الثورة الخادعة

[samiro]

حد سال نفسة ايه هو اللى حققتو الثورة او ايه الفرق بين الثورة وقبلها هتلاقى الاجابة ان مفيش فرق بين قبل الثورة وبعدها عمالة مؤقتة بتبوس ايد الحكومة عشان تثبت ومحدش سائل فيها - اجور متدنية - اسعار مرتفعة لجميع السلع ولا يوجد رثقابة على السوق - اسعار ايجار الشقق مرتفعة كما هى على الرغم من حبس عز المتهم بارتفاع اسعار المبانى - مواصلات ذادت اسعارها - ازمة سولار - بلطجية عمالين ينهبو يمين وشمال ومحدش بيكلمهم بعد هذا كلة لا نسطيع ان نطلق عليها لقب ثورة حقيقية بل ثورة خادعه وحسبى الله ونعم الوكيل فى كل ظالم

[إبراهيم الهادى]

أنا هقوللك بقى الأكتر من كدة خد عندك يا عم
1- شالو أمن الدولة وحطو الأمن الوطنى بنفس العناصر ( يعنى شالوا زيد وحطو نطاط الحيط )
2- 10 وزراء من النظام البائد فى الحكومة الرشيدة بتاعتنا
3- رئيس جامعة الزقازيق حطوه محافظ للمنيا وكلنا نعرف منهو ماهر الدمياطى وأسأل أهل الزقازيق
4- سمير رضوان رئيس اللجنة الإقتصادية فى مجلس الشعب المنحل بقى وزير للمالية لذلك لم أستغرب ما فعله هذه الأيام
5- مدير أمن القليوبية المتهم بقتل المتظاهرين حطوه مدير أمن الجيزة
6- منصور بيه العيسوى بقاله 15 سنة قاعد فى بيتهم وجابوه وزير للداخلية تصدق دى

عايز تانى القائمة طويلة بس أيدى وجعتنى من الكتابة...................

[samiro]

طب والحل يا شباب احنا كده عمرنا وجهدنا وشبابنا بيضيع بدون مقابل حرام بجد

[ايادممدوح]

المشكلة ان الثورة مالهاش اي مميزات فورية في مصر او اي ثوررة في العالم الا الحرية ... ومع ذلك الازهرية الوحيدين في مصر اللي لسة ما فهموش انها الحاجة الوحيدة المتاحة ليهم .. ولغاية دلوقتي ما استخدموهاش

[إبراهيم الهادى]

عشان الجبن مسيطر عليهم
معاً للأعتصام 5 / 6

[الاستاذة نجلاء علي]

نعم نعم للاعتصام

[خالدابوخبازى]

ايه نقول يمكن اللى قبلها كان احسن من الثورة

[Hamada Radwan‏]

الثورةلم تحقق الربح المنتظر منها سعر الحديد بعد الثورة زاد الضعفين واحمد عز محبوس طيب مين زود سعر الحديد الصدمة الكبرى ان احمد عز يتحكم فى سعر الحديد وهو داخل السجن ولو كان الكلام ده صح يبقى البلد تدار من داخل السجوت ولو كان الكلام ده صح تبقى الثورة لم تقدم الا الخرررررررررررررررراب والدمار يعنى الثورة فشلت فشل ذريييييييييييييييييييع

[Hamada Radwan‏]

هناك ملحوظة على الثورة محدش فى الثورة تكلم عن الشركة المصرية للإتصالات اى التليفونات الارضية اسعار الفواتير نارية وغالية جدا ومع ذلك استمرت فى الزياده بعد الثورة السؤال ليه لم يتكلم احد عن هذه الشركة الامر الثانى ليه ميطرحوش فكرة الشركات المنافسة مثل المحمول وكل دول العالم فيها هذا الكلام اى اكثر من شركة لتليفون الارضى وبهذه الطريف هتقل الاسعار وتزيد الشركات ويكون المستفيد منها الشعب ارجو الرد وشكرا

[samiro]

بجد يا شباب كلنا متفقين على حاجه وهى ان البلد كلها سلبيات بعد الثورة ومفيش حاجه ايجابية خالص من اللى كنا بنتمناه

[samiro]

يا شباب انا ملاحظ ان كلنا متفقين على حاجه واحده وهى ان البلد بعد الثورة اصبحت سلبياتها اكتر من قبل الثورة ومفيش حاجه من اللى كنا بنحلم بيها اتحققت بل بالعكس اصبحنا للاسوأ وبعدين