الرجال مخلوقات غريبه ههههههههه

[صوت العقل]

المشاركة الأصلية كتبت بواسطة rehab.samy

شكرا أنا الحياة على الموضوع كمزحة
بس أنا فى كلمتين فى نفسى عايزة أقولهم ويا ريت حد يرد عليا
يعنى ليه لازم انتقد غيرى علشان أبرر لنفسى
دايما بنشاور على غيرنا فى الغلط
نفسى نكون ايجابيين يعنى أدور وأفتش على عيوبى وبعد اما اعرفها اصلحها وابحث عن الافضل
أحنا كنساء مصر شايفة عندنا أخطاء كثيرة جدا ولازم نعترف بيها ونصلحها
والله المرأة الخليجية تفوقت علينا كتير ودا من واقع اختلاطى بهن رغم بساطة الجمال
طبعا كلامى دا من حبى لكن وخوفى عليكن
انا اخدت دورات على النت فى موضوع رجوع الأنثى لطبيعتها ودا لب المشكلة
وبعد التجربة وجدت انها نجحت فعلا ونتيجة ساحقة
وحاليا اساعد زميلاتى
يا ريت يا بنات لو مسموح نعمل جروب لينا أو ميل نلتقى فيه
انا عندى استعداد للتعاون
موفقات

والله حبيبتى عجبنى كلامك جدا .. وعلى الرغم من ان نقاء قامت بالواجب الا انى حابة ارد عليكى ونتناقش ..اولا كلنا كبشر فينا عيوب سواء رجال او نساء ..لكن دايمااتعودنا اننا نسمع نقد للسيدات فقط ودايما لغة التعميم هى السايدة .. ومفيش اعتراف ابدا اننا ممكن نفكر او يكون لينا عقل .. ودايما نواجه الاستهانة بالرأى او المقولة المعروفة اللى بيرددها جميع الرجال هو حد ياخد على كلام الستات ..انا معاكى ان عندنا اخطاء فى التعامل مع الرجل
فى مصر بس ده نتيجة لمعاملته واعتقاده انه كل شئ فى الزواج يعنى هو اللى بيقود السفينة وانتى فيها مسافرة بس
ولما تغرق منه مش بيعترف انه قائد فاشل .. لاء انتى برضو السبب
معروف طبعا واجبات كل من الرجل والمرأة تجاه الزواج لكن ليه مش نكون متشاركين فى كل شئ مع احتفاظ كل واحد بوجباته المعروفة..كمان طرق التربية فى مصر مفجعة بيخرج منها الطفل عديم الشخصية او شخصية مسيطرة ومتسلطة وبالتالى هما دول رجال المستقبل اللى بنتعامل معاهم بعد كده لكن طبعا مش كلهم كده لكن الاغلبية ..واكبر غلطة تقوم بها السيدة انها تتكلم على اخطائهم عيب ده راجل .. انما تضخيم غلطات السيدات هو ده المطلوب وعادى انه يتكلم فيها ويضخمها حتى دايما بحس ان السيدات معظمهم بغلطاتهم من كوكب تانى .. اما سيدات الخليج مختلفين جدا عننا وان كانت التجربة نجحت هناك فاكيد الاسباب معروفة .. لكن فى مصر صعب .. وعموما اتمنى انك تقدرى تعملى حاجة وتنجح التجربة هنا .. بس على الطرفين فى البداية انهم يعترفوا باخطائهم فى حق بعضهم وللاسف مش بيحصل ..لانه راجل مش بيغلط وهى دايما معندهاش عقل فبتغلط بقى
دى وجهة نظرى وحقيقى انا احب اسمع عن التجربة دى منك ..