|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
08-07-2011, 09:56 PM
|
|||
|
|||
إحساس كداب ( قصه بقلمى الخاص )
إحساس كداب 000000000 فى كافتيرا الوفاء اللى على النيل يدخل امير ويدور على الترابيظات بعنيه على مريم ولما يلقيها يروح عليها ويقولها وهو بيقعد 00000000000000000000000000 امير / إيه إتأخرت عليكى ؟؟ مريم / ياسيدى ولا تأخير ولا حاجه أنا لسه وصله حالا فى إيه بقه ياإبنى !! وموضوع إيه الخطير والمهم إللى قولتلى عايزك فيه ؟؟ امير / إحنا بقالنا قد إيه نعرف بعض يامريم ؟؟ مريم / ايه السؤال ده !! انت جيبنى هنا علشان تعرف إحنا بقالنا قد ايه نعرف بعض امير / معلش خدينى على قد عقلى وجوبينى مريم / بقالنا تقريبا 4 سنين امير / فى الاربع سنين دول ياترى كنت ايه بالنسبه ليكى ؟؟ مريم / انت مجنون ياابنى مالك بس فى ايه !! امير / معلش إعتبرينى إتجننتى وجوبينى مريم / رغم انى مش فاهم اى حاجه ولا عارفه مالك !! بس هجاوب عليك لما اشوف اخرتها معاك انت اجمل صديق عرفته ومعاه عرفت معنى الصداقه اللى كنت بحسبها مجرد كلمه وقفت معايه كتير وخرجتنى من صدمه اول حب فى حياتى وكنت ديما بتعرف انا عايزة ايه قبل ما انا اعرف كنت بتحس بيا لما اكون زعلانه وبتفرح ليا لما اكون فرحانه كنت اقرب ليا من نفسى امير / يعنى بتثقى فيا وفى اى كلمه أقولهالك مريم / طبعا ياامير بس انت قول وبطل ألغازك دى امير / مهما كان اللى هقوله قاسى عليكى وممكن يجرحك مريم / وانا معاك عمرى ما هحس بجرح ،، قول بقه قلقتنى امير / ادهم بيلعب بيكى يامريم وكل كلامه وحبه ليكى كان كدبه كبيرة مريم / ايه اللى انت بتقوله ده ياامير ،، ادهم بيحبنى وعمرة ماكدب عليا انت ليه بتقول كده ،، كل ده علشان بتكرهه امير / انا فعلا من يوم ماشوفته وانا بكرهه بس النهارده عرفته على حقيقته ،، وعرفت قد ايه هو انسان ندل كان بيلعب بعواطفك وبيخدعك مريم / اسكت ياامير ،، وبطل بقه تتكلم عنه وحش كده انا عارفه انت ليه بتكرهه وعمرك ماحبيته ولا هتحبه فى يوم من الايام امير / انا كرهته لانه بيخدعك ،، انا شوفته بعينى ماشى مع بنت فى شارع عبد العزيز ومشيت وراهم لحد ماطلعوا شقه مفروشه ولما سألت البواب ،، لقيته متجوزها عرفى ومأجر الشقه دى شهرين ،، إفهمى بقه مريم / انت كداب ، مش ممكن ادهم يخونى ، انا عارفه انك عايز تكرهنى فيه ، مش عايزنى اكون لحد غيرك امير / لحد غيرى !! مريم / ايوة انا عارفه ياامير وحسه من زمان إنك بتحبنى ، بس انا عمرى ماحبيتك ولا عمرى فى يوم هحبك زى ماانت عايز ، انت مجرد صديق مش أكتر فى كل كلمه كنت بتقولهالى كنت عارفه وكنت حسه انك بتحبنى ،، اللى مكنتش اتوقعه منك ابدا انك تحاول توقع مابينى وبين ادهم علشان توصل لغرضك ، ياخساره ياامير إنت كنت صديقى الوحيد اللى معاه كل أسرارى مكنتش متوقعه ابدا انك ممكن تكدب علشان تبعد بينى وبين ادهم ،، وإللى إنت متعرفوش يااستاذ ان ادهم مسافر لبنان فى شغل بقاله يومين ومش هيرجع غير بعد إسبوع امير / كنتى حسه انى بحبك وكنتى عارفه قد ايه انا بعشقك ورغم كده ماقولتليش مبعدتنيش عنك ، خلتينى جمبك عايش على امل انك تحس بيا ، فاكر انك فى يوم ممكن تعرفى قد ايه انا حبيتك من كل قلبى انا لما كنت بحس بوجعك فده علشان كنتى ساكنه جوايه ، لما كنت بقف قصاد اى حد يديقك فده علشان كنت بحبك وكنت مستنى احس بحبك ليا ، بس اظاهر انى كنت عبيط ، بحلم بسراب وماشى وراه على امل انى الاقى جواكى حب ليا ، بس صدقينى رغم كل الحب اللى جوايه ليكى فاانا عمرى مخدعتك ولا عمرى هفرق مابينك وبين انسان بتحبيه حتى لو ده هيوجعنى وممكن يقتلنى مريم / انت لسه بتكدب بقولك ادهم مسافر لبنان ياخساره ياامير كنت ف**** صديقى بجد ياخساره 0000000000000000000000000000000000000 وتمشى مريم وهى منهاره وحسه انها انخدعت فى صديق عمرها ويقعد امير على التربيظه وهو مش مصدق الكلام اللى قلته مريم ولا حاسس ب اى حاجه حوليه قاعد بيرجع كل كلمه قلتهاله ومش مصدق وبيقول فى باله يعنى كانت حسه قد ايه انا بحبها وقد ايه كنت بتعذب لما كانت بتكلمنى عن ادهم وقد ايه هى بتحبه طيب ليه كانت غاويه تجرحنى ،، يااااااااه يامريم إنتى قلبك ايه حجر، ولا معندكيش قلب اصلا قدمتلك قلبى وحبى ، وعيشت فى صمت وانا سعيد ، لانى جمبك ، وإنتى مع اهم وكنت بتمنالك السعاده والخير ولما أعرف عنه شئ هيدمرك وأحاول أنقذك أبقه كداب يااااااااااه يادنيا بقه فيكى الحب خيانه والخيانه حب ، ياااااااه ياقلبى 0000000000000000000000000000000000 00 وتمشى مريم ويدور فى دماغها كلام امير وتبدء تقلق وتشك وتروح على الشركه اللى بيشتغل فيها ادهم تسال عنه وهناك تروح مكتب شئون العاملين وتسأل هناك عن ادهم وهى لبس النظاره علشان تدارى دموعها 000000000000000000000000000000000000 مريم / لو سمحت يااستاذ الاستاذ محمود / تحت امرك يافاندم مريم / كنت عايزة اقابل الاستاذ ادهم مدير تسويق الشركه الاستاذ محمود / الاستاذ ادهم مسافر يافاندم مريم / مسافر فين و إمته ؟؟ الاستاذ محمود / من يومين مسافر لبنان فى شغل للشركه مريم / انا متشكره جدا يافاندم بجد شكرا ليك الاستاذ محمود / تحبى ابلغه بحاجه يافاندم لما يوصل مريم / لاء خلاص ، بجد شكرا ليك 00000000000000000000000000000000000000 وتمشى مريم وهو مبسوطه وتمسح دموعها وتقول فى بالها ياخساره ياامير ، كنت ف**** فعلا صديقى ياخساره فعلا ياامير انا كنت شيفاك ملاك مش بشر ، كنت ف**** فعلا بتخاف عليا وبتحمينى ، وأتريك بتدمرنى ، وبتتمنالى الحزن و الالم ، وكل ده علشان اكون ليك وماأكونش لحد غيرك ، قررت تدمرنى وتبعدنى عن الانسان الوحيد اللى حبيته بجد ، وحسيت معاه بالامان والحب ، ياخساره ياامير 000000000000000000000000000000000000 وعلى الجانب التانى يخرج امير من الكافتيرا وهو مش حاسس ولا شايف اى حاجه قدامه وكل شويه كلام مريم يرن فى ودانه وفاجاه يسمع كلاكس عربيه وصوت بيقول حااااااااااااااااااسب ، وتخبطه عربيه بقوة ، فيطير امير 5 متر قدام وينزل على الارض غرقان فى دمه ينزل شخص من العربيه اللى صدمت امير وهو بيجرى عليه وبيقول برعب والله هو اللى ظهر فاجاه قدامى انا حولت أفاديه بس منفعش والله مازمبى هو اللى ظهر قدامى فاجاه وكان ماشى سرحان ويتلم الناس حولين امير ويجرى شخص من بعيد ويقولهم ، كله يوسع انا دكتور و يمسك ادين امير ويشوف نبضه وبعد شويه يقول البقاء لله 00000000000000000000000000000000000 وعلى الجانب الاخر يخرج الاستاذ محمود ويركب عربيته وينطلق بيها على شقته ويفتح باب الشقه ويدخل وشويه ويرن جرس الباب ويفتح الباب فيدخل ادهم ويقول 00000000000000000000000000000000000 ادهم / ايه يامحمود طمنى عملت ايه ؟ محمود / ههههههه متقلقش مريم جات تسألنى عليك زى ماتوقعت يالئيم وقولتلها انك مسافر لبنان من يومين ادهم / الحمد لله من ساعه ماشوفت الزفت امير ده واقف مع البواب بتاع العماره وانا فى البلكونه وانا كنت متوقع انه هيجرى على مريم يقولها انى بخونها ومتجوز عرفى وكنت عارف انها مش هتصدقه وهتروح تسأل عليا فى الشركه خلى امير بقه يشرب ويطلق ادهم ومحمود ضحكات عاليه النهايه بقلم تامر على الطويل امير الجروح
__________________
 ولما قلبى إداكى قلبى ياحته منىرجعتلى بسمه كانت رقيقه ضايعه منى  
|
|
#2
08-07-2011, 10:54 PM
|
||||
|
||||
|
بقيت مجرد اشوف الاسم بدخل
لكن بتصدمنى الحقيقه .. دى ميش النهايه مينفعش ..بكل تاكيد ادهم ميش هيتعدل يعنى ...لو متعدلش اكيد البطله هتلاحظ تصرفاته لانه بقى عندها فكرة مسبقه عن خيانته حتى لو مصدقتش فى الاول ..يتكشف وبرضه تنتهى نهايه كئيبه ...لكنها مظبوطه فى راى ولو اتعدل لازم يكون فى سبب حقيقى عشان حياته تستقيم ..ممكن انت بقى تبدع فى السبب دا ...انا شايفه ان لسه فى بقيه فى انتظار الباقى شكـــــــــــــــــــــــــــــــــــــــرا ..انت مبدع
__________________
|
|
#3
09-07-2011, 10:37 PM
|
|||
|
|||
|
اقتباس:
بجد نورتينى وسعيد جدا جدا بردودك المستمرة والرائعه على قصصى البسيطه
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#4
10-07-2011, 01:10 AM
|
||||
|
||||
|
اكيد نهايته سوده طبعا هههههههه
لكن ليه كل قصصك او معظمها رو مانسيه و ماساويه كده مفيش حاجه سعيده شويه هههه لكن انا عاوزه اسالك سوال انت بتلحق تكتب الرويات دي كلها امتي و لا انت كتبها من زمان
__________________
http://ask.fm/Ranosh_Hafez https://www.facebook.com/mariam.adel.3979 https://twitter.com/mariama95721538
|
|
#5
10-07-2011, 10:36 AM
|
|||
|
|||
|
اقتباس:
قصصى القصيرة كلها زى ريمااس وزى ملاكى البرئى وزى إحساس كداب دول بكتبهم يوميا يعنى ممكن كل يوم اكتب قصه اول ما تجيلى الفكرة انما قصص طويله عباره عن حلقات زى صحيت من النوم الصبح وزى مذكرات مجنون وغيره وغيرة مثلا دى انا كتبها من فترة والقصه عباره عن 20 حلقه او ازيد بس انا بنزل القصص اللى بكتبها ولسه طازة هههههه واتمنى لو نزلت قصصى الطويله اللى عباره عن حلقات انها تنال اعجابكم
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#6
10-07-2011, 05:05 PM
|
||||
|
||||
|
اقتباس:
و بتجيلك افكار كتير اوي كده ورا بعضها ازاي ( ماشاء لله يعني انا ما بحسدش) دا نا بين كل قصة وقصة عبل ما بتجيلي فكرة جديده بتكون فتررررررررررررراه طويله انا باقلي كتير اوي ماكتبتش حاجه
__________________
http://ask.fm/Ranosh_Hafez https://www.facebook.com/mariam.adel.3979 https://twitter.com/mariama95721538
|
|
#7
11-07-2011, 10:56 AM
|
|||
|
|||
|
القصة جميلة اوى
بس عاوزين اانت الى تكملها ودى افكارفى ناس كتير بتتعرضلها الانسان لو نسى الكدب شوية هيبقى شخص تانى تقبل مرورى
|
|
#8
11-07-2011, 12:04 PM
|
|||
|
|||
|
اقتباس:
انا مجرد مابتجيلى فكره القصه ببداء اكتب مع انى مش بكون عارف ايه النهايه والاغرب من كده واللى اكيد هتتعجبيله انى بختار اسم القصه قبل ما بكتبها هههههه حولى تكتبى عاوز اقراء ليكى
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#9
11-07-2011, 12:05 PM
|
|||
|
|||
|
اقتباس:
وهتكون اهداء ليكى تابعينى قريبا جدا
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#10
02-08-2011, 04:38 AM
|
||||
|
||||
|
يعنى موت الواد المسكين
وسبت ادهم يعيش وده على اساس ان مخزونك الخصب نضب حاول تنزل باقى للقصة العجيبة دى انا عايزة اشوف اخرتها ايه بس روعه بجد تسلم يا امير
__________________
ان صمتي لا يعني جهلي بما يدور حولي
|
|
#11
02-08-2011, 05:14 AM
|
||||
|
||||
|
لا حرام موته ليه بس
 بجد قصة صعبة جداً يارب ميكونش حد مر بيها تسلم إيدك يا تامر كاتب المنتدى الكبييييييييير المميز ربنا يحميك لأهلك ونشوف قصصك في مكانة تستاهلها
__________________
عندي حلم ومش هسيبه . . 
|
A.3Adel|
#13
02-08-2011, 09:33 AM
|
||||
|
||||
|
لا لازم الواد أمير يعيش
حرامم كده ..قصه مؤلمه بجد .. تسسلم تآمر ..ع الابداع وانا ممكن اكملها ..لو تحب
__________________
ما أعظم أن تكون غائباً حاضراَ ..علي أن تكونَ حاضراً غائباً
|
|
#14
02-08-2011, 08:52 PM
|
|||
|
|||
|
اقتباس:
هههههههههههه ماشى يالمضه حاضر والمخزون الخصب لسه مش خلص
هكملها فى اقرب وقت رغم ان دى النهايه من وجه نظرى
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
#15
02-08-2011, 08:56 PM
|
|||
|
|||
|
اقتباس:
ربنا يخليكى ياسندس يارب وتفضلى تقرى ليا كده على طول ههههه بجد ببقه سعيد جدا بردودك عليا اقتباس:
ربنا يخليك اخى الغالى نورتنى
__________________
ولما قلبى إداكى قلبى ياحته منىرجعتلى بسمه كانت رقيقه ضايعه منى
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:13 AM.
