بتعملوا كدا ليه ؟!!!

[Mr. Ali 1]

المشاركة الأصلية كتبت بواسطة روووووز

طيب والله انا لحد الوقتى لسه بنقل مواضيع مع ان القسم واضح من عنوانه هو انا هقضى حياتى انقل واحذف مواضيع يعنى مش هعرف اشارك حاسة انى هموت على الحال ده
طيب وليه ميكنش العضو مسئول زى المشرف ويخففوا عنا شوية
وساعات بحتار انقل الموضوع فين !!! شكلى كده مش على قد المسئوليه يعنى المواضيع اللى فيها فيديو تتنقل فين !!!
وزى ما حضرتك قولت ان العضو يشوف موضوعه راح فين من طريقة حضرتك (مش معقول انى هكتبها تانى )
وكمان هحتاج وقت انى اكتب مشاركة فى الموضوع عشان يعرف موضوعه راح فين انا ما بصدق انى بنقل شوية مواضيع
ههههههههههههههههه ما عدا حضرتك على عينى حضرتك اول عضو مع ان حضرتك ماشاء الله بتحط الموضوع فى المكان المناسب
اسبكم شوية لما اروح انقل شوية مواضيع

- لسه بتنقلي موضوعات ؟؟ امال عدد الصفحات زي ما هو ليه ؟!
أجاوب انا . علشان بتعملي نقل جزئي للموضوع . اعملي نقل كلي للموضوع ( بدون اعادة توجيه ) لأن النقل الجزئي بيخلي الموضوع موجود في قسمين .
- موضوعات الفيديو انقليها لقسم ( أخبار مرئية ) وأهو القسم هناك يشتغل . ويكون الموضوع في مكانه الصحيح .
- انتي قد المسئولية يا روز , واذا اختلط عليكي الأمر في نقل موضوع لمكان ما , عندك الارشادات في القسم , وعندك أفراد الادارة ( وكلمة في سرك بس اوعي تقولي لحد , أنا كمان موجود )
- مفيش وقت ولا حاجة يا روز لما تكتبي مشاركة داخل الموضوع المخالف وتقولي فيها مثلاً ( ينقل إلي قسم .... ) هذا هو المطلوب فقط .
- اوعي أكون أول عضو تحذفي له أنا عارف حقوقي وواجباتي كويس . أرفع عليكي قضية وأقدم فيكي بلاغ للنائب العام