ايه اخبار تعيين أوائل الكليات ياجماعة؟

[El Ninio]

المشاركة الأصلية كتبت بواسطة sara_200

هههههههههههههههه برحة يا جماعة يعنى حتى لو الدكتور قالنا اخبار فهل ده معناه اننا هنتعين الدنيا مقلوبه والمظاهرات شغاله ومحدش عارف بكره فى ايه

والله الست دي بتكلم كلام زي الفل هههههههه

المشاركة الأصلية كتبت بواسطة ramy gama

السلام عليكم إخواني

لايضيع حق ورائه مطالب --بس هو فين المطالب--خليهم يضحكوا عليكوا ويسكنوكم---والبهوات اللى قعدوا يقولوا شغلانة والسلام مش ضرورى معيدين اهم ماطالوش حاجة وهما قاعدين يسترضوهم ويقولولهم اى شغلانة وخلاص--بس على فكرة من مصضادر موثوق منها مافيش تعيين ولا حاجة --هما عرضوا المشروع فى البداية وكان عندهم النية بس المجلس الاعلى للقوات المسلحة رفض زى ما رفض الميزانية الجديدة اللى فيها الحد الادنى للمرتبات بعد ماعشموا الموظفين-- خليكوا قاعدين فى بيوتكوا ---وافرحوا--ومافيش تعين لا فى 7 ولا8 ولا9 ولا--------------حرااااام عليكوا مستقبلكوا وانتوا ليكوا حق


وعلى فكرة تم تخفيض الموازنة العامة للدولة فى كل المجالات الصحة والتعليم ومعاشات كلة ارجعو لأى موقع اخبارى الخبر دة من أسبوع أو أكتر وصدق عليها المشير

بجد بجد أنا في قمة الأسي من اللي بيحصل لنا دا

يا عم رامي احنا ناس مؤمنة الحمد لله .. مطالب ايه اللي هنطالب بيها .. هنتعين معيدين بالعافية يعني ؟؟
لما كل كلية اساسا في السنة الواحدة مش كل اقسامها بتاخد معيدين
وكل قسم وليه خطة بياخد سنة معيد سنة وسنة لأ كدة .. مش معقول كل الناس دي اللي بالألوفات هتتعين معيدين
الكلام يكون بالعقل بردو واحنا بنفكر بالعقل .. وبعدين من مصادر غير موثوقة لأن مفيش خبر موثوق منه دلوقتي
ان فيه تعيينات وربنا يسهل بقى ... زي ما جوابات تعيين التربية والتعليم راحت التنظيم والادارة وهتتبعت لكل واحد
ان شاء الله هتيجي جواباتنا .. ولو مجاتش بردو هنقول الحمد لله ربنا ليه حكمة في كدة .. بس ايه خليكوا قاعدين
يعني هننزل نعمل مظاهرات واعتصامات والبلد اساسا مش ناقصها وهو ده اساسا اللي واقف حال البلد ومخلي اقتصادها في الحضيض وطبيعي ان الميزانية تكون ضعيفة .. واحنا مش مستعجلين هو بس عدم وجود خبر يقين
مخلي الناس كدة .. لكن لو احنا عارفين مثلا اننا هنتعين شهر يوليو 2012 وكلام نهائي .. مش هتلاقي حد بيتكلم في الموضوع ده ... ولا انت رأيك ايه ؟؟

المشاركة الأصلية كتبت بواسطة wafa2

اتقى الله يا اخى ولا تقل ما لا تعلمه
ان كان ما تقوله حقيقه فاذكر مصادرك علنيه دون القول مصادر موثوق منها دى لانها بقت موضه قديمه اووى
ارجوك بلاش احباط احنا مش ناقصينك وعموما ربنا يكتب لنا الخير جميعا حيث كان

خلي ثقتك بالله عز وجل كبيرة يا وفاء .. وارضي بقضائه مهما كان

بسم الله الرحمن الرحيم
"وَمَنْ يَتَّقِ اللَّهَ يَجْعَلْ لَهُ مَخْرَجاً * وَيَرْزُقْهُ مِنْ حَيْثُ لا يَحْتَسِب"
صدق الله العظيم