يا استاذنا الفاضل احب اقولك ان المعلمين عمرهم ما هيطالبوا بحقهم خلاص احنا اتبرمجنا ع الاهانات مرة من الموجهين ومرة من المتابعة بتاعة الوزارة ومرة من المدراء الجهلاء اللى بيتحكموا فينا ومرة من الوزير سواء الحالى او اللى قابله او من اولياء الامور اللى بيعطوا نفسهم الحق انهم يروحوا يضربوا المعلم لو اهان اولادهم ولو فاكرين ذكى بدر الوزير المخلوع كان بيقول لاولياء الامور اى مدرس يعمل مشاكل معاكم هاتوا اسمه وانا هاعرفه احنا من ايام بهاء الدين الطبيب اللى كان وزير تعليم واحنا كنا بنترسم فى الكاريكاتير فى الجرايد على اننا جهلا وحرامية والله انا شفت زمان فى احدى الجرائد رسمين حرامى طالع ع المواسير يسرق وكاتبين فوقه مدرس حتى يوم ما اخدنا الكادر المنقوص ده اللى مش ممكن يتسمى كادر مقارنة مع كادر دكاترة الجامعة اتفضحنا فى كل مكان مع ان فراش المحكمة بيقبض اكتر مننا يا عم لا صلاح فى اى خطة اصلاح تتجاهل المعلمين واخيرا سؤال مهم .. انا معلم ابتدائى وكنت سألت زملائى اللى راحوا بعثات للخارج من التعليم الثانوى يا ترى شفتم نظام التعليم بتاعنا ده بتاع ملف الانجاز فى الخارج قالو لأ واللى احنا بنعمله هنا ده تخلف . فأنا عاوز اسأل كل المسئولين لو سمحتم فى أى دولة يطبق هذا النظام الفاشل ؟؟؟؟؟؟؟!!!!وشكرا
|
09-06-2011, 07:39 AM
العرض الشجري
