كفاكم شماتة

[MR : ABO BATTA]

والله العظيم انا احترت يا مستر محمد ايمن
اشارك في المواضيع اتهم بأني منحاز للأهلي
مشاركش خالص اتهم ايضا بأني منحاز للأهلي
يخربيت الأهلي على الزمالك على الكورة يا اخي لو هو دا حال الناس بسببها ..
حضرتك داخل مع بيبو في صراع وكلمة قصاد كلمة بالله عليك عايزني اعمل ايه وانا شايف سيادتك داخل مناقشة مع ولد من سن طلابك كما قلت وفيها هذا الخروج عن النص بسبب حاجة تافهة واقصد الكورة طبعا ..
كنت تقدر متردش عليه ولا تعبره وهو كان هيسكت لأن حضرتك الكبير ولازم انت اللي تستحمل .. مش هو دا العرف فلو فرضنا ان بيبو ده لسانه طويل وانا اكبر منه سنا افضل ارد عليه يا مستر ؟؟؟؟!!!!!!!!
وانت يا بيبو علشان خاطري ولو سمحت وبقولها علنا امام الجميع ممنوع تدخل قسم الزمالك وتشارك فيه ولو لقيت حاجة مخالفة ملكش دعوة معاك 3 مشرفين انا ومحمد ومصطفى ولو دخلت يا بيبو هتعرض نفسك للمساءلة ..
انا بصرحة ذهقت من الشغلانة دي
الناس مفكرة علشان انا مشرف يبقى انا معايا السلطة والتحكم فيهم .. حضراتكم فاهمين غلط انا لما كنت عضو عادي كنت مرتاح اكتر من كدا ..
انا اهلاوي اه ولكني لست متعصب فالأهلي يكسب او يخسر مش فارقة معايا .. لكن بالشكل ده تغور الكورة
اتهمتوني بأنني منحاز للأهلي طيب ومحمد كمان منحاز للأهلي ؟؟؟!!!!!!!
مش عارف انتو عايزين ايه تغلطوا في النادي الأهلي واحنا نصفق لكم
انا قلت اكتر من مرة زي ما بيبو بيعمل مواضيع انتم تعملون مثلها والقوانين تنطبق على الكل بلا استثناء
مواضيع تخص الزمالك موجودة بالأهلي نقلتها بنفسي والعكس يخص الأهلي موجود بالزمالك نقلته بنفسي .. واقسم بالله حتى الآن مش عايز اوقف او احتى انذر احد احتراما للزمالة وللسن ..
لكن ان يتطور الأمر لهذا الحد وكل حاجة نتهم فيها انا ومحمد .. فدا اللي مش هسمح به بعد اليوم ..
ومن فضلكم جميعا من يشعر بأنه لا يستطيع الالتزام بالقوانين فليتفضل زائرا وليس مشاركا ومن يجهل القوانين فليقرأها اولاً .
وهذا هو اخر تحذير او انذار او سمونه كيفما تشاءون .. وقد اعذر من أنذر .. !!!!!
واخير .. اقدم اعتذاري عن هذه اللهجة التي لم اعتاد عليها ولكن الظروف هي التي دعتني الى ذلك ..