حرام عليكوا بقى ضيعتوا كرامة المعلم وسيبوا البلد فى حالها

[teacher120]

مش زعلان ليه لما بيدونا ملاليم ورايحين يدوا 36 ضعف يعنى الى على الدرحه العاليه ياخد 1700 والوزير ياخد 25 الف يا عم الوطنى؟

[علاء رشدي]

المشاركة الأصلية كتبت بواسطة m.ahmed elsaid

ليه حضرتك شايف المعلمين بس هم اللى كدا

ليه دا مكانش رد فعلك لما شفت اساتذة الجامعات وهما عاملين اضرابات علشان مرتباتهم تزيد .. وليه الشرطة وليه الاطباء وليه وليه .. ؟؟

ليه المدرس المطحون هو دايما يتقال عليه مادى وطماع وبتاع فلوس وبس

ليه الدولة تميز ظابط الشرطة وغيره وتيجى عند المدرس وتقف .. طيب ما الاتنين معاهم مؤهلات عليا
دا بيخدم بلده ودا بيخدم بلده ..

ليه حضرتك الوزارة الوحيدة بتاعتنا تعطى اقل مرتب فى البلد ..
يعنى ايه شاب ياخد 100 جنيه فى الشهر .. يعنى ايه يفرضوا علينا دبولومات وشهادات وامتحانات كادر وغيره ..

مثال بسيط .. انا اول ما اتخرجت اشتغلت بالحصة اول مرتب ليا كان 20 جنيه فى الشهر .. فى حين ان اعز اصدقائى اتعين فى النيابة واول مرتب له كان تقريبا 2500 جنيه .. مع اننا دفعة واحدة .. شفت الفرق ؟؟

ليه لما المدرس ييجى يتكلم يبقى طماع وحقود وانانى ومادى ؟؟



زميلنا الفاضل لو حضرتك عايز تلوم ..لوم على الحكومة الظالمة ..هى اللى خلت الفروق تزيد بين الطبقات والوظائف

بصراحه حضرتك كلامك فوق كل انواع الاحترام وردك اغرس بداخلى حب ان احترمك لابعد الحدود دون ان اعرف شخصك الكريم بارك الله فيك وفى صحتك وعافيتك واهلك
لكنى واقسم بالله ما قصدت من موضوعى هذا سوى ان يهدامروجى الاشاعات الذين اهدروا سمعتنا كمعلمين انهم معرفش بيجيبوا اخبارهم منين ويصدقوها بسرعه رهيبه وينشروها والناس تصدق ويجى الراجل المحترم السيد الوزير احمد جمال الدين ينفى ويكون هو بيخطط لارتقاء مستوانا وعلو مكانتنا وتطوير تعليمنا بس نصبر شويه نحسن الظن بالناس ولا نرمى الناس بالباطل سوف نحاسب على ذلك احنا نسينا ان احنا الى طالبنا بعودة هذا الوزير العظيم وانه اول من فكر فى وضع كادر خاص للمعلمين لتحسين اوضاعهم المادية والاجتماعية حتى يحسن المدرس من نفسة وتعود اليه هيبته المفروض نحسن الظن ولو لقينا عكس كدا نقف وقفة رجل واحد مره وحده مش نكتر فى الكلام عالفاضى وكلام فى كلام يساوى صفر وسقوط وانهيار
اخى الكريم اشكرك على حسن ردك
احنا مش عايزين غير عيشة كريمة ..ومرتب نقدر نعيش بيه بما يرضى الله
فبلاش نجرى ورا اشاعات ونشوف الوزير هيعمل ايه نعطيه فرصه

المشاركة الأصلية كتبت بواسطة teacher120

تطبيق الحد الأدنى + الكادركما ينبغى+ الغاء الاختـــــــــــــــــــــــــــــبار
واحب أقولكم يا جماعة ان ده مخطط ماكر يهدف إلى تطبيق واحد من الاثنين اما الكادر أو الحد الأدنى
مع العلم أنه حسب قانون 155 المعروف بقانون الكادر جاء في المادة 89 بالنص أن المعلمين بعد تطبيق الكادر من حقهم تطبيق والإستفادة من العلاوات والزيادات التي تطبق علي العاملين بالجهاز الإداري للدولة
اذاكان الحكومه بتقول الى هيستفيد من الحد الادنى 1,9 مليون موظف دا المعلمين لوحدهم فى الازهر والوزاره مليون ونص يبقى الحكومه كذابه ولا لاء


علاء بيه بطل وجع دماغ متعملش نفسك وطنى على حسابنا

المشاركة الأصلية كتبت بواسطة teacher120

مش زعلان ليه لما بيدونا ملاليم ورايحين يدوا 36 ضعف يعنى الى على الدرحه العاليه ياخد 1700 والوزير ياخد 25 الف يا عم الوطنى؟

اشكرك اخى المعلم على ردك على زميل مثلك عانى وكافح واخيرا يُتهم بانه اما من فلول الحزب الوطنى او الدروس الخصوصية
انا مثلك تماما او الله اعلم وضعك ايه
عملت منذ 2003 بالحصة وكنت باخد 105 فى الشهر الى عام 2008 وفى شهر 7 اخدت 172 وعليها لحد لما لسه واخدين 380 قبل التعيين بشهور يعنى مش مدرس معين مثلك او مثل غيرك واعمل فى احدى القرى يعنى مش من فلول الدروس الخصوصية محدش هنا باخد دروس دراسات اجتماعية
لكن املك كرامه جعلتنى اشارك فى ثورة 25 يناير ليس لشخصى فقط ولكن من اجل هذا البلد الذى ايدن له بالنتماء واضحى بنفسى فى سبيله
اكتشفت ان كل واحد همه الفلوس الى هى عندى فى الجزمه فحزنت ان يكون من بين هؤلاء المعلمين الذين هم اعمدة المجتمع وعلى الرغم ان معنا وزير لو ضيعناه مش هنلاقى شخص مثله اطلاقا وسوف نندم على ذلك
ولا ننسى فضله كما ذكرت فى اول المشاركه
اخى الحبيب ما قصدته ان لا نكثر الحديث فى الفاضى ولا نجرى ولا اشاعات لاننا اكبر من ذلك ليس الا
وعزرا ان كنت اطلت فى الموضوع