان ده بيودي للنار ونخليه يقتنع بكده ومع الحاح الطفل بذلك لن يجد من امامه طولة بال لذلك فيطفح به الكيل ثم يعرب عن غضبه من طفله كثير الاسئله شديد عدم الاقتناع فعندما تجتمع صفتان في الطفل فكيف التصرف لا يمكن باي حال من الاحوال مجاراة الطفل في شتئ الامور خصوصا انه قد يسمع هذه الامور من الشوارع ومن اماكن عامه وهاتان الصفتان هما عدم الاقتناع بسهوله حتي يري بنفسه والاخري يزيد من الاسئله فهناك من الاطفال كلما سمع اجابة لشئ اكبر من سنه زاد في اسئلته اكثر لانه لم يفهم ماذا يعني ذلك الشئ؟؟؟؟
وبالتالي تصعبين من الموضوع عليكي وتتجهي اتجاهات ق تشتت الطفل وليس في حاجه لمثلها وكان من الامثل ان تنمي من ثقافته في امور في سنه ستكون لها ابلغ الاثر وعظيم الاستفاده ولكن الطفل المسكين حرم منها بسبب ان امه حصرت تفكيره في شئ لم يفهمه ولن يفهمه حتي يري بعينه ويجرب بنفسه فكم ضيعت من ساعات في اقناعه ولم يحصل الطفل علي اجابات حاسمه وكان عليها ان تخصص هذه الساعات لما يفيده بحق ويجعله يتواصل مع اطفال عمره

5-فى دول بتعمل كده؟
لا مش بتعمل زى ما انا اقصد
دول بيعموا غلط
دول مش عندهم حلال وحرام ولا صح ولاغلط
دول عندهم حريه وقله ادب

لا مين قالك كده الدول دي عندها دينها برضو اللي بتؤمن بيه وعارفين الصح من الغلط وعندهم اشياء وامور محرمه وامور حلال
ولكن كما قلت لك الطفل عرف منذ صغره اشياء لم تكن تخطر في باله ان يعرفها فكلما كبر كبرت معه هذه الفكره وكان اقرب لتطبيقها فيتحين الفرصه للمشاهده ثم تأتيه اكبر فرصه وهي التجريب بنفسه حتي يشعر بما كان يقال له ويتأكد بنفسه؟؟؟

انا كده رديت على اسئله حضرتك
،،،،،،،،،،،،،

انتي بنفسك من تضعي طفلك في ظروف تسمح له بسماع اشياء غير مناسبه لسنه فالمهم في حياة الطفل وضعه في بيئته المناسبه كل مرحله عمرية ولها بيئه تناسبها
وفي بعض الاحيان قد نتعمد وضع الطفل في بيئه اكبر من سنه حتي يتسني له معرفه بعض الامور في بدايتها وحتي يتستطيع ان يكون لها فكرة صحيحه منذ البدايه ولكن ليس معني ذلك ان نترك الحبل علي الغارب ونعلق علي شماعه ان الطفل يجب ان يعي كل الامور في صغره بحجه ان عقله كبير فلا تنسي ان الطفل كثيررر الاسئله ولا يقتنع الا بالمشاهده ولا يتأكد الا بالتجررريب فهذه سنه الطفولة لن تستطيعي تغييرها وعندما نفعل عكس ذلك فلتتحمل الاسرة عواقب ما ستواجهه من مشاكل تواجه الطفل ولا شك اننا جميعا نريد ان يكون طفلنا الحبيب علي دراية كامله بكل امور الحياة ولكن مهلا ع الطفل فهو مازال طفلا فلنتهم اولا بما يلزم معرفته في مرحلته العمرية وان راينا ان له استعدادا لمعرفه المزيد فاهلا به في عالم المعرفه ولكن لابد ان يكون مهيأ نفسيا وعقليا لهذه المعرفه وبمساعدتنا طبعا ،، تحياتي للجميع
.................................................. ......
بالنسبه لرد استاذي ايمن اتفق مع استاذي فيما اوردته في مشاركتك ونتمني الخير للجميع وان نسعي لتربية جيل واع مدرك للامور له منطق سديد يتحرك به صاحب وجهات نظر صائبه له فكرة او اكثر عن كل شئ يستطيع التحدث في معظم الامور
خالص تحياتي لحضرتك وعظيم شكري واسف انني لم افرد هذا الرد في مشاركه منفصله ولكن في هذا الوقت النت والمنتدي لا يسعفاني فلا اعلم ما بهما من ضعف