حملة.. " حجاب المرأة المسلمة " متجدد !!

[,, أَمـــَـة الله ,,]

المشاركة الأصلية كتبت بواسطة eman5

انا فعلا كنت بفكر فى النقاب بس عندى كذا تساؤل على الموضوع ده :
1- نص من الكتاب او السنة او رأى عالم من اهل الثقة يؤكد ان النقاب فرض
2-حديث الرسول (ص)جاء فيه ما معناه انه البنت يظهر منها الوجه و الكفين
3-الوجه وسيلة الاتصال مع الناس خصوصا فى مجال العمل
4-النقاب مسئولية كبيرة تستوجب الالتزام باحكام الدين و آدابه و اخاف مكونش قد المسئولية
يا ريت لو فى اخت تقنعنى بالاجابة على تساؤلاتى تلك و جزاكم الله خيرا

زي ما قلت لك أختنا إسراء اقرأي كل الردود اللي في الموضوع هتستفيدي أكتر

أما عن سؤالك الأول عن نص من القرآن يدل على وجوب النقاب .. فهتلاقي الأجابه هنا
و دي فتاوي من شيوخ معاصرين في النقاب هنا
أما عن إن هناك حديث لرسول الله صلّ الله عليه وسلم إن البنت تظهر وجهها .. فده الرد :

فتوى الشيخ عطية صقر من كبار علماء الأزهر الشريف عام 1997 م
يقول البعض : أن الحديث الذي روته السيدة عائشة عن الرسول صلى الله عليه وسلم الذى يحل ظهور كفَّى المرأة ووجهها فقط حديث ضعيف . لأن الآية التي تتحدث عن الحجاب نزلت بعد هذا الحديث ، وأن اللذين رويا هذا الحديث أحدهما لم يكن موجودا فى حياة السيدة عائشة والآخر كذاب ، فما صحة هذا القول ؟
الجواب
حديث السيدة عائشة رواه أبو داود وابن مردويه والبيهقى عن خالد بن دريك عنها، وهو أن أسماء بنت أبى بكر دخلت على رسول اللّه صلى الله عليه وسلم وعليها ثياب رقاق، فأعرض عنها رسول الله صلى الله عليه وسلم وقال " يا أسماء إن المرأة إذا بلغت المحيض لم يصلح أن يرى منها إلا هذا " وأشار إلى وجهه وكفيه .
يقول الحافظ المنذرى فى " الترغيب والترهيب ج 3 ص 33" : هذا مرسل ، وخالد بن دريك لم يدرك عائشة ، وذكره القرطبى فى تفسيره وقال : إنه منقطع. وقال ابن قدامة فى " المغنى " : إن صح هذا الحديث فيكون قبل نزول الحجاب .
وبناء على هذا لا يوجد دليل يستثنى وجه المرأة وكفيها من وجوب سترهما .


أما عن سؤالك التالت فالرد على الشبهات دي هتلاقيها هنا

أما عن إن النقاب مسؤليه ولازم البنت تكون ملتزمه تمام الإلتزام فده خطأ ..
لإن النقاب ده يعتبر خطوه في الإلتزام
بعد كده هتلاقي نفسك قربتي من ربنا أكتر وهتلاقي سلوكك أتحسن ..
وبردو المنقبه مش ملاك يعني هي بشر
بتخطأ وبتنسى زيها زي أي حد .. وبعدبن مين إللي قالك إنك مش قد المسؤليه
قربي بس إنتي من ربنا واطلبي منه إنه يثبتك .. محدش فينا يعلم الغيب .!!

لو فيه أي حاجه مش واضحه ياريت تقولي
وبعدين صدقيني إنتي لما تلبسي النقاب هتحسي إنه كان ناقصك حاجه كبيره وعملتيها
و إنك قربتي من ربنا بالخطوه دي .. ربنا بيقول : " من تقرب إلي شبراً تقرب إلي ذراعاً ومن تقرب إلى ذراعاً تقربت إليه باعاً ....... "
يعني شوفي لما إنتي تقربي من ربنا خطوه واحده بس .. هتقربي بعد كده من ربنا أكتر وأكتر ..

ربنا يوفقك ..