|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
17-06-2011, 08:02 PM
|
|||
|
|||
بعد أيه يا " معلم "
أنت شتمت كل زمايلك و أسئت إليهم و يجب عليك الإعتذار يا حضرة المدافع عن السيده المستشاره التى لم يسىء إليها أى من منتقدى الأمتحان فمن المعروف أن نقد أى عمل ليس تجريح مطلقا لصاحبه و ثانيا لو حضرتك ركزت فى كلام الناس هاتلاقى أن أغلب النقد موجه لسذاجة المتحان ولأنه ساوى بين من يعملون و بين الذين لا يعملون من هنا كان موضع النقد و بالنسبه لحكاية أشباه الطلاب فنحن نفخر بهذا و ليتنا نبقى إلى الأبد طلاب نتعلم من تلاميذنا و نتعلم من الأساتذه المتمكنين مثلك يا أستاذنا الفاضل و على فكره لو عايز تشارك فى حملة تدعيم المستشاره فى مظاهره هاتطلع كمان كام يوم من مسجد مصطفى محمود تحت عنوان : أسفيين يا سيادة المستشاره و أحب أقولك كمان أننا خدنا دورة تدريبيه على يد الموساد عشان نعرف ننتقد الأمتحانات و خلى بالك يا استاذى العزيز نحن نحبك بنفس القدر الذى تحبنا به و ربما أكثر و عايزين بس نلفت نظر سيادتك أن مفيش حد فوق مستوى النقد و غليك قصيدة أهديته إلى شهداء الحريه يوم الخميس التالى لموقعة الجمل مباشرة بقول فيها أن الرئيس موظف عندى و عندك يا أستاذنا مش أله و لو سيبتنى كام يوم كده أكيد هاكتب قصيده على أمتحان على و منى اللى التاريخ هايخلد أسمهم إلى الأبد : إهداء إلى شهداء الحريه يا شعب عايش عالفتات صامت وراضى بالقليل قول مره لأ و كفياك أهات ريسنا مش ناوى الرحيل ثوارنا عملوا المستحيل قالولو أمشى قال دى بلدى وليا فيها ذكريات و الطيبين بكوا وقالوا مش ها يمشى مش هايمشى و أحنا برضو مش ها نمشى م الميدان أحنا أقوى من الصنم أحنا أقوى من فرعون و من هامان ثوارنا ماتوا تحت أقدام النظام و على وشهم دموع فرح و دم أغلى من تاريخ ريس جبان مش ها نمشى مش ها نمشى مش ها نمشى هو يمشى هو يمشى غصب عنه هو و أبنه و المليون حرامى اللى جنبه هو فاكر نفسه حاكم على شوية غنم ! دانا المصرى اللى عمره ما سجد لصنم دا أنا حارس بوابة التاريخ و أنا صانع المجد و بانى الهرم قالولو يافرعون أيش فرعنك قال مالقيتش حد يردنى قالولو طب و الشعب اللى نازل فى الميدان يخلعك قال و الله ما يهمنى دستور يا مصريين حارس على أمين دستور بيقول أنا الإله على طول دستور بيقول أنا ربكم الأعلى و أنا اللى فــــــــ أيدى أمنكم و أنا اللى فـ أيدى خبزكم و أنا اللى هاحكم أرضكم و أبنى أله تحت التمرين بكره هايورث أرضى أنا مش أرضكم أرض الميدان اللى رواها دم الشهيد قالت للتاريخ لازم تقف على أرضنا و تسجل فى الميدان أعظم ملحمه خرجنا خلاص و ماعدش يهمنا حديد ونار خيول جمال خلاص خرجنا ومش هانرجع للعيال عيالنا اللى بدون رصيد مات عشانهم تلتمية شهيد مش هانرجع البيوت مش هانرجع للسكوت مش هانخاف فى يوم نموت و أحنا بنكتب التاريخ بدمنا هانحاكم اللى داس بخيوله كرامة شعبنا ها نحاكم اللى خرب البلاد و اللى ناوى عا القعاد على قلبنا خدعوك ياريس اللى وراك و قالولك أن الناس معاك الناس شاغلها رغيف و زيف الناس قاتلها ألف خوف و خوف قوم يا مصرى مصر أمك مش مرات أبوك قوم يا مصرى دا اللى فى التحرير أبنك و أخوك قوم ولبى ندا الثوار أكتب بأيدك نهاية اللى بيسرقوك و بيشتموك و بيهنوك و يكهربوك و يعزبوك و يقطعوك و فى ألف مليون طابور بيوقفك المصرى ثار عشان يقول للظلم لا عشان يقول أن الرئيس موظف عندنا ما هوش إله ياشعب صايم ع الطعام و ع الكلام اللقمه بتبوسها وتقول عايش تمام الدم سال و الرجوع أصبح محال دم الشهيد لون العلم فى صمته أبلغ من مليون كلام وسط الميدان فى يوم غضب ورونا جبروت النظام مدرعات و سيارات ما لهاش عدد كتل حديد مالهاش ضمير بتدوس على ولاد البلد الدم شلال أنفجر رسم العلم وسط الميدان و ندا الشهيد رغم الألم أصبح أدان و سط الميدان وبدم طاهر أتحنت مصر ليلة عرسها و الشعب كله زفها على لحن كان مات من زمان طلعت على الدنيا و دم الشهيد على وجهها أتهزت عروش الأرض و الدنيا وقفت كلها وسط الزهول و قفت تقول مبروك لمصر عودة أبنها لحضنها فارس نبيل مصرى أصيل ودمه يومها كان دليل على حبها هزم الرصاص و البصاصين و الجلادين والمرشدين وقالها يامصر قومى ماتزعليش و ما تخافيش أنا قدها مجنزرات وسيارات مالهاش عدد ودبابات بتستجير وتقول مدد من خوفها واقفه بتترعش و تحتها مليون ولد و فى عز عز صدقها بتنحنى وتبوس أيديهم و الدمعه على وجهها مش دبابات دى سلاحف طيبه مغلوبه على أمرها و اللى يقرب منها يشوف دموعها و يسمع همسها و هى بتبكى وتستغيث الشعب يريد إسقاط الرئيس محمد زيدان |
|
#2
17-06-2011, 08:27 PM
|
|||
|
|||
|
اقتباس:
بجد جسمى قشعر من الكلام التحفة دا ربنا يحميك |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:44 AM.
