المعلمين المنقطعين عن العمل

[مدرس انجليزي 2000]

الاخت مريم اليكس العضو القدير اللى بتقول بقت هيصة
ليه نقول كلام كدا انما ممكن نقول كلام احسن قال صلى الله عليه و سلم "من كان يؤمن بالله فليقل خيرا أو ليصمت"
و الكلمة الطيبة صدقة

الاخت العضو القدير مريم اليكس اتمنى حضرتك تجاوبينى
انا اشتغلت من عام 2000 معرفش حضرتك عندك كام سنة لكن انا اشتغلت ايام الحصة ما كانت بربع جنيه كنت شايل مدرستين و معروف فى الادارة و الحمد لله ما اخدتش مرتب عليه القيمة الا العقد 173 جنيه ادينى عقلك و شوفى تعملى اية ب 170 جنيه انتى و اولادك و اسرتك؟؟؟؟؟
نسيت اقول انا مرة قبضت مرتب تيرم كامل 250 جنيه للترم الاول طبعا قبضتهم فى التيرم التاني اخدتهم لفاتورة التليفون

سيبك من دا كله اا خريج تربية 2000 بأى حق متعينش من 10 سنين على الاقل !!!!!!!
ليه موجود مدرسين خريجى سياحة و فنادق و حقوق و تجارة بيعملوا اية !!!!!!

كمان العقد و الحصة و المكافأة كانت افتكاسات يعنى لو جالك كحة و طولت شوية تتفصلى من العمل

و بعدين موضوع الاجازات طيب ما انتو عندكو اكتر من 80 % من المدرسين و الموظفين واخدين اجازات بدون مرتب و فى الخليج سبحان الله اشمعنى دول

بأى منطق بنت من اللى انا كنت بدرس عليهم مدرسة الان و انا مش عارف ارجع؟؟؟!!!!

يا ربى حاجة فى مصر تمشي صح
بخصوص كلية التربية : فى المانيا كان عندهم كلية للهندسة كانت بتعين كل الخريجين لما سوق العمل لم يسمح قاموا بغلق الكلية
لكن علشان انت اكيد فى مصر الحكومة الفاشية تلغي التكليف و تسيب التربية و بردو اعلى مجموع
حاجة من الاتنين يا ترجعوا التكليف يا تلغوا التربية

نفس مشكلة اطفال الشوارع يا تحلوا مشكلتهم يا توفروا ليهم كله زي اللمبي ما قال
كنت عايز رائ الاستاذة العضو القدير مريم اليكس

[مريم اليكس2011]

يا سيدي الفاضل اكيد يعني كلامي مش عام انا بتكلم علي ناس معينه وطبعا كل واحد عارف نفسه وعارف الي في ضميرة ناس كتير من المنقطعين وهما عارفين نفسهم كويس اوي قالو علي ايه الهم ده ما في كزا وكزا افضل كتير من الي احنا فيه وسابو الشغل بدون اي نيه للرجوع وسببو مشاكل كتير وراهم انا في غني عن ذكرها لانها اكيد معروفه عموما انا اسفه لحضرتك مع اني لم اقصدك باي سوء واضح من كلامك انك عانيت كتير في نظام التعاقد وده مش غريب علينا كلنا تعبنا ربنا ييسرلك الامور انت وغيرك

[M.Ahmed Elsaid]

اخى وزميلى الاستاذ مدرس الانجليزى لى عندك عتاب بسيط انك ليه ترد على كلام زى دا


لان البلد دى لو فيها شوية عدل
مكنش البنات هى اللى تشتغل والشباب هما اللى يبقوا قاعدين وعاطلين .
مكنش يشتغل ناس لسة متخرجين ويسبوا ناس متخرجة من اكتر من 10 سنين وعندهم خبرة فى التعليم عشان الوسايط.


الناس اللى بتقول ردود مستفزة .. بيثبتولنا فعلا ان هم متعبوش فى حياتهم ولا شايلين هم ولا عندهم مسئولية
جاتلهم الوظيفة وهم حاطين رجل على رجل ..

بلاش يبقى تفكيرنا محدود .. ونعرف ان اللى انقطع دا بيدور على اكل عيشه فى كل مكان علشان يعمل حاجة لنفسه ويقدر يجهز نفسه ويصرف على بيته ..


بالله عليكم بلاش ردود مستفزة لان محدش عارف ايه ظروف التانى

[أحمد جودة3]

قلت الكلام ده فى كذا مشاركة لكن للاسف مشكلتنا ان احنا مش بنحب الخير لبعضينا
كأننا انقطعنا بمزاجنا اكيد فى ظروف اقوى مننا خلتنا كدة والكل عارفها من غير ما نقول
بس فى ناس قلبها اسووووووووووووووود وخصوصا الهوانم اياهم اللى معندهمش أدنى مسئولية من أى نوع وتقولك انتوا اللى انقطعتوا بمزاجكم
كأنهم هيجيبوا واحد أمي وجاهل ويشتغل مدرس يا اختى كلنا مدرسين وتربويين وعندنا خبرة واشتغلنا بدل السنة عشرة سنوات ناقص ايه تانى علشان نرجع لشغلنا ناخد الدكتوراة علشان نعجبكم ...........افهموا بقي

[الاستاذ محمود حميد]

الا يكفي البنات انهم السبب الرئيسي في مشكلة البطالة في مصر وقيامهم بسرقة اماكن لا يستحقونها بل من الاولي ان يعمل الرجال فهم من سيدافع عن البلد لو تعرضت لمكروة او حرب الا يكفيهم ان الشباب والرجال علي المقاهي وهم يعملون الا يكفيهم ان لديهم مرتب لزوج او اب او اخ يصرف عليهم في حين ان الرجل لا يجد من يصرف عليه وان وجد في عار كبير لا يتحملة الا يكفيهم هذا ونجدهم يعلقون ويسخرون من الرجال والشباب الباحث عن لقمة عيش شريفة في بلد اصبح حاله مقلوب نجد الرجال في بيوتهم لان اصحاب العمل لا يريدوهم في حين تفتح الابواب المغلقة امام البنات لاسباب معروفة
اتقوا الله وقرن في بيوتكم اعملاً لقول الله سبحانه

[الاستاذ محمود حميد]

لدينا في المدرسة معلمة في اول العام الدراسي ( كانت ماتزال حامل ) فاخذت اجازة مرضية 10 ايام ثم تلاها اسبوع مرضي بدون اجر وبعد ذلك 6 ايام اعتيادي وتلاهم 3 ايام وبعدهم 3 ايام وبين هذا وذاك وبعد ذلك العوارض وتلاها 3 ايام ( فقط كانت تحضر يوم او اثنين لتفصل بين الاجازات ) اتبعهم بثلاث شهور اجازة وضع وبعد انتهائها كانت تأتي الي المدرسة من الثامنة وحتي الثانية عشر ظهراً فقط ( ساعتين رضاعة ) وكل هذا وهي تقبض راتبها دون ان تشعر بالاثم والذنب لان بعض رجال الدين لا يقرون ان يأخذ احد اجراً دون ان يقدم عملاً في المقابل
فهذه المعلمة انقطعت عن الدراسة شهوراً واياماً عديدة في حين ان زملاءها من المعلمين كانوا ملتزمين ويواظبون علي الحضور وفي النهاية تأتي بعض البنات لتقول ان مهنة التدريس للبنات
( وانا معهم في هذا القول فلن تجد البنات مهنة اسهل من التعليم تأخذ المرتب دون ان تعطي في مقابلة عملاً )

[يثرب28]

مع احترامي لحضراتكم جميعا معشر الرجال
اولا : مفيش حد بياخد رزق حد يعنى كل واحد ليه رزقه والاب ولا الاخ ولا الزوج ده لو سعى مهما سعى مش هياخد اكتر من رزقه وكلنا عرفين الايات والاحاديث النبويه والقدسية اللي بتأكد الكلام ده
ثانيا : انا شخصيا مدرسة بالعقد منذ 2004 كنت بقبض 104.5ج علما بان موصلات ايامها كانت 6.5 يوميا واليوم اللي غبته اتخصم منى 3 ج بس
واللي من البحيرة يعرف يعنى السفر من كفر الدوار حتى نجوع ابو المطامير من جوه
يعنى لو كان مكانى شاب كان رفض الشغل اصلا
وحتى بعد انتقال سكنى الي الاسكندرية فضلت اروح ابو المطامير يعنى 4 ساعات موصلات يوميا
تقدر تقلي من الشاب اللي يقبل بكده وده طبعا بغض النظر انى محتاجه للوظيفة او للمرتب ده يعنى
وبعدين كلنا في الهم سوا يعنى وبلاش تجريح ولاعنصرية
لازم نتكاتف علشان نعدي الازمة ونبارك لبعض

[داعيه]

مع احترامى الكامل لكلام حضراتكم
ولكن اجد انكم تتحاملون على البنات وهذا خطا اولياء امورنا تعبوا فى تربيتنا من ثانوية ودروس خصوصية وكليات وكورسات ودراسات عليا
جاء الوقت ليجنوا ثمار تعبهم ونقدم لهم ولو القليل على ما فعلوه معنا وكمان فى بنات كتير جداا بتبقى متحملة مسئولية اسرة كاملة
وارى نماذج امام عينى
ومع كامل تقديرى ان هناك شباب لا يجدون فرصة عمل ولكن هذا ليس ذنب البنات ايها السادة ذنب حكومات ومؤسسات التى تدفع وتذيد من خريجى الكليات ويعلمون انهم سوف يتخرجون دون ايجاد اى فرصة عمل

مدرستى التى اعمل بها بها نماذج من الاساتذه الرجال لا يعملون شىء غير انهم يجوا علشان يتكلموا شوية ويمشوا ليه
بيدورا على شغل اخر هل دول مرتباتهم الى بياخذوها من المدرسة حلال ؟؟؟؟ اريد الاجابة
طيب مش مسئول من عمل داخل المدرسة ؟ مش هيتسأل عنه امام الله؟
والله انهم يتحاملون علينا اقصد الخريجين الجدد بالمدرسة على حساب هؤلاء
لنا الله
مجرد توضيح

[ريهمسة]

ايه ياجماعة انتوا بتكلموا عالبنات كده ليه كأنككوا محدش ليه اخت او ام او بنت او زوجه ممكن تبقي في نفس الظروف دي
وبعدين مريم اعتذرت للاخ
وبطبيعة الحال دلوقتي عددالبنات زاد كتيررر عن عدد الاولاد وانتو ملاحظيين يعني ممكن البنت لو لم تجد ليها عائل تعمل ايه يعني ما هي لازم تنزل وتشتغل بما يرضي الله طبعاااا وده اهم شئ يعني كل واحد بعمل بيتقي الله طبعااا في شغله سواء ولد او بنت وكلنا طبعاا متعلميين في مدارس وكليات واحده يعني سواسيه
اما بقي لو كده اي واحد بيعترض علي شغل المرأة اولي مايوديش بناته بقي المدرسة ونرجع للوراءءءءء واعتقد لآلآلآلآلآلآلآلآلآلآ ده اكيييد فيه زوجات كتيرر بتساعد ازواجها في المصاريف وكمان فية بنات تبقي شايله بيوت
وكلنا في الهم سوااا يعني محدش ناقص تقليب مواجع
ربنا يصلح حال الجميع

[مريم اليكس2011]

انا سبت كل الي في نفسه حاجه يقولها معلش الناس مكبوته بالرغم من ان الموضوع موجه باسمي انا مش مشكله كل الي عاوز يتدخل في الخلاف الي انا اصلا اعتزرت للمستر عنه يتفضل بس واضح ان في ناس علي اخرها من البنات والستات الي شغالين والهي انا بضحك من المشاركات لانهم زي ما يكونو ما صدقو هههههههههههه عموما انا مش بقسم الارزاق ولو ليكو رزق محدش هياخده غيركم ويارب تتثبتو اي خدمه هههههههههههه ويارب كل الي معترض علي شغل البنت والست ميخلفش غير بنات ونشوف كده لما يصرف عليهم دم قلبه 20 سنه هيقعدهم في البيت ازااااااااااااي ان غدا لناظرة قريب

[مريم اليكس2011]

وبعدين احنا لو هنخل في مقارنه بين الراجل والست هتذعلو اوي لانكم عارفين نفسكم اكتر ماحنا عرفينكموالهي عندي جوزي لما بيدخل من الباب لو التليفزيون شغال بنطفيه ههههههههههههه قال ايه جاي تعبان مش طايق يسمع صوت اصل هوة بس الي بيشتغل انا مش بتعرض لنفس الضعوط ولا حاجه وطبعا مش مسموح اني اقصر في اي شيء غير مزاكرة الولد مسؤليتي طبعا ماهو انا المدرسه وشغل بيت ومصروف انا الي بعمل الموازنه بتاعه البيت يعني وزيرماليه علي صغير وفي الاول والاخر هوة الراااااااااااااااجل ساعه ما ييجي سكوووووووووووووووت اصله جاي من الشغل بزمتكم مش ده الي في بيوتنا كلنا ويقولو الست بتتدلع قال ليكو عين اتقو ربنا

[القائد11]

كلكم زي العسل
سيبوها لله ربنا خالق كل شي بقدر

[مدرس انجليزي 2000]

الاخت مريم اليكس انتى اخت لينا و نشكر تفهمك للموقف اللى المنقطعين فيه و ننتظر دعواتكم و مشاركاتكم و اخباركم بالنسبة للمنقطعين

شكرا لكم جميعا و فقنا الله لما يحبه و يرضاه
تعرفوا يا جماعة انا غلطت عمرى انى دخلت تربية كان مجموعى اعلى من الالسن كنت دخلت السن لكن الحمد لله

اخوكم مدرس انجليزى 2000 اللى دخل التربية علشان يتعين مدرس انجليزى لكن حسبى الله و نعم الوكيل

[مريم اليكس2011]

المشاركة الأصلية كتبت بواسطة مدرس انجليزي 2000

الاخت مريم اليكس انتى اخت لينا و نشكر تفهمك للموقف اللى المنقطعين فيه و ننتظر دعواتكم و مشاركاتكم و اخباركم بالنسبة للمنقطعين

شكرا لكم جميعا و فقنا الله لما يحبه و يرضاه
تعرفوا يا جماعة انا غلطت عمرى انى دخلت تربية كان مجموعى اعلى من الالسن كنت دخلت السن لكن الحمد لله

اخوكم مدرس انجليزى 2000 اللى دخل التربية علشان يتعين مدرس انجليزى لكن حسبى الله و نعم الوكيل

اول مرة اشوف مدرس انجليزي بيشتكي انت ايه يا مستر مش عارف تعمل زي الناس دانا واحد زميلي كان متعين علي 104 وجاب شقه تمليك واتجوز في 3 سنين وايامها كان المرتب بيجي كل 3 شهور ايه بس الي خلاك تنقطع عن العمل عموما انشاء الله مشكلتك تتحل وترجع شغلك وتركب مرسيدس قريب دعوة وليه قرب الفجريه

[مدرس انجليزي 2000]

هههههههههههه انا مش متقطع كدا يا مريم الحمد لله على كل حال

انا شغال تمام بس اعتقد من حقي التعيين او حتى العودة للعمل

و يا رب يسمع منك و أجيب جيب شروكى كدا