لو سمحتـــــم مساعــــده(((تانيــــه ثانــــــــوي))) جزاكم الله خيرا

[solty]

وعليكم السلام ورحمه الله وبركاته

اولا بالنسبه للجدول انا عمرى ما عرفت اعمل جدول لنفسى ولما عملت معرفتش امشى عليه ^^

بس انا كنت بذاكر بس للدرس يعنى بكرا عليا ايه فاذكرله وارجاع وكدا يعنى ومشيت العمليه ديه والحمد لله


وثانيا نصيحه منى الرياضه الرياضه تتذاكر اول ما تروحى من الدرس على طول ويتحل الواجب بتاعها على طول

ما يستناش ابدا لبكرا ماشى ^^

ثالثا اوعى تيئسى ابدا من رحمه الله اوعى تزعلى فى امتحانات الدروس وتدايقى لو مجبتيش النهائيات فى امتحانات الدروس

واصحابك يجيبوى وانتى لاء تيقنى ان ربنا بيحبك دايما ومعاكى دايما وغلطك فى الامتحانات هيعلمك ومش هتنسى ابدا

الحاجه الى غلطى فيها


رابعا اوعى تكتئبى وتبكى وتزعلى وتيئيسى بتحصل للواحد كتير انه بينسى الى بيذاكره بصى دماغ الواحد عامله زى الويندوز

بتاع الكمبيوتر كل شويه هيضرب وهتنسى حاجات كتير بس لاء ربنا معاكى ومتخافيش الويندوز يعنى دماغك هتنسى وتفتكر وتجدد

خامسا واخيرا دايما ادعى ربنا انه يكرمك ومتبخليش عن اصحابك بالمعلومات ابدا وتقولى لاء انا عاوزه اجيب اكتر منهم لاء

ساعدى الناس عشان ربنا يوقف معاكى


وشكرا ^^