|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
14-07-2011, 01:23 AM
|
||||
|
||||
مش هنطلع من المولد بلى حمص....!!!!
(بسم الله الرحمن الرحيم) السلام عليكم........... مش هنطلع من المولد بلى حمص...
هذا المثال الشعبى ينطبق وبشدة على احوال المجتمع الان حيث ترى كل فرد من افراد المجتمع وهو لا يفكر الا فى نفسه وكيفية استفادته من المولد وهو الثورة والاحداث المتتابعه الناتجه عنه و هذا ليس حال الافراد فقط لا بل حال الاحزاب و الهيئات السياسية بمختلف انواعه وبمختلف الوانه .......... مولد طبعا الافراد والهيئات وكل جوانب البلد بتفكر انه مش تتطلع من المولد بلى حمص ...... طيب فى هذه الحالة ماذا نفعل نحاول اننا نشوف ناس تحتلنا علشان تفكر فى المصالح بتاعت البلد وللاسف برضوا هما كمان هيفكروا فى مصالحهم وبرضوا مش هيسيب ولا حمصة فى البلد يعنى هيخدوا كل الحمص ... والمولد اللى شغال حاليا فى مصر هو مولد الفوضى و العنوان روح اى ميدان و اعمل فيها معتصم ونام .....اها يا عينى يا سلام.... و ده تحت عنوان طول ما احنا فى الميدان المولد شغال والحمص كمان.... طيب الاغلبية العظمة من شعب مصر لا يتحرك ويكتفى بمشاهدة ما يحدث و ده على اساس ان الميدان والشوارع التى لا يحكمه الا قانون (حبيبى الماسك ايدى) ولكن اى حد ممكن فى الشارع يمسك ايدك يعنى مش هتعرف ان كان من يتكلم معك وتصنع معه القرار جاسوس يهود ولا امريكى يعنى مش هتقدر تفرق بين اليهود والامريكان الموجودين حاليا فى الميدان اصله مولد والمصريين بيحب يتفرجوا..... ايه رايك مش فى الحمص لا فى الكلام...؟ و شكرا للابطال ثورة 25 يناير الذين يرفضون ما يحدث الان واتمنى معكم جميعا عودة الاستقرار لبلاد و اعتذر عن اسلوب صياغة الموضوع
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#2
14-07-2011, 01:30 AM
|
||||
|
||||
|
اولا الحمص كتير يا احمد تحب ابعتلك شوية
 ثانيا بص هى اغليبة الناس محتاجة ايه من الثورة بعيدا عن الصراعات السياسية والبرادعى واخوان وسلفيين واحزاب وحاجات كتير كل دول ما يهمش غير دستور وانتخابات وسلطة لكن اغلبية الشعب الغلبان محتاج ايه اكيد كل شاب نفسه يلاقى شقة تستره ويجوز فيها نفسه يلاقى وظيفة بمرتب نفسه يعيش حياة طبيعية هو ده الى الناس بتفكر فيه ولحد دلوقتى مفيش حااجة حصلت منه كل تفكيرنا فى حاجات تانية خاالص هى مهمة اه بس الاهم عند الناس هى الحاجات دى وبس علشان كده كل شوية هتلاقى اعتصامات وحاجات كتير شكررا على الموضوع
__________________
|
|
#3
14-07-2011, 01:30 AM
|
||||
|
||||
|
بغض النظر عن الجمله دى اللى عجبتنى جداً
اقتباس:
عجبنى اوى طريقه حضرتك والاسلوب فى ابراز المعنى بس ممكن أقول حاجه ؟ اعتقد ان قسم ملفات وقضايا حيكون مناسب اكتر للموضوع
__________________
|
|
#4
14-07-2011, 01:37 AM
|
||||
|
||||
|
اقتباس:
شكرا يا محمود بس لازم يكون دور لناس دى فى المجتمع وخصوصا ان هم بيمثل الطبقات الساحقة من المجتمع وهم الغالبية العظمة فدورهم اكيد فى غاية الاهمية مؤثر بشكل خطير
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#5
14-07-2011, 01:42 AM
|
||||
|
||||
|
اقتباس:
شكرا لسيادتك يا فندم و بس المكان المناسب هو القسم ده لان الموضوع يمثل قضية ليست سياسية بحتة بلى يتعرض للاوضاع الاجتماعية و هو لا ليس نقاش سياسى ولكن نقاش سياسي اجتماعى وذلك انه يجب علينا عدم عزل انفسنا عن الاوضاع التى تمر به البلد و تستحق ان تتم مناقشته
وعلى فكرة انا اعلم بوجود قسم ملفات وقضايا شكرا
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#6
14-07-2011, 03:09 AM
|
||||
|
||||
|
اقتباس:
مش متفقه مع حضرتك تماما يعنى الناس اللى موجوده فى الميدان دلوقتى بقو هما سبب الفوضى اللى شغاله فى البلد لكن أحكام البراءة مش فوضى المحاكمات السرية لحرامية البلد مش فوضى إخلاء سبيل سوزان مبارك مش فوضى بقاء مبارك فى شرم الشيخ معزز مكرم مش فوضى بقاء وزراء من فلول النظام وقتلة الثوار فى مناصبهم مش فوضى لولا الأبطال اللى فى الميدان دلوقتى كنا رجعنا لورا أكتر وكأنك يا أبو زيد ما غزيت بس للأسف فيه ناس كتير لسه مش هتفهم اللى بيحصل دلوقتى غير بعد كده بكتير المحاكمات العلنيه وتغير وزارى ومحافظين وحركة وزارة الداخليه ونشر التحقيقات مع مبارك مين السبب فى كده ؟؟ القلق اللى فى البلد دلوقتى طبيعى جدااااااا بعد اى ثورة الوقفات والاعتصامات والمطالب الفئوية ده رد فعل طبيعى لسرقة وكبت ونهب ومص دم الناس الغلابه 30 سنه وزى ما حضرتك قلت طول ما احنا فى الميدان هيبقى فيه حمص طالما مافيش مطالب بتتحقق غير بالضغط لكن أخر حاجه ممكن تتصدق إن يكون اللى فى الميدان هما سبب الفوضى ميرسى لحضرتك على التوبيك
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
آخر تعديل بواسطة مروه ، 14-07-2011 الساعة 03:16 AM
|
|
#7
14-07-2011, 04:03 AM
|
||||
|
||||
|
اقتباس:
بس اقول لسيادتك ما يحدث الان هو عبارة عن استعجال و محاولة لوضع البلد فى امور لاتحسد عليه لو كان ده لانهم اردى ان تكون المحاكمات عالنية او حبس الرئيس او اى ما كان لا يكون التحرك فى ثلاث محافظات ومحاولة لايعاقة البلد بكل الاشكال ومحاولة توريط البلاد فى صراعات دولية من خلال التعرض لملاحة فى قناة السويس النظام كله سقط بدون ده كله يا ريت مش نفكر بسطحيه ونركز فى الكلام وكل هذا الاشياء و النظر لامور من جميع الجوانب وليس من فى التحرير فوق النقد و اظن انه الان لا يوجد اشخاص لا ينتقدون .
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#8
14-07-2011, 04:32 AM
|
|||
|
|||
|
على ما اعتقد القسم الانسب للموضوع ملفات و قضايا سياسيه
__________________
قررت أن أصوّت للسلفيين...لتصبح بلادي مزدهرة كأفغانستان،...متحدة كالسودان،شبعانة كالصومال,..و ديموقراطية كالسعودية!عليكم ان تحتارو بين نظام اسلامى كما فى هذة الدولوبين نظام اسلامى كما فى تركبا وماليزيا
|
|
#9
14-07-2011, 10:16 AM
|
|||
|
|||
|
اقتباس:
أتفق مع هذا الرأي تماماً الا في نقطة 30 سنة . اكتر من 30 سنة ( احنا من 1952 ودمنا بيتمص كل يوم ) المجلس العسكري يا أحمد مش بيتحرك خالص الا لما القلق دا بيحصل . شكراً علي هذا الموضوع . تقبل مروري .
|
|
#10
14-07-2011, 12:41 PM
|
||||
|
||||
|
اقتباس:
نفس الرد اللى فى مشاركة رقم 5
شكرا لمرورك
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#11
14-07-2011, 12:53 PM
|
||||
|
||||
|
اقتباس:
الرد على هذا الراى فى المشاركة رقم 7
الى متى سوف تكون الحلول لمشكلات بهذه الطريقة ( احنا من 1952 ودمنا بيتمص كل يوم ) سيادتك المصريين قبل هذه الفترة لم تكن لهم دماء وكانت كل حقوقهم مهضومه وكان الفساد اكبر من الان بكثير ان محاولت التنكل لجيش هى محاولة لتدمير مصر ومحاولة تقليل دور الجيش لنا يكون الجيش هو الخاسر بل شعب مصر كله و لا تحاول المقارنة بينه وبين احد لا يستحق المقارنة. شكرا يا استاذ على مرور جميل
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#12
14-07-2011, 04:46 PM
|
||||
|
||||
|
اقتباس:
مافيش حد فوق النقد بس ياريت يبقى نقد بناء مش نقد لمجرد النقد فقط 
__________________
قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ
|
|
#13
15-07-2011, 03:19 AM
|
||||
|
||||
|
اقتباس:
شكرا لمرور سيادتك اسعدنى فعلا التناقش معك فى هذا الموضوع
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
#14
15-07-2011, 04:58 PM
|
||||
|
||||
|
موضوع جميل جدا
بس انا ضد الاعتصامات اللى لسه مستمره للوقتى فيها ايه يعنى لما نصبر هما شهرين بس وانتخابات الرئاسه هتتعمل انا عارفه ان الناس زهقت من الصبر كفايه انهم صبروا 30 سنه بس معلهش ان شاء الله يبقى اخر صبر ليهم المفروض يهدوا شويه ويصبروا شكرا على الموضوع ده ومتنساش انا عايزه شويه حمص 
|
|
#15
16-07-2011, 03:07 AM
|
||||
|
||||
|
اقتباس:
راى سيادتك فعلا سليم و شكرا لمروك
و بالنسبة للحمص انا تحت امرك 
__________________
قَالَ كَلَّا إِنَّ مَعِيَ رَبِّي سَيَهْدِينِ
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:04 PM.
