اقتباس:
المشاركة الأصلية كتبت بواسطة asmaa232
مساء الخير
كويس والله ان طلع حد تانى بيحب الشعر زيى وبالمناسبة بقى انا كنت بكتب خواطر واشعار وحاجات من دى كدا ومنهم واحد كنت كتباه قبل امتحان الدراسات بتاعى ع الجغرافيا عشان بجد كنت مخنوقة منها ع الاخر شوفوه كدا
سأقص عليكم قصة حب أشغفت الشباب والفتيات
لم تنشر فى الصحف ولا حتى المجلات
فالعاشق طالب والمعشوقة دراسات
كان فى الجغرافيا بيصم المساحات
ويسمع لنفسه الدرس ف عشر كراسات
يخلص م المناخ والمطر والشجيرات
يدخل فى دنيا الابل والماشية والحيوانات
بعد شوية الموضوع زاد حبة حاجات
دخل ع النت وسأل طلعوا سبع قارات
عشان خاطرها مشتركش فى عرض المسجات
وقفل تليفونه واستغنى عن الرنات
علشان خلاص جه وقت الامتحانات
عمل اللى ميتعملش وداخ السبع دوخات
فاتت السنين ومرت الاوقات....
وصاحبنا العاشق دخل الجامعة و
أخد شوية شهادات
وبعد سنوااااااات
اتوظف فى حكومة ملفات
قبض منها شوية جنيهات
واترمى على مدرسة بنات
كانوا شوية كول وملهومش فى الدراسات
ويوم بعد يوم أخينا الأستاذ
لقيناه مسقط البنطلون ولابس بادى ومبين العضلات
وعلى دراعه عامل تتوهات
ومكجول نفسه اخر 3 حاجات
وف الاخر اترفد م المدرسة وبقى ف الشارع شحات
وهوا دا مصير اللى يحب الدراسات  |
ماشاء الله عليكى ياقمر بجد ماشاء الله أكثر من رائعة مش عارفة اقولك ايه بجد جميلة والله استمرى وورينا شعرك الرااااائع ده ويارب اشوفك استاذة ددكتورة فى طب عين شمس وابقى معاكى هههههههه واشوفك وربنا يوفقك
22-07-2011, 10:22 PM
العرض الشجري
