منظر غير عاطفى..!!!!

[وردة امل]

المشاركة الأصلية كتبت بواسطة habiba hamdy

السلام عليكم ورحمة الله وبركاته

يارب تكونوا بخير وفى احسن حال
الحمد لله بخير
واما بعد

مرة كنت راكبة الميكروباص وكنت قاعده جمب الشباك(اصلى بحب اقعد جمب الشباك)
زيي تمام يا محاسن الصدف السعيدة
والميكروباص كان واقف وبعدين ببص من الشباك
لقيت منظر
شفتى ايه خير الله ما اجعله خير
واحد وواحدة مخطوبين هتقولولى عرفتى ازاى
مش محتاجة ذكاء (كانوا لابسين دبل فى ايدهم اليمين)
مخطوبين!!
وكمان لحقتى تعرفى ان الدبل فى الايد اليمين
كانوا وافقين يتكلموا ويضحكوا ماشاء الله بصراحة صوتها كان اعلى من صوته
لا واللى يغيظ انه كان مبسوط وبيضحك عادى
والناس فى الشارع حواليهم
صوتها عالى !!
يابنتى فى حاجات اكتر من كده بتحصل فى الشارع
عادى يا بنتى الراجل فرحان بشبابه وبيضحك
خطبته بتضحك ومهيصة عايزاه يزعل يعنى
ده حتى يبقى خنقة اوى
لا وكمان وهو ماشى لازم يسلم عليها طبعا
السلام دا بياخد تقريبا خمس دقايق
الراجل ذوق جدا وبيفهم فى الواجب
فجأة لقيتها بتجرى وراه وتضربه على ضهره
يانهار كروهات
ههههههه
خطبته بتضربه قبل الجواز
امال بعد مايجوزوا هتعمل فى ايه
هتعلقه ع باب البيت
وهو بيضحك برده
اصل كده خطيبته بدلعه وهو فرحان
انا مش فاهمة دا راجل يعنى ولا ايه؟؟!!!
اكيييد مش راجل
مفيش راجل تخلى بنت تعمل فيه كده
ده معندوش شخصية
بجد عار انه يتحسب فى لستة الرجاله
طبعا استغربت منهم الاتنين
وانا بردو استغربت
منها هى وتصرفاتها اللى لاتنم عن اى اخلاق عندها
ومن الاستاذ اللى كان فرحان وهى صوتها اعلى من صوته وبتضربه فى الشارع

طبعا دا مش المنظر الوحيد اللى شفته
فيه اشكال والوان وبيكونوا ماشيين
او قاعدين فى اماكن عامة فى وضع لا يليق (مناظر تكسف)
وبيكونوا مخطوبين

انا ليه مركزة على مخطوبين دى
لاننا طول عمرنا احنا البنات
فيه جملة كدا تقريبا حفظناها
ان الشاب بيصاحب وبيمشى مع بنات ولما بيرتبط بيختار البنت المحترمة
فعلا الولد مش بيرتبط الا بالبنت المجترمة

ياترى ايه هو مقياس الاحترام اليومين دول؟؟؟
ياترى ايه الفرق بين المخطوبين دول وبين اى اتنين ماشيين مع بعض؟؟
ان اهلهم عارفين
طيب انا شايفة ان دا انيل ايه اهلهم دول اللى يسمحوا بكدا
يعنى هما واثقين فى الشاب دا وفى بنتهم لدرجة انهم يخرجوا فى الخطوبة
وبدون اى ارتباط شرعى

طيب الشاب اللى بيخرج دا مع خطيبته وبيتصرفوا تصرفات مش لذيذة
هو بيخاف عليها بجد؟؟
هو شايف ان هى دى اللى هتحافظ عليه وعلى اولاده؟؟
انا اعرف ان اللى بيخطب دا بيبقى بيخاف على خطيبته من عيون الناس
حتى من نفسه
ومش يحب يخليها ملفتة للانظار باى شكل

ولا انا اللى قديمة والاحوال اتغيرت؟؟
بصى انتى مش قديمة اوى يعنى للدرجة
بصى يا حبيبة فى المواقف اللى زى دى العيب بيقع ع الاهل
لانهم بيسمحوا لبناتهم انهم يخرجوا مع خطيبها لوحدها
وحتى لو كانوا واثقين فيها انها مش هتعمل حاجة غلط
لكن لازم بردو يكون عندهم حذر شوية
حتى ولو كان مع خطيبها

اما بخصوص الولد انا شايفة من الطبيعى انه يخاف عليها
وحتى كمان من نفسه ويخليها جوهرة يحافظ عليها
عشان تفضل طول عمرها غالية
لان فى يوم من الايام هتكون ام لاولاده
وتربيهم وتطلعهم ناس محترمة
بس بعد اللى شوفته ده
الظاهر ان الدنيا اتقلب حالها
وبقت بالمقلوب
ويا عالم بكره هيحصل ايه !!

....

كمان فيه حاجة بتغظنى جدا
احيانا بشوف شباب بيخطب البنت علشان يتمنظر بيها قدام الناس
وتلاقى عروسة مولد ماشية جمبه
بالميك اب اللى على وشها (على فكرة بقا شكلها بيبقا مش لذيذ خالص)
والله فيه بنات بيكون شكلها برئ جدا
وبالميك اب دا بيضيع براءتهم وجمالهم
ولا اللبس ياعينى لابسة ومش لابسة فى نفس الوقت
وهو بسلامته ماشيلى فرحان اوى ورافع راسه فى السما
وماشيين مشبكين ايدهم فى ايد بعض
شئ غريب
شاب بيخطب بنت عشان يتمنظر بيها !!
اول مرة اسمع الحتة دى
انا اعرف ان الولد بيخطب البنت
المحترمة المتدينة المتعلمة المؤدبة الجميلة
مش يختار واحده تحط كيلو ورنيش اقصد ميكب فى وشها
وهو يمشى فرحان جنبها
!!

وربنا يهدى شباب وبنات المسلمين
موضوع هايل جدا يا حبيبة
بجد تسلمى يا قمراية

[Heartbeat]

المشاركة الأصلية كتبت بواسطة الصمت الحزين

وربنا يهدى شباب وبنات المسلمين

موضوع هايل جدا يا حبيبة

بجد تسلمى يا قمراية

ايوه يابنتى القعدة جمب الشباك دى تحفة
الدنيا بتبقى هوا وطياوة
.....
طبعا لحقت اعرف ان الدبل فى الايد اليمين
يابنتى هقولك انا لما بشوف اتنين ماشيين مع بعض شكلهم مش اخوات
بيبان على فكرة
ببص على ايدهم
الدبل فى اليمين يبقوا مخطوبين
فى الشمال يبقوا متزوجين (دول فى السليم)
لا اليمين ولا الشمال يبقوا مأنتمين
فهمتى بقا يافرح سوسة انا مش كدا
....
عندك حق فعلا لما تضربه قبل الجواز
بعد الجواز هتعمل فيه ايه؟؟!!!!
وياترى هيضحك برده؟؟!!!
....
فعلا ياعالم هيحصل ايه بكرة
ربنا يستر
كمان يافرح مش ينفع الاهل يدوا بنتهم الثقة الكاملة
وكمان دى معاها واحد غريب
ايه يعنى خاطبها
حتة الدبلة دى تدى ليهم الحق انهم يعملوا اللى نفسهم فيه
مستحيل طبعا
.....
اه والله يابنتى فيه شباب بيخطبوا بنات يتمنظروا بيهم
دول مفيهمش ريحة الرجولة
....
اللهم امين
شكرا للمرورك الجميل فرح
نورتينى حبيبتى