أسئلة الباب الرابع ......

[محمد عبد السلام عواد]

السؤال الأول :-
فى السؤال : كيف تميز بين NaOH و Na2CO3
الإجابة نقول بإضافة HCl لو تصاعد غاز ثاني اكسيد الكربون الذى يعكر ماء الجير الرائق كان المركب كربونات الصوديوم
إذا لم يتصاعد كان المركب الصودا الكاوية

إجابة صحيحة

السؤال الثاني :-

انا عاوز أتأكد من حاجة .... Sb2O3 ده متردد و Sb2O5 ده حامضى ولا لأ ؟؟؟

تمام بس خامس أكسيد الأنتيمون مش في المنهج (المنهج القديم)

السؤال الثالث :-
عاوز تكملة الجدول بتاع كتاب المدرسة صفحة 96 اللى بيسجل مشاهدات واستنتاج كل مشاهدة خاصة بتجربة تحضير غاز النشادر ...

عديم اللون له رائحة نفا>ة
شديد ال>وبان في الماء
لا يشتعل ولا يساعد على الإشتعال
قلوي التأثير على عباد الشمس

السؤال الرابع :-
ايه الفرق بين السؤالين دول :- ولا
علل : النشادر أنهيدريد قاعدة
وعلل : النشادر قاعدي

إجابة السؤالين واحدة ( لأنه يذوب في الماء ويعطي محلول قلوي هو هيدروكسيد الأمونيوم)
ولكن السؤال المختلف هو : قاعدية النشادر أعلى من قاعدية الفويفين
ا

لسؤال الخامس :-
هل لون حمض النيتريك ... بنى محمر .... لون تاني ؟؟؟

سائل شفاف

السؤال السادس :-
عند تفاعل حمض النيتريك المخفف مع الحديد :
الكتاب بيقول ينتج نيترات الفلز وهيدروجين ذري يختزل الحمض ( هو فين الهيدروجين ده ) .....

التفاعل يتم على مرحلتين أولا ينتج نترات حديد وهيدروجين
ثم يتفاعل الهيدروجين الناتج مع المتبقي من حمض النيتريك ويكون ماة وأكسيد نيتريك
ولكن في الكتاب كاتب المعادلة النهائية مباشرة

السؤال السابع :-
كبريتات الحديد الثنائية لازم تكون حديثة التحضير فى تجربة الحلقة السمراء حتى لا تكون تم أكسدتها إلى كبريتات حديد ثلاثية ولا لسبب تاني ؟؟

تمام اجابة صحيحة

السؤال الثامن :-
هو يمكن يكون بسيط بس انا بتلغبط فى إجابته .. علل / عدد حالات تأكسد النيتروجين

تقصد تعدد حالات تأكسد المنيتروجين
لأنه يكتسب 3 إلكترونات عن طريق المشاركة أو يفقد 5 إلكترونات

السؤال التاسع :-
ممكن تكتب يا مستر معادلة نيتريت الصوديوم مع برمنجنات البوتاسيوم ... يعني البوتاسيوم بتاع البرمنجنات هيدينا برضه كبريتات بوتاسيوم ( دي ثابتة ولا ايه ) ؟؟؟

5NaNO2 + 2KMnO4 + 3H2SO4 ................ 5NaNO3 + K2SO4 + 2MnSO4 +3H2O

السؤال العاشر :-
* اذكر استخدام لكل مما يأتي : الكارناليت ؟

الحصول على البوتاسيوم

* اختر : تكون عناصر المجموعة الأولى مركبات أيونية مع العناصر اللافلزية بسبب ...............
أ- ميلها الإلكتروني كبير . ب- سالبيتها الكهربية صغيرة
جـ- جهد تأينها كبير د - جميع ما سبق
دليل التقويم حاللها رقم (جـ) بس بيتهيألى انا شايفها فى الكتاب رقم (ب)

في دليل التقويم كانت جهد تأينها صغير مش كبير
والسؤال في دليل التقويم فيخطأ لأن الإجابتين ينفعوا وفي امتحان آخر السنة مفروض يجيب واحدة منهم فقط

السؤال الحادي عشر والأخير :-
* هي عملية تحضير الصودا الكاوية من محلول ملح الطعام دي علينا ؟؟؟ ممكن شرح مختصر ليها مع كتابة المعادلة .

لا مش علينا

* ما أثر الحرارة على : حمض الكبريتيك المركز ؟

حمض الكبريتيك حمض ثابت لا يتأثر بالحرارة العادية