مشاركات اساءة للاسلام

[عبدة الحلو]

عايز اعرف ذنب الموظفين اللى فى شركة موبينيل ايه عشان يحصل فيهم كدة انتوا عارفين ان 80% من الموظفين فى الشركة مسلمين ؟ ولو مسحيين ذنبهم ايه ؟ واحد غلط واعتذر وخلاص ليه نكبر الموضوع وعلى فكرة احنا المسحيين المصريين مش راضيين عن اللى عمله ساويرس لكن كل شئ بحدود ؟ولو فكرنا كدة يبقى كان المفروض يقاطعوا السلفيين عشان غزوة الصناديق وكاننا بنحارب مش بنتتخب ؟ حرام عينا مصر مش ممكن تتقدم غير بينا كلنا وعلى فكرة فكرة الاغلبية والاقلية بتدمر اى بلد وشوفوا العراق حصل فيها ايه عشان اقسمت ؟ ارجوكم بلاش نكبر الامور وتاخد شكل دينى عشان خاطر مصر يا مصريين ؟ مسيحى مصرى بيحب كل امصريين مسلمين ومسحيين

[عبدة الحلو]

انا سعيد جدا بالردود العاقلة والجميلة دى وصدقونى وانا بقرأ الكلام والتعليقات دموعى نزلت لانى بحب بلدى ونفسى اشوفها اجمل بلد فى العالم ودة مش هيحصل الا اذا كلنا كنا ايد واحدة وصدقونى دى مش شعارات دةى الحقيقة واللى فاكر ان البلد مش غالية على المسحيين او المسلمين يبقى غلطان ارجوكم نحط ايدنا فى ايد بعض عشان خاطر ولادنا

[عبدة الحلو]

شكرا لكل الناس المحترمين اللى اتكلموا بصراحة ووضوح بس انا قصدى ان مصر مش كلها ملايكة وطبيعى يكون فيها ناس بتغلط سواء بقصد او بدون قصد مسحيين او مسلميين وفكرة المقاطعة والمواقف الجماعية هتضر اكتر ما تفيد الافضل لينا نحاول نحط ايدينا فى ايد بعض ونفكر نبنى البلد دى ازاى ونخليها متقدمة ازاى ونلغى الفقر اللى فيها ازاى ونتكلم فى امور تجمعنا كلنا زى الاقتصاد والتعليم والصحة وغيرها من حاجات كتير ؟ مصر مش هتكون غير مصر الجميلة اللى لو اهتمينا بيها شوية وفكرنا باسلوب علمى فى كل امورنا هتبقى بجد اجمل بلد فى الدنيا ؟ تفتكروا احنا المسحيين عايزين نسافر امريكا وكندا واوربا ليه ؟ عشان الفلوس والنظافة اللى هناك بس مفيش سبب تانى ؟ تفتكروا لو مصر قوية وفيها فرص عمل ونظافة ونظام وعدل حد هيفكر يسافر ؟ ابدا ؟ نفس الموضوع ليه الشباب المسلمين بيسافرا السعودية والدول اخليجية ؟ بردة عشان الفلوس والنظافة والنظام ؟ يعنى بصراحة مفيش تدين حقيقى سواء مسيحى او مسلم غير فى مصر ؟ اللدين المسيحى المظبوط والاسلامى المظبوط هتلاقيه بس فى مصر ؟ ارجوكم اللى يغلط نقوله انت غلطان ؟ وبس ؟ بلاش نعمم ونحور الامور وندخل فى مواجهة مش هتبنى البلد ومش هنجنى منها غير فقر ومرض وفساد زيادة ارجوكم كلنا بنحب مصر ؟

[عبدة الحلو]

الى الاخ خالد سليمان نحن لسنا كفرة ولم ولن نشرك بالله فنحن نعبد الله من خلال الانجيل وساترك لك الوقت لكى تقرأ الانجيل وتعرف ذلك / ثانيا الانسان انسان مهما كان دينه او طائفته او نوعه فيجب ان نتعامل مع بعض على اساس الانسانية اولا فى الامور العامة ثم الدين يأتى ليزيد الحب والتعاون وليس الفرقة واتهام الاخرين بالكفر وحرمانهم من حقوقهم / صدقنى يا استاذ خالد انا حزين على تفسيركك للايات دى وبدال ما تقولى ممنوع تبنى كنيسة وممنوع تعيد عليا فى ايادى وممنوع تشاركنى افراحى المفروض انك تقولى ازاى نقرب من بعض مش نبعد وكل واحد ياخد موقف من التانى ؟ انا حزين عليك وعلى طريقة تفكيرك ونا فعلا مصدوم من كلامك واذا كان دة كلام كل المسلمين يبقى مصر عمرها ما هتتقدم وعمرها ما هتشوف استقرار وهتتاخر اكتر من دلوقتى ؟ ارجوك راجع نفسك ؟

[عبدة الحلو]

اولا يا استاذ خالد انت تستخدم الاحداث فى العهد القديم على انها تدعو للقتل وللعنف وكيف تقول ذلك وانت تقول انك تؤمن بالتوراة والانجيل ؟ ويجب ان تعرف ان االسيد المسيح جاء برسالة الحب والتسامح من اجل ان يصلح ما حدث وان يضع بداية جديدة لكل العالم ؟ وهو قال جئت لاكمل لذلك نصوص التوراة لا يمكن ترجمتها على انها تدعو للعنف والقتل ولكن هذة احداث تاريخية لا يمكن حذفها او تحريفها ؟ وبالنسبة لموضوع الكنيسة فى العصور الوسطى فلو قرأت الانجيل جيدا لن تجد ايه تدعو للقتل او الكراهية بل قال المسيح احبوا اعدائكم ؟ لكن هذة ممارسات اشخاص خااطئة ولا يمكن ان نقول ان الانجيل يأمر بذلك ؟ اما بالنسبة لموضوع الكفر فالمسيح فى دعوته لم يكفر احد ولم يجرح شعور احد رغم العذاب الذى عاناه من اليهود ؟ اما موضوع ان المسيح اله فاعتقد انك تؤمن بالتوراة والانجيل والقران واعتقد ان ايمانك مبنى على التوراة والانجيل كما قلت لذلك لا يمكن ان تشكك فى ما تؤمن به والانجيل اكد ان المسيح صعد الى السموات وجلس عن يمين ابيه وهذا معناه انه تمم عمل الخلاص وبارك الانسان وخلصه وليس معناه انه ابن الله فالله ليس له ابن الله واحد والقران اكد صعود المسيح الى السموات ؟ المسيح بالنسبة لنا ليس نبى او شخص ولكنه مخلص هذا العالم وخالقه وصدقنى احنا بنحب كل الناس زى ما ربنا حبنا ؟ ارجوك لا تأخذ الامور بشكل جارح وتقول كيف يتجسد الله ؟ لا ؟ هذا عمل الله من اجلنا ومن اجل دخولنا الملكوت اذا اتبعنا وصاياه والتى تتلخص فى المحبة ؟واذا اردت دليل مادى على صحة ايماننا فأنا رأيت الكنيسة بتنور 6 ساعات متواصلة ورأيت حمام السلام يدور حولها وصدقنى اكيد هتقول دة نور صناعى وانتوا عاملينه وكدة لكن صدقنى نور سماوى بيثبت صحة ايمانا وان شاء الله اقر ب ظهور روح وشوف بنفسك ؟