من يوصل صوتنا الى واضعى السياسات التعليمية في مصر المحروسة

[طه السعدني]

يا سيدي الفاضل دي عصابة شغلتها عمل اجتماعات وهمية يصرفوا عليها بدلات خيالية من أول مكافأة لزوم لجنة مشتروات مقشات و أدوات نظافة و أدوات مكتبية و حاجات كتيرة عليها لجان ازوم متابعة الموضوع الأول و الثاني ..........................
و على رأي نجيب الريحاني برسيم لزوم الخروف
تفتكر مفيش واحد بيقابل في الشارع أو بيسمع كلام الناس في المواصلات أو في التليفزيون أو أقاربه أو أولاده بيدخلوا على النت و يقولوله
الناس بتقول إيه
دول زي النعامة بيحطوا دماغهم في التراب و يسدوا ودانهم و في الآخر يقولولك محدش قال حاجة و مسمعناش آراء
هو من امتى أنتو بعملوا بكلام حد ؟
أخيرا لا فيه وزير معلم مسك الطباشيرة و ايده جات فيها حساسية من غباره الطباشير و لا سمع كلمة طالب ممل و ولي أمر متعجرف يقولك انت عارف أنا مين؟؟!!!!!!!!!!
و لا فيه نقابة شغلتها الدفاع عن حقوق المعلم لكن شاطرين يتخانقوا على قسمة المبالغ المحصلة من الاشتراكات و إيجار شقق المصيف و الرحلات و كمان القروض المضربة للمحاسيب
عرفت ليه أنا قلت دي عصابة