يـعنــــى ايـــه يـــوم زيــــــــرو...؟ ؟ ؟ ؟

shady reyad · #1 11-07-2011, 01:21 PM

يعنى ايه يوم زيرو

يعنى تروح عليك نومه و يضيع عليك الفجر فيروح عليك ثواب عظيم

قال رسول الله صلى الله عليه و سلم من صلى الفجر فى جماعه فكأنما قام الليل كله

يعنى تروح الحمام عشان تشوف حوار الصلاه اللى راحت تنسى تقول دعاء الخلاء و تنسى تخش برجلك الشمال

يعنى تيجى تتوضه تنسى تقول بسم الله و بعد متخلص وضوء تنسى تقول دعاء بعد الوضوء اللى هيفتحلك ابواب الجنه الثمانيه

عنْ عُمَر بْنِ الخَطَّابِ رضي اللَّه عَنْهُ عنِ النَّبِيِّ صَلّى اللهُ عَلَيْهِ وسَلَّم قَالَ : « ما مِنْكُمْ مِنْ أَحدٍ يتوضَّأُ فَيُبْلِغُ أَو فَيُسْبِغُ الوُضُوءَ ثُمَّ قَالَ : أَشْهدُ أَنْ لا إِله إِلاَّ اللَّه وحْدَه لا شَريكَ لهُ، وأَشْهدُ أَنَّ مُحمَّدًا عبْدُهُ وَرسُولُه ، إِلاَّ فُتِحَت

لَهُ أَبْوابُ الجنَّةِ الثَّمَانِيَةُ يَدْخُلُ مِنْ أَيِّها شاءَ » رواه مسلم .

وزاد الترمذي : « اللَّهُمَّ اجْعلْني من التَّوَّابِينَ واجْعلْني مِنَ المُتَطَهِّرِينَ » .

يعنى تنسى تخرج من الحمام برجلك اليمين و تقول دعاء الخروج

انت فاكر كده خلاص لا لسه بدرى انت مش هتفطر

انت : لأ مليش نفس

انا: افطر طيب النهارده عشان خطرى عشان اخد الثواب بس اوعه تنسى اول لما تفطر تقول بسم الله الرحمن الرحيم و لو نسيت لا قدر الله تبقى قول بسم الله اوله و اخره

خلصت أكل تقول على طول الحمد لله الذى اطعمنى هذا و رزقانيه من غير حول منى و لا قوه

عارف ايه الثواب يغفر لك ما تقدم من ذنبك

طيب لسه استنى انت رايح فين انت مش نازل الشغل او الكليه

انت : اه نازل سلام

انا:رايح فين انت لبست لسه ألبس كده حاجه حلوه و انت بتلبس قدم يمينك ده من السنه و قول بسم الله و بعد لما تلبس قول

الحمد لله الذي كساني هذا [الثوب] ورزقنيه من غير حول مني ولا قوة

يغفر لك ما تقدم من ذنبك

انت : الحياه فى طاعه مش سهله كده هات بقى الدليل

قال صلى الله عليه وسلم : { من أكل طعاما ثم قال: الحمد لله الذي أطعمني هذا الطعام ورزقنيه من غير حول مني ولا قوة غفر له ما تقدم من ذنبه ومن لبس ثوبا فقال: الحمد لله الذي كساني هذا [الثوب] ورزقنيه من

غير حول مني ولا قوة غفر له ما تقدم من ذنبه }

صحيح أبو داود للألباني .

شوفت الدليل استسلم بقى و متنساش تقول دعاء الخروج من المنزل بدليل على طول

إذا خرج الرجل من بيته فقال : ( بسم الله ، توكلت على الله ، لا حول ولا قوةإلا بالله ) ؛ يقال له : حسبك ، هديت وكفيت ووقيت ، وتنحى عنه الشيطان .

طيب خرجت قبلت صحبك متقولش هاى قول تحيه الاسلام "السلام عليكم"....متسلمش سلام كول لأ الكف فى الكف

لقول الرسول صلى الله عليه و سلم

ما من مسلمين يلتقيان فيتصافحان إلا غفر الله لهما قبل أن يفترقا

اااااااااااااه انا عارف ان انت ابتديت تفقد الشهيه بس خلاص اركب بقى العربيه و قول دعاء الركوب و انت عرفوا بقى ............. تبقى لما تخش المسجد تصلى تبقى تقول دعاء دخول المسجد..........

اه الدعاء بسم الله والصلاه و السلام على رسول الله اللهم افتح لى من ابواب رحمتك

و تخش برجلك اليمين و تخرج برجلك الشمال

و انت خارج تقول بسم الله و الصلاه و السلام على رسول الله اللهم انى اسألك من فضلك اللهم اعصمنى من الشيطان

طيب خلاص خلص اليوم و بتودع صاحبك متنساش تقول دعاء كفرت المجلس

كان رسول الله صلى الله عليه وسلم إذا جلس مجلسا يقول بآخره إذا أراد أن يقوم من المجلس سبحانك اللهم وبحمدك أشهد أن لا إله إلا أنت أستغفرك وأتوب إليك فقال رجل يا رسول الله إنك لتقول قولا ما كنت تقوله فيما مضى فقال كفارة لمن يكون في المجلس

بس و هكذا كل يوم ..... انت مش ملاحظ ان معظم الاذكار تبداء ببسم الله

و ده طبيعى لان حياتنا كلها لله بس احنا نسينا

قال تعالى:ما أريد منهم من رزق وما أريد أن يطعمون

و ايضا قال تعالى:قل ان صلاتي و نسكي و محياي و مماتي لله رب العالمين

بايدك تخلى يومك كله حسنات و بايدك بردو تخلى يومك زيرو

............ والسلام عليكم ............. نسألكم الدعاء ان يغفرلنا و لوالدينا و للمسلمين اجمعين
>>