عندك أي سؤال عن كليه العلوم أو المواد الدراسيه ....أتفضل أدخل

[nourelgna]

كنت عاوزة اعرف قسم كميا كمياحيوى افضل ام قسم كميا ميكروبيواوجى افضل من حيث الشغل بعد الكلية وكمان كنت عاوزة اعرف مين فيهم اصعب وكمان اللى بيتعين معيد ف6ى الكلية لازم يكون جايب تقدير كام وهل للاربع سنين ولا لاخر سنة وشكرا

[كيميائي طبي2011]

المشاركة الأصلية كتبت بواسطة nourelgna

كنت عاوزة اعرف قسم كميا كمياحيوى افضل ام قسم كميا ميكروبيواوجى افضل من حيث الشغل بعد الكلية وكمان كنت عاوزة اعرف مين فيهم اصعب وكمان اللى بيتعين معيد ف6ى الكلية لازم يكون جايب تقدير كام وهل للاربع سنين ولا لاخر سنة وشكرا

بالنسبه لقسم الكيمياء الحيوي وقسم كيمياء وميكروبيولجي
الاتنين كويسين

الكيمياء الحيوي يعني هتدرسي انزيمات وهرمونات وفيتامينات كيمياء علاجيه وبيولوجيا جزيئيه وهتركزي علي كيمياء الدم زي انزيمات الكبد وانزيمات الكلي والهرمونات ودلالات الاورام وكيمياء المناعه والسوائل البيولجيه في الجسم


وبالنسبه للدراسات العليا للكيمياء الحيوي يمكنه تكمله درساته العليا دبلومه او ماجستير ودكتوراه في كل فروع الكيمياء الحيوي السابقه

الكيمياء والميكربيوللوجي

يعني هتدرسي نص مواد كيمياء ونص موادك ميكروبيولوجي

الكيمياء ( تحليله وعضويه غير عضويه حيويه وفزيائيه وتطبيقيه )

الميكروبيولوجي ( بكتريا وفطريات وطحالب وفيروسات ومناعه )


وبالنسبه للكيمياء والميكروبيولجي يمكنه تكمله دراساته العليا
سواء دبلومه او ماجستير او دكتوراه
ااما في الكيمياء بكل فروعها
او في الميكروبيولوجي بكل فروعه

وبالنسبه للتعين في الجامعه بيبقي اعلي تقدير في القسم في الاربع سنين

[كيميائي طبي2011]

وبالنسبه للشغل سواء قسم كيمياء حيوي او قسم كيمياء و ميكروبيولوجي


يمكنهم اخد دبلومه في الكيمياء الحيويه ويصبحو كيميائي طبي clinical chemist ووالدبلومه دي بتتندرس فيها التحاليل الطبيه الكيميائيه زي ما قلت هي تشمل انزيمات الكبد - انزيمات الكلي - انزيمات القلب - الهرمونات - لغدد - سوائل الجسم - بيولوجيا السرطان - دلالات الاورام - كيمياء البول - كيمياء الاعصاب - وكل التحاليل الكيميائيه بالجسم

بعد اخد دبلومه ا الماجستير او الدكتوراه تصبحي كيميائيه طبيه علي درجه اخصائي تحاليل طبيه مختص بالتتحاليل الطبيه الكيميائيه فقط

لكن طبعا قسم كيمياء حيوي عند دخوله الدبلومه او الماجستير هيبقي اكتر فهما لان دي دراسته


........................

وايضا سواء قسم كيمياء حيوي او قسم كيمياء و ميكروبيولوجي
يمكنهم اخد دبلومه الميكروبيولوجي ويصبح ميكروبيولوجيين او بكتريولوجيين اي اخصائي تحاليل طبيه ميكربيولوجيه اي مختص بالتحاليل الطبيه الميكروبيولوجيه فقط

ودي مختصه بالتحاليل البكتريا - الفطريات والفيروسات والمناعه

ولكن هنا قسم كيمياء وميكروبيولوجي هيبقي اكثر فهما للميكروبيولوجي لان دي دراسته

..............................

غالبا قسم كيمياء حيوي بيكمل ماجستر ودكتوراه كيمياء حيوي

و الكيمياء والميكروبيولوجي بيكمل ماجستير و دكتوراه ميكروبيولجي